عندي سؤال و اتمنى القى الاجابة عندكم
تعرفون ان للزيوت الطبيعة اثر في الاسترخاء و ازالة التوتر و التعب و ايضا في تنشيط الذاكرة و التي تستعمل مع الشموع يعني مو للاكل
و منها زيت الليمون و زيت الروزماري و اليانج يانج و زيت البابونج الخ….
و سؤالي
اذا احد منكم يعرف الاماكن الي تبيع هالزيوت الطبيعية في الكويت؟
حتى لو بعيد بس تدلوني
و راح ادعي حق كل وحده تساعدني ادعيلها من قلبي
و انا ادري فيكم ما تقصرون انشالله
اختكم
april_4
عسا الله يا ربي يوفقج و يهنيج
تسلمين
السلام عليكم
حبيبتي عندج البودي شوب
و في عندج سبا تايم اللي بالمهلب فوق آخر طابق في لهم محل هدايا و شموع ومعطرات تلقينه بروح مو بالمعهد نفسه
ولاند مارك هم عندهم
والسيتي سنتر عندهم شموع و شكثر اماكن فيها شموع حتى رامز ينزل شغلات حلووه بس الناس ما تخلي شي.. مره لحقت عالبضاعه الجديده و شر يت منه شموع على ريحة فواكه وحطيتهم عالكاونتر و شكلهم رهييييب
وفي بالسالميه بمجمع الثريا تحت .. محل ماركة بوبل السويسريه عندهم زيوت عطريه وشغلات المساج وغيره
وفي هم محل بالفنار اسمه فروت باشن اذا ماني غلطانه بالاسم ….المهم فيه كلمة باشن والباجي عليج
هذا اللي في بالي حاليا … لاني احس شايفتهم بأماكن ثانيه بس مو ذاركتهم حاليا
جويل
كفيتي و وفيتي و تسلمييييييييييييييين
و انشاللله اذا لقيتهم و جربتهم اكتبلكم عنهم
تسلمين يالغالية
احنا في السعودية عندنا في بودي شوب
وكمان زهور الريف
يا بعد عمري تسلميييييييييين و ما تقصرين
و عسا الله يوفقج يا رب و يخليج
مشكورين بنات عالمساعدة
و ما تقصرون