كيفكــــــــــــــم جميعا
عساكم بخيـــــــــــــر
بيني وبينكم انا عندي سر خطير المهم
:adore:
انا عروسة زين؟
باقي ع زواجي حدود 10 ايام
مشكلتي ماسويت ولاشي لبشرتي بشرتي فيها 1)مسامات خفيفه بس تضايقني
احيانا لانها يكون شكلها واضح واحيانا تختفي
وعندي2) حبوب منتشرة بوجهي
وعندي 3)شعر خفيف بس تعرفوا ودي اشيله
:thumbs_down:
بس خايفه لان بحياتي ماشلت شعر بوجهي:hysterical:
وعندي زيوان( حبوب سودا على الانف) 😡
ارجو من ذوي الخبرة الرد علي بااسرع وقت
😉
وبما انه عندج 10 ايام سوي حمام بخار لويهج يانج تسخنين ماي وتحطي فيه بابونج او اوراق نعناع وشرايح ليمون وتجيبي فطوه وتغطي وجهج لين مايعرق ويصير احمر بس قبل لازم يكون ويهج مغسول زين بالغسول وعقب جيبي المقشر عندج مقشر المشمش سانت ايفز سوي تقشير لويهج وركزي على منطقه الانف وغسليه بماي وحطي اي ماسك تحبينه انتي مثل ماسك الخيار
2 ملاعق طعام من عصير الخيار
– 2 ملاعق طعام من ماء الورد
– قليل من زيت الزيتون
2ملعقه كبيره زبادي اخلطيهم مع بعض وحطيهم على ويهج لين يجف وغسلي ويهج
اما بخصوص شعر الويه اذا كان خفيف شقريه اذا مايبان كلش ولا يبان مالج الا شرايح فيت الخاصه بالويه بس سويها بحذر ونعومه او الخيط
وعليكم السلام ورحمة الله وبركاته..
الف مبروك يا عروسه و ربي يتمم لك فرحك على خير..
بس والله مرة اتأخرتي 10 ايام مرة قليلة عشان تعالجي كل دي المشاكل..
ولكن افضل حل لك:
عليكي بالسدر رائع للمسامات و الحبوب
تسويه كقناع يوميا ( في الصباح)
اعجني سدر و حليب بودرة بكميات متساوية بقليل من الماء
و حطي على وجهك الين يجف تقريبا ياخد من 20 – 30 دقيقة
بعدها بللي اصابعك بالماء و ادعكي بشرتك بلطف الين يزول القناع
في المساء عليكي بقناع آخر يزيل آثار الحبوب :
ازالة آثار الحبوب من الوجه..>>بالصور
بعد زواجك استمري بالعناية ببشرتك استخدمي مجموعة كلين اند كلير كاملة:
1- غسول الوجه مرتين : لمن تصحي من النوم و قبل ما تنامي
2- التونيك تمسحي وجهك بقطنة مرتين في اليوم
3- الكريم تحطيه على وجهك قبل النوم تستخدميه بعد الغسول
هادي صورة المجموعة تلاقيها في اي صيدلية :
بالنسبة لشعر الوجه انصحك لا تشيليه طالما انه خفيف عشان لا يزيد
شوفي انصحك تروحين عيادة جلدية او مركز تجميل تسوين تنظيف بشرة عندهم وحاولي قبل اسبوع من زواجك مو اقل
طيب بخصوص الحبوب جيبي غسول يناسب بشرتك اذا دهنية جيبي
غسول كلراسيل وفي عندهم بعد كريم للحبوب خفيف ومناسب حطيه على الحبة واخذي معه محلول دالاسين تي وعقمي الحبوب
وحطي الكريم على الحبة فقط هم كاتبين انه تختفي خلال24 ساعة وفي تجارب للبنات تمدحه
وبخصوص الرؤوس السوداء في سائل من كلين اند كلير للرؤوس السوداء استعمليه يوميا وعقب حطي تونر لانه هذا السائل ينظف لك المسامات والرؤوس
وتكون بهالحالة المسامات مفتوحة فلازم عقب تحطين تونر عشان تغلقين المسامات جيبي تونر من اولاي او نفسه كلين اند كلير او من همالايا
اما شعر وجهك روحي لمشغل يشقرونه لك افضل بس منطقة الشارب شيليه بالشمع بعد بمشغل وحطي على وجهك ومنطقة الشارب ماء ورد بارد او ثلج وحطي عليه
كريم بيبانثين الارزق او فيسودين لمدة 3 ايام بعد التشقير وازالة شعر الشارب
واحب انبهك على المسامات لازم بعد غسل وجهك تغلقيها بتونر بترتاحين بهالطريقة
استفدت من نصايحك وبسويها حرفيا ومشكور ة حبيبتي
رربي يبارك بعمرك ومشكورة ع النصائح الاكثر من رائعه
على مرورك الاكثر من رائع ونصائحك الاخوية ثانكس…
 |
اقتباس |  |
 |
المشاركة الأساسية كتبها نودي2012  |
 |
 |
| انفـــــــــاسكـ دخونـ استفدت من نصايحك وبسويها حرفيا ومشكور ة حبيبتي |
||
 |
 |
العفو حبابه بالخدمه وانصحج بعد تشربين ماي واييييد هالفتره كل يوم 8 اكواب وتشربي على الريق يوميا عصير برتقال طبيعي وفواكه وتقللي من القهوه والشاي والاكل اللي فيه زيت والاكل الدسم ولجسمج سوي حمام مغربي ينظف الجسم ويصفيه ويعطي نعومه وبعد الحمام تدهني بزيت اللوز وكثري من الاستغفار وقراءه سوره البقره كل يوم والله يبارك لج بزولجج وتطلعين احلى عروس
ما عندج وقت اهتمي كثفي الإهتمام….
الله يهنيج ويسعدج…