حبيت أشارك وللأول مرة في هالقسم الفواح بموضوع مش برد كالعادة
فحبيت أفيدكم بأخر عطر شريته من ريحته الرهيبة
أغلبيتكم تعرفون ماركة CREED المشهورة بعطوراتها الرجالية
واللي أحلى كولكشن منهم بس هالعطر اللي مايتحداه إي عطر الصراحة بريحته المغريه
بس مش هذا موضوعي ..
موضوعي إني في الصيف شفت من هالعطر نسائي وأستغربت الصراحة
وريحته قريبة من الرجالي ولو إن الرجالي بعد ماكو عطر يعلى عليه
المهم هالعطر قديم نازل بس بأوروبا وهو كولكشن 2024 (( خخخخخخ وأنا توني مكتشفته )) ..
شفت العطر عند وحدة من هلي راجعه من لندن وسعره غالي أشوي بس يستاهل
على هالريحه الخنينه ..
فطلبته من وحده أعرفها سافرت لندن من فترة وجابته لي
وهذا هو العطر وأنصحكم به عشان يستانسون اللي يشمون ريحتكم ..
والله شكله رهييييييب
ماشالله على ذوقك يعني الرجالي بالصوره الاولى بلقااه بقطر ولا لا
والثاني ياخساره مالي حظ فيه مدام انه بلندن
وراح ننتظر لما ينزل الدوحه
ويسلمووو حبوبه عالريحه الحلوووووه هذي
احلى عطر رجاالي عندي…
بس اللي حاطتنه هذا نسائي..؟
وبكم سعره…
تسلميين غناتي..
هلا والله أم تميم نورتي الموضوع ..
بخصوص العطر الرجالي موجود وقديم ويمكن حتى زوجج يعرفه ..
تلقينه في دبنهامز ، الصالون الازرق ، ميرش ..
وحطي في بالج إنج لو بتشترينه إنج تشترين CREED الابيض ..
وإن شاء الله تحصلين الابيض لانه دوم يخلص وتحصلين الذهبي والفضي والاسود
جربي شمي ريحتهم صدقيني مابتقند رأسج إلا ريحة الابيض ..
وبخصوص النسائي إن شاء الله ينزلونه في الخليج وفي قطر ..
هلا أختي شمسه ..
ويعجبني ذوقج لانه نفس ذوقي أحلى عطر رجالي الصراحة ..
وبخصوص الثاني هذا هو النسائي وتقريباُ بحدود ال 600 وشي ..
والله يعطيج العافية أختي ..
فعلاً أنا شريته من لندن الصيف اللي فات وكان توه منزلينه بسلفرج وريحه تهبل
لا بعد ما شريته لي بروحي من حلاته شريته لي وحق خواتي وصديقتي
وعطر صديقتي لم افتحته انفجر بيدها يمكن من ضغط الطيارة
بس الله ستر وحفظها ما صار لها شيء
وأنا فتحته بعدها وكنت افتحه شوي شوي خفت ينفجر في وجهي او شيء :gum:
عطر رائع
ويعطيج العافيه عليه
، ،
،
تحيتي لج
:>:
فعلا العطر الرجالي رهيب
وريحته رووووووووووعه
واتوقع النسائي بمستواه
بس يالله ينزل عندنا
يعطيج الف عافيه(f)
عاشقه الدوحه
على فكره من اسبوع رحت باريس غاليري وسالت عن عطورات كريد النسائيه قالولي ماعندنا النسائيه بس الحين بروح وجوه وفور يو بسال يمكن منزلين
انزين ماقدر اطلبه من الانترنت ؟؟؟ او اي موقع اقدر احصله فيه؟؟
وياليت تردين علىضروري….لان شكل روووووعه شلون ريحته