بسم الله الرحمن الرحييم
شلوونكم عروسات وامهااااااااات
بدش بالموضووع على طووول مثل مانتو عارفين عمر علاوي ولدي 8 شهور ونص تقريبا
واتحير معااه بوجباات الغدى والعشاا لان علاوي ماياكل الا المهروووس مثل الرووب والخضرة
المهرووسة بالخلاط او الدانيت وهالسوالف ، اذا اعطيه شي خشن شوي يقعد يبااالع ويسوي
حركات تخووفني وكذا مررة اجرب له يخوفني ومايبي يبلع مادري هل ان هالشي طبيعي
او لا وللعلم للحين ماطلع له اسنان واظن بعمره المفروض ياكلوون اشيااء شوية خشنه
هو لازززم يبي مهرووس عدددل وخلووط عشان يااكله عشان جذي اتحيرر باكله وتقريبا
يوميا غداه خضرره بالخلااط والروب ساعات على العشاا او الدانيت !
جربت اسوي له بعد عصيدة التمر بس بعد في الخلاط ..
ياريت تعطوني من تجااربكم ونصائحكم الحلووة وشنوو اعطيه من وجبات لعمرره وشلوون
اعوده يااكل اشيااء خشنه وطبيعيه ..
شكرا لكم مقدماا F:
معليش حبيبتي .. مرة مرتين لحد مايتعود ع الأكل .. ترى أحسن لك انتي بعدين وأريح لك ..!!!!
أعرف وحده ولدها وصل عمر سنتين .. وهو ما يأكل الا مهروس .. لأنها ماعطته وهو صغير أكل خشن شوي ..!!!!
والى يومك وهي تعاني مع ولدها عند الأكل مع انه ماشاءالله الآن عمره أربع سنوات ..!!!! خاصة عند أكل الرز .. تتبهذل ..!!!
استمري معاه .. وان شاءالله يتعود .. ويكون شي عادي عنده ..
لا يكون الأكل خشن مررررة .. ولا تكثرين اللقمة .. يعني خليها بمقدار يقدر يطحنها على لثته 
أعطيه فواكه مهروسة شوي .. لاحظت انك ما تعطينه في يومه أي فاكهه …!!!!
التفاح .. الموز .. الكمثرى .. العنب .. هذي فواكه مفيده وتقدرين تهرسينها لو بملعقة ..!!!
واحرصي على التمر .. شيلي قشرتها وعجوتها .. وحاولي تهرسينها بإصبعك وأعطيه يأكلها .. مفيدة جداً خاصة بالعمر هذا ..
كريم الكراميل بعد زين للأطفال .. مرة سمعت طبيب أطفال .. يقول اذا شفتي الطفل ما أكل وجبة كاملة .. أعطيه كريم كراميل .. احرصي على اللي يكون مسويته في البيت أحسن ..
أعطيه بسكوت أطفال .. حطيها في يده وخليه هو يأكلها .. حتى لو كسر كسرة كبيرة شوي معليش خليه يتعود .. لأنها راح تذوب في فمه ..
ان شاءالله أكون أفدتك لو بالقليل ..
تسلمين حبيبتيي ام علي على اهتماامج ورردج مو غريبه علييج
انا اعطيه فوواكه بس الخضره اكثر قبل بمده كنت اعطيه تفااح ابشره واعطيه ياكلله بعد عناء
وحركاات وتخووفت وترركت وفي رمضان كنت اعطيه كريم كراميل وجلي بس الجلي يموت عليه
ههههه واحس مامنه فاايده ، ان شاء الله احااول وياااه لان اناا اخاااف وجباانه اعطيه مرات خبززه
اجي له يبالع ويصير وجهه اززرق واخاف واشيله :woo:
شكرا لج حبيبتي ام علي مرة ثانيه والله يخلي لج علاوي القمرر F:
اسنانه مثل بنتي ماطلع الا بعد التاسع
اما عن وجباته مشالله البنات ماقصرو في موضوع وجبات طفلي وانا جمعتها كلها بموضوع واحد عشان الكل يستفيد واغلب الوصفات مهروسه
واما انه مايتقبل الخشن عادي لان ماطلعت له اسنان بس حاولي تعطينه خشن ولاتوقفين عنه عشان مايبهذلك اذا كبر عطيه حبه رز وخليها يتعود على مضغها وشوي شوي يتعود على الخشن
ربي يكون بعونك وبعونا
بخصوص الاكل صدق أحس واايد تعب انه ما ياكلون الا الاكل المهروس وانا بعد كنت احتار أحاول أنه أنوع له في الاكل بين الوجبات بس الحين عاااادي من حسيته انه يقدر يمغض الاكل عدل أعطيه كل شي تقريبا للعلم ولدي طلعو له أسنان أثنين من تحت والحين متمرض على الي فوق ..
في هل السن لازم تتعطينهم لحوم وتكثرين من الفواكه وااايد زينه مثل ما قالت لش ام عليي، وعن الدانيت انا اول كنت اعطي علااااوي تقريبا بشكل يومي بس الحين خففت لانه أحسه كله حلاوه ولو تتعطينهم اياه كل الوجبات ما بيرفضون ، والروب بعد اهو زين بس ما يشبع الياهل ما اعتبره كاوجبه ..
سوي له حليب وروتي وهرسيه بالكفشه او بيدج اشوي اشوي وعطيه على الريوق..
وعلى الغده حاولي معاه مره مرتين مرده بيتعوده عطيه عيش لينه واذا حسييتين انه تعود ويمضغ عدل غيري مره دجاج والسمك واايد مفيد لهم ..
العصر عطيه فواكه يعني اي فاكه واذا ما عجبه سوي له عصير ..
العشا عطيه شي خفيف علشان ما يثقل عليه بلليل لي نام سوي لها خضراء مهروسه ..
إن شاءلله تستفيدين وأمهات عروس ما بيقصرون معاج ..
ام علاوي جربي تعطيه بالتدريج يعني مو من مهروس لخشن
خصوصا ان اسنانه ماطلعت ولا بيقدر يذوب اللقمه
جربي سوي له كورن فليكس مع حليب بيلينه شوي وبنفس الوقت بيتعلم يعض شوي حتى لو بلثته بالبداية
سوي له توست مع لبنه وغمسي له في الحليب واكليه
لاتنسي الشوربات خاصة الشوفان لذيذة ومفيدة
اني الدكتورة نصحتني انطي ولدي بس مهروس الا ان تطلعله سنون
مثل ولدي خايب ما طلع له الا وعمره 11 شهر ونص
انا استمريت اعطي بنتي الأكل المهروس لين ما كملت 11 شهر بعدين بديت امزج الإثنين .. و حتى بنتي ما طلع لها اسنان إلا بعمر العشر شهور
مو غريبه علييييييييكم امهات عروووس
تسلمون ماتقصررووون يعني بقووولكم ابتدي شوي شوي معااه اليووم عطيته شووي
عيش جم حبه اشووفه اووكي :thumbs_up:
اي الاسنان تعبوووه وتعبووني ولا هم طالعييييين احس كبرر بدون اسنان هههههه