عود ومعمول جربوهم على مسئوليتي والكل راح يسألكم عنهم 2024.

السلام عليكم
طبعا مثل ما ياتني طلبات كثيرة على الخاص تطلب مني ان اعرض مشترياتي ايلي خذتها من عطورات الخالد وعجبتني .. حبيت اليوم ان اكتبها على العام مع عرض صور لها ..
واليوم راح اتكلم عن العود والمعمول ….
اولا بالنسبة عن العود اقولكم هالعود رووووووووعة رووووعة روووووعة ريحتة واااايد حلووووووة وتهبل ..>> باقولكم سالفة بسيطة عنه ..

كانت خطوبة اخوي قريبة فقررت أن اسوى له شي للخطوبة مساهمة مني فقررت اشتري تحف بسيطة واحط معها عود .. فرحت واخترت هالعود للخطوبة .. وخليتة مع التحف ..اتصدقون بنات ان يمكن اكثر المعازيم اتصلوا على امي يسالونها عن اسم العود وعن المحل ايلي يبيعة وطبعا امي كانت تعطيهم رقمي >> بلشتني خخخ

المهم الناس من حلاته قضت عليه .. بس طبعا يابوا منه ورحنة شرينة منه جم مرة .. بس يخلص من عنده بسرعة ..

المهم ما أطول عليكم اسم هالعود الاكثر من رووووعة هو :

( عود ملكي ) ..

وهاي صورته ..

وهاي صورتة وهو مفتوح ..

يعني تحطين الفحم وتاخذين العود من نفس العلبة ..>> مريحينة عن التعب خخخ ..

والشي الثاني هو معمول بعد ريحتة واااااااايد حلووة بشهادة ناس واااااااايد .. << بعد له قصص بس باقولكم قصة وحدة عنده >> بس مو تسمعون القصة وترقدون خخخ لا صحصحوا ..
كنت رايحة المدرسة .. وكانت المشرفة الاجتماعية حاطة بخور بس مب ذاك الزود .. المهم طلعت هالمعمول من شنطتي وقلت لها هاي احسن وطلعت ..ثاني يوم اتصلت لي تقولي شنو اسم هالبخور وايد معلمات راحوا لها يسألونها ..
المهم هالمعمول اسمة .. ( معمول كشخة ) ..

وهاي صورته ..

وهالصورة والعلبة مفتوحة ..

ومثل ما قلت لكم ان المعمول والعود من ( عطورات الخالد ) ..

وبعد مثل ما قلت لكم قبل ان عندهم ثلاث محلات : المحرق والرفاع وجدحفص ..

فلا يفوتونكم .. واي سؤال انة حاضرة ..

ولا تنسون اذا عجبكم موضوعي .. قيمووووووووووني ..

تسلمين بس مافي منه في السعودية؟

نجربه ليش لاااا واهل ديرتي ذوقهم حلووو ف البخوور والعطور باجر نجرب ليش لااا الخالد وين صاير محلهم؟؟ اللي ف محرق؟

مشكورة الغالية …

الشيخه ماعليج امر
تدليني وين عطورات الخالد في محرق
سألت صديقتي تقول صكوا اللي في محرق
جان تدليني اياه واللي في الرفاع بعد لان عندي شغله باجر هناك ومحتاجه اخذ دخون وبخور بكره

والله يطرح لكم البركه في معاريسكم

اقتباس

المشاركة الأساسية كتبها القطبي

	الشيخه ماعليج امر تدليني وين عطورات الخالد في محرق سألت صديقتي تقول صكوا اللي في محرق جان تدليني اياه واللي في الرفاع بعد لان عندي شغله باجر هناك ومحتاجه اخذ دخون وبخور بكره والله يطرح لكم البركه في معاريسكم

تسلمين حبيبتي وطرشت لج رسالة على الخاص ..

مشكوورة قلبي..

بسس فيه منه في السعودية(الشرقية) ؟

انا واايد احب العود والمعمول بس حبيت اعرف في وين في محرق بغيتك توصفين لي ماعليك امر وكم سعره ؟؟؟

أي صوب في المحرق
وكم أسعاره؟

يسلمووو وتم التقييم