كيفكم حبيباتي……..
أناعندي فكرة مشروع بسيط من المنزل بس ودي أخواتي يفيدوني بخبراتهم قبل ماأبدأ مشروعي …
فكرة المشروع الأول:حلويات ضيافة-ميني معجنات.
فكرة المشروع الثاني:توزيعات.
فكرة المشروع الثالث:خياطة جلابيات -تجهيز مفارش عرايس وولادة.
ودي أبدأ بأحد هذه المشاريع لكن :
س:ممكن أعرف سلبيات هذا المشروع لتجنبها غير التسويق لأني متوكلة على الله والمشاريع أرزاق.
س:هل تاخذ هذه المشاريع حيزا في المنزل أي لابد من وضع مكان مخصص لها.(من لديها أفكار نتمنى تزويدنا بها أو حت صور صامتة).
س:تصرفات غير متوقعة من الزبائن.
وجزاكم الله خيرا حبيباتي….
أنا بانتظار خبراتكم(c)(o)
اختي الغلية اتمنى تتوفقين باذن الله في مشروع يناسبك و يكون ناجح يارب
بالنسبة للمشروعين الي ذكرتيهم ….
الحيز المكاني لخياطة الجلابيات و المفارش اكبر من المعجنات …
المكائن و المعدات و المواد الخام للخياطة اكبر من المعجنات
و لكن الفيصل في هالمشروعين ميولك ….. انتي بالعادة شتحبين ؟؟؟؟
يعني لا تاخذين مشاريع " سامعه " انها تربح … بل اختاري المناسب لميولك و اهتماماتك … لضمان الاستمرارية و الرغبة في الاكمال برغم ما قد تتعرضين له ….
بالتوفيق
أنا أحب الفنون بأنواعها والطهي ، لكن ميولي أكثر في الخياطة والتطريز والأشغال اليدوية ….
جزاك الله خير
واختاري الشي اللي تحبينه عشان تستمتعين في الشغل وماتملين وتقدرين تبدعين اكثر
وكنت حابة افيدج اكثر بس ماعندي خبره في هالمشاريع
وانا من فتره في بالي مشروع الحلويات والمعجنات
لان احسه ممتع وحلو وممكن اهلي في البيت يساعدوني في الطبخ او شي جذي
عندج فكره التوزيعات حلوة وتناسب ميولج وصج يمكن يبيلها حيز بس مش كثر الخياطه
وراس مالها بعد أقل
والله يوفقج
على اهتمامك وياليتك من جدة عشان نشجع بعض على المشروع…..
شكرا حبيبتي ويوفقك يارب.
بس ماحبيت اني ادخل ولا ارد كل الي عندني اقولك بالتوفيق خيتو وجعله مشروع مبارك:o
أنا عندي نفس مشروعك
لكني خايفا كتير لأني سكنا في الغربة
وماأدري كيف أبدأ من ناحية التسويق
وما في تشجيع يحمس
خايفا أفشل
شوفي الي يناسبج و تحبن تسوينه …. لأنج إذا حبيتي الشغل بتبدعين فيه
أنا عندي مشغلي الخاص و لله الحمد
و المشروع الي قاعده اشتغل عليه حاليا حلويات و معجنات 
بالنسبه للمشغل من سلبياته
أهمها التعامل مع الخياطين
لازم تكونين واثقه منهم 100% …. و لازم تكون عينج عليهم طوال فتره الدوام
و بعد لازم يكون عندج مكان قريب منج تقدرين تروحيله في اي وقت
و مهم جدا تكسبين الزباين و تحاولين تقبلين اي شي منهم و تحملينهم
مهم التميز في الخامات و الكلف .. ( أنا آخذها من خارج الكويت و أشتغل فيها )
الله يوفقج إن شاء الله
أختي قطرة ندى ممكن تفيدني بمشروعك الحالي حلويات ومعجنات ؟
ولوعلى الخاص لأني قررت أبدأ لكن ليس لدي خبرة كافية خصوصا في بداية خطواتي الأولى.
وشكرا