مساء الورد ..
فترة مانزلت شي بالقسم قلت انزل لكم طريقة عشا يحضر في 30 دقيقه فقط .. سريع ولذيذ وشهي ..
والعشا عبارة عن : ( لشخصين )
ستيك اللحم بصلصة الفطر
سلطة النجتس بالخردل والمايونيز
أطباق اجانبية ( خضروات مطبوخه )
(فاصوليا حمرا + ذره)
بسم الله ..نبدأ
طبق 1
الستيك نتبله ونبهره بالملح والفلفل الاسود .. ونتركه 10 دقائق
ونكون محضرين شوايه الستيك ..
نحط الستيك في الشوايه ونقلبه عالجمبين تقريبا ياخذ في الشوايه اقل من 10 دقايق
طبق 2
نضع الخضار المطبوخه في جدر الطبخ بالبخار
وهي جزر + بطاطس ( يقطعان بالطول ) + زهرة ممكن اضافه بروكلي ( بس ماكان عندي )
نتركه لمده 10 – 15 دقيقه فقط .
طبق 3
في هذه الاثناء ممكن نحضر صلصة الستيك
المقادير
فطر مقطع
بصل مقطع شرائح
زبده + زيت
ملعقتين طحين مذوبه في كاس ماء
كاس ويبنغ كريم
ملعقة صغيرة اوريغانو
2 ملعقة كبيرة صويا صوص
الطريقة
نسخن الزبدة والزيت
نحمس البصل حتى يلين قليلا ثم نضيف الفطر ونقلب
نضيف الماء الممزوج بالطحين ونقلب
ثم نضيف كاس الويبنغ كريم ، ثم قليل من الملح والفلفل الاسود
ثم نضيف ملعقتين كبيرتين صويا صوص ونقلب
بعد ذلك نضيف الاوريغانو
طبق 4
سلطة النجتس بالخردل والمايونيز
مقادير الصلصه العجيبه
1 م ك خردل (ماسترد)
2 م ك مايونيز
نص ليمونه
2 م زيت زيتون
ملح + فلف اسود
2 م ك عسل
الخضروات :
نصفها على شكل طبقات
خس – خيار – طماطم – فلفل اخضر بارد – ملفوف بنفسجي – جزر مبشور – ذرة – بيض مفوح ومقطع صغار – جبن شيدر مبشور
واخر شي نحط قطع النجتس وبعدين نصب فوقها الصلصه
ضروري نحط البيض والجبن لان لذيذ مع الصلصه وااايد
والصلصه لاتحطينها الا قبل ماتقدمين السلطه .. تطلع احلى فرش
طبق 5
الفاصوليا الحمرا + الذرة
نخلطهم مع بعض مع اضافة قليل من الملح
الشكل النهائي لطبق الستيك
وهذي السفره مع السلطه والسفن اب :21_207:
اتمنى ان تكون الاطباق عجبتكم ..
طرشي لي صحن الدوام انا يووعانه
تسلم يدج وربي يعطيج العافيه .. شكله حلو
ومشهي
ماااااشاءالله دوم
مبـــــــــدعه جدااا
يستاهل التميز ياغاليتي
وبـــــــانتظار جديـــــــــدج من هلاطبــــــــــاق اللذيذه
الله يعطيــــــــــج العافيـــــــــــــــه
..
ماشاء الله عليج ..
لا تحرمينا من ابداعج ..
الله الله الريحه وصلت الين بطني .. لوووول..
الله يعطيج العافيه يالغاليه
بحطها في ملف خاص للاكلات عندي ..
::
زوجي يموت على الاشياء هذي