بنتي ميوووسه الله يحفظها عمرها شهر بالضبط
صار لها اربع ايام عندها امساك ولمى اجي ارضعها تصرخ وتودي راسها يمين يسار كانها مجنونه وتكسر خاطري تتعصر ولايطلع شي
وديتها الدكتور وحط لها تحميله وتبرزت وارتاحت..
وقالي اعطيها بين كل يومين عصير برتقال مخفف بماي 50 ملل ؟؟
وانا خايفه ان يضرها عصير البرتقال وهي توها عمرها شهر ؟؟
وانا اعطيها حليب صناعي وطبيعي بنفس الوقت لان احسها ما تشبع وحليبها اس 26 مدعم بالحديد؟
ومحتارة شنو اسوي وياها اعطيها عصير برتقال ولا اغير حليبها مع اني بس بالليل اعطيها رضعه وحده 120 ملل
و البرتقال معروف انه يسهل البطن بسرعه للاطفال بس بما انها عمرها شهر تقدرين تستبدلينه باعشاب
امي تسوي حق ولد اختي مغلي ماي ورد تشترين الورد مجفف من الحواج و تغلينه و تشربينه للياهل
ماراح يعدي اليوم الا و هي مسهله ان شاء الله
مثل ما قالت لج مراوي حليب اس 26 ثقيل ع الاطفال
ومو كل طفل يتحمله .. لو تغيرينه يكون أفضل
جربي ابتاميل أو نان ….
أنا أعطي ولدي ماي الحلوة لما يصيده امساك ومفعوله يبان خلال دقايق او بالكثير ساعه
وهو مناسب منذ الولاده ..
ان شاء الله الله يسهل لها
ذكرتيني بمعاناة بنتي قبل
وااايد زين يمشي البطن وتقدرين تعطينها تحميلة بس لمده 3 ايام وبعدين توقفين وان شاء الله بيمشي بطنها
ونقوع التمر زين وعصير برتقال مايضرها انشاللله اذا خففتيه
وان بنتي اول ماجاها الامساك كان عمرها اربع ايام بس
راحت امي الله يعافيها ونقعت 5حبات رشاد بشويه ماي وحركتها وعطتهم بنتي وبعدين الحمد لله بطنها صار يمشي زين
 |
اقتباس |  |
 |
المشاركة الأساسية كتبها مراوي  |
 |
 |
| اول شي حليب اس 26 معروف انه ثقيل فلازم تغيرينه
و البرتقال معروف انه يسهل البطن بسرعه للاطفال بس بما انها عمرها شهر تقدرين تستبدلينه باعشاب امي تسوي حق ولد اختي مغلي ماي ورد تشترين الورد مجفف من الحواج و تغلينه و تشربينه للياهل ماراح يعدي اليوم الا و هي مسهله ان شاء الله |
||
 |
 |
ان شاء الله اجربه
مشكورة عزيزتي
|
اقتباس | |
|
المشاركة الأساسية كتبها شاعرية |
|
|
| مثل ما قالت لج مراوي حليب اس 26 ثقيل ع الاطفال
ومو كل طفل يتحمله .. لو تغيرينه يكون أفضل جربي ابتاميل أو نان …. أنا أعطي ولدي ماي الحلوة لما يصيده امساك ومفعوله يبان خلال دقايق او بالكثير ساعه وهو مناسب منذ الولاده .. |
||
|
|
الله يعطيج العافية ان شاء الله اجرب ماي الحلوة
اول شي الله يخليلج بنتج ويحفظها يارب
ثاني شي سأليني عن اس 26 !
عانيت منه !
مسكين ولدي تأذى منه
وايد ثقيل واذكر وقت اللي اغسل مرضاعته اشووف مثل الدهن فيه
وياب له امساااك ..! وبعدها غااازاات ذبحه
رحت لدكتور ووصف لي سيميلاك ادفاانس والحمدلله الحين واايد مرتاح عليه
ويخرج الله يعزكم زين ..
يمكن ان تكون عندها احتقاان ,
اخذيلها عود اذن وحطي فيه زيت قليل في القطنه او فازلين ودخليه بالموضع , مكان الخروج
على خفيف حركيه وطلعيه انه كنت اسوي لولدي جذي اذا ماكان يخرج ويتم مده لان صعبه ان الانسان اكثر من يوم مايخرج يسبب له غازات وومغص ..!
واستخدمي له قطرات للمغض لان اهو بعد يسهل الخروج ,
وانه عن نفسي استخدم لولدي عصير برتقال والحمدلله ماشوف صاده اي مضاعفاات
انا قبل كنت اعطي ولدي من شهر لثلاث شهور منقووع الشمر اعطيه 20 في الرضاعه فقط ,!
وكان يخرج !