شخباركم ؟؟ انشالله بخير ؟؟
عندي مبلغ واللي هو عباره عن 20 الف درهم وحابه اسافر فيه انا وزوجي وولدي ( سنه )
بس مب الحين ابغي السفره تكون على بداية الشتاء لان زوجي ما عنده اجازه .. واللي اعرفه الاسعار تكون ارخص بشوي من الصيف
ودي اروح تركياا بصراحه هالمسلسلات دوختنا :ss: خلت العرب هالصيف قبلتهم وحده واللي هي تركيا ..
وانا حابه اروحلها بهالمبلغ .. هل في فنادق رخيصه وحلوه ؟؟ مابغي الريف ابغي اسكن فالمدن
والمده لا تزيد عن ال 15 يوم واذا اقل مب مشكله
الزبده .. ابا جواب للاسئله التاليه ..
كم سعر تذكرة دبي – تركيا – دبي فالشتاء ؟؟ يعني حطو سعر تقريبي للي ما يعرفون
والطيران على الامارات او الطيران التركي
وكم سعرها للاطفال من سنه الى سنه ونص ؟؟
كم مدة الرحله من دبي الى تركيا ؟؟
شو اسعارهم فالسوق ؟؟ اغلى ولا ارخص عن دبي ؟؟
اسطنبول هل هي بارده فالشتاء لدرجة الجليد ؟؟ ولا بروده بدون ثلوج ؟؟ وكم درجة الحراره تقريبا ؟
شو اسعار فنادق اسطنبول ؟؟
انا حابه اسطنبول بس اذا تعرفون مناطق غيرها حلوه وتكون فيها اسواق ومراكز خبروني
اهم شي عندي اسعار الفنادف واسعار التذاكر 😮
يلا بنات لا تخيبون ظني فيكم
يزاكم الله خير 
بس ابي اقولك ان تركيا وايد حلوه وبتلاقين فنادق حلوه ورخيصه نوعا ما وفي اماكن وايد حلوه غير اسطنبول مثل بورصه وفيها اماكن كثير للتسوق
وان شاء الله سفرة موفقه
مشكوره حبيبتي عالمعلومه
اتريا بنات الامارات اللي راحوا تركيا .. فيدوني من خبراتكم ..
am waiting
ودي افيدك بجزء بسيط انا سافرت لتركيا بالصيف قبل سنتين تقريبا سفرة عائلية
والله كانت رحلة جدا اكثر من رائعة…كانت سفرتنا عن طريق الاماراتيه علما باني من السعودية لكن الحجوزات تمت بهالشكل ترانزيت.. البحرين _دبي_اسطنبول.وكانت رحلتنا تقريبا 18 يوم.مدة الرحلة من دبي الى اسطنبول 3 ساعات وكم دقيقه ..
كان سعر التذكرة حدود 1600 اذا ماخابني ظني..طبعا مكاتب الطيران دايم دايم واكثر الناس اللي يسافرون لتركيا يحجزون ثلاث ايام باحد الفنادق بشارع تقسيم وباقي الايام يسكنون بترابيا باحد الفلل طبعا ترابيا هذي منطقة بوسط اسطنبول لكن ماتعتبر ريف!يعني انا متاكده ان الاغلب اللي يسافروا لتركيا من الخليج مايسكنوا الا بهذي المنطقة..لانها جد ساحرررررررررررررررررررررة لان الاغلب يتجنب السكن بشارع تقسيم الشبيه بالسولدير في بيروت لانه بصراحة اخر الليل يقلب سكاره وغيره لكن للامانه مكان جدددددددددددن رائع خاصة ان الخليج هناك ماشاللللللللله كثير كثير لكون اغلب الفنادق في اسطنبول بهذا الشارع!عندك بورصة مرررررررة حلوة وفيها فنادق ايضا عندك ابانت واغلبهم تروحيهم بالعبارة (اللنج)بالنسبة للجو ..اذا حنا كنا راحين بالصيف وكان الجو فيه برودة نوعا ما يعني يلسع باخر الليل فما بالك بالشتاء؟الشتاء اكيد ثلج..
طبعا وقت سفرتنا كان بالصيف واكيد تختلف الاسعار لكن انا اللي اسمعه ان تركيا مرة صارت غاليه لكثر اقبال السياح عليه هذي السنوات …
لكن مثل ماقلتلك اذا بتاخذين احد الفلل او الشقق بترابيا راح توفرين واكيد راح تستانسين خصوصا ان اغلب الفلل والشقق على البحر
وووو امم ايش اقولك بعد بالنسبة للاسواق صراحة فيها مجمعات مثل مترو ستي وفيه كذا مجمع اسعارهم مقاربة لاسعار مجمعاتنا بالخليج اذا ماكانت اغلى ..لكن في يمكن اسواق على الشوارع ممكن ممكن تلاقين فيها اسعار مناسبة ومو غاليه …
اتمنى اني اكون افدتك ولو بجزء بسيط..
تحياتي لك
bnt fahed