كل وحدة منا تودي اعيالها طبعا الحدايق بس سؤالي تودين اولادج الحديقه العامه اللى بالفريج؟؟؟؟؟؟؟؟؟؟؟؟؟؟؟؟؟؟؟؟؟؟ انه امس وديت بنتي تتمرجح استانست بس بصراحة شفت خدامه ومعاها بنوته كبر بنتي تقريبا سنه ونص تقريباااااااااا والله يابنات لو شفتوا هالخدامه شلون اتعامل الصغيرة صراخ عليها والياهل تبجي كسرت خاطري ياريت لو اعرف امها واخبرها والخدامه شكلها نذله ترى ينعرفون خلت الصغيرة على المرجحانه وراحت تتكلم ف الفون وتضحك وبعدين جايبه معاها جيس فيه اكل شيبس وهالسوالف والعاب مال التراب خلت الياهل تلعب بالتراب وقاعدة تاكل وماتعطي الصغيرة انة متاكدة ان الاكل مال الصغيرة بصراحه قلنا الخدم حق الخدمة بس مو لدرجه التربيه يعني امها وين؟؟؟؟؟؟؟؟؟؟؟؟؟؟؟؟؟؟؟؟؟؟؟
انا مو ضد ان الام تطلع للحديقه ويكون الطفل مع الخدامه بس يكون تحت نظرها
لا يؤتمنوا على الولاد
الله يسامح الأمهات اللي زي هالشاكلة
والله يعطيكِ العافية
تسلميييي ..,,
وايد اشوف
حتى في السوبرماركت الااقي دايم الخدامه معاها اليهال تشتري معاهم ما هب ودب وتراكض وراهم من مكان الى مكان والام …….
انا حتى خدامه الاهل ما اخليها تمسك اطفالي والحمد لله
تسلمين على الموضوع الحلو
صح مايندرى ويش الضروف
لكن اكيد في اهمال من قبل الام اذا اتخليها تتمدى الى هالدرجة
بقول لكم سالفة وحدة اعرفها
هي تشتغل وعندها بنت وولدين
البنت ولدها في الروضة
المهم انها تروح الشغل وتخلي الخدامة في البيت ويا الجهال
الخدامة كلمه مخالفه تلعب في اعضاء الطفل بس بالمس
الطفل راح وخبر امه وهي عندها عادي تمزح وتضحك تقول اي تلعب وياك
يعني تخيلواا
اشلون اتامن على اولادها وهي عرفت انها كلمه مخالفه