ان شاء الله كلكم وعيالكم بخير وصحة وسلامة
طبعا كلها اسبوع ان شاء الله وكتاكيتنا للابتدائي بروحون المدارس ان شاء الله
وتساؤلات وتخطيطات وهواجس تدور في مخيلي على تدريس الكتاكيت واستغلال فترة العصر لتسجيلهم في معهد أو ماشابه
بس حبيت نستفسر ونفيد بعض عن أحسن المعاهد للانجلنزي ولتعليم الصلاة وغيره!
وهل سن الطفل في المراحل الاولى من اللابتدائي يسمح له انه يلتحق باحدى المعاهد في العصر ؟
او انه سيرهقه بدل ان يستفيد ؟؟
ان شاء الله تتفاعلون ويانا 😮
اني ما عندي عيال في سن المعهد بس في معهد حق اللغه الانجليزية في السنابس اسمه دار المعارف انجليزيته وايد زينه مثل برتش كونسل و أحس ان الطفل في الابتدائي عادي ان يروح معهد بس يعني مو كل يوم لان يتملل الطفل مثلا تخلين له يومين دارسه ويومين ترفيه تيكواندو سباحه علشان لايحس الطفل بالملل والتعب
يعني هوه على طول الاسبوع ؟؟
لاني مفكرة اودي بنتي ثلاثة ايام انجلينزي وثلاثة ايام تعليم فقه وصلاة 😎
وننتظر باقي الحلوين يشرفون المووضع وخبراتهم
حتى اشوف يناسب اودي بنتي في هالسن لو بصير ضغط عليها
واجوف مستواهم عالي ماشاء الله
بس الحين مادري شسالفتهم بدوا دراسه يوم ووقفوا اسبوع كامل
وينكم عرايس ؟
 |
اقتباس |  |
 |
المشاركة الأساسية كتبها محروومة  |
 |
 |
| اولادي بعدهم صغار على المعاهد …. بس حلو الموضوع ومنكم نستفيد … بس اختي بسمة اطفالي وين تعلمين بنتش الصلاه والفقه وكم العمر المناسب لتعليمهم الصلاه بنتي عمرها 6 سنوات الحين وحابه اعرف شلون ابدأ اعلمها الصلاه | ||
 |
 |
بناتي وديتهم لجنة حفظ القرآن ياخدون من عمر سنتين وماشاء الله يحفظونهم القرآن كله!
بس الوقت طويل من ثلاث ونصف للساعة ست !
فالحين بتدخل بنتي المدرسة ان شاء الله ،، فكرت اسجلها في لجنة ثانية لتعليم الصلاة والقرآن ! وبكون ثثلاثة ايام في الاسبوع
ومفكرة الثلاثة ايام الثانين اسجلها معهد للانجلينزي
وش رايكم؟؟
صراحة أحس الأطفال مساكين ضغط يصير عليهم يعني تعليم صلاة وقرآن وهالسوالف أوكي اولاً لأن شي لا بد منه ولازم يتعلمونه حاله حال المدرسه وثانياً شي مختلف
أما المعاهد بيكونون مرهقين من المدرسة وبيردون يروحون يتعلمون زحمة عليهم
أنا ما عندي أولاد في هالسن بس أفضل إذا نبي نقويهم في مادة معينه يكون في العطل حتى ما يتمللون ويصيدهم تشبع من الدراسة ويكرهونها
وبالتوفيق
ان ولدي العام الماضي
وديناه المعهد الامريكي 3 ايام في الاسبوع
بس احسه يتعب واجد واحس الدراسة فوق عمره
اجتاز ليفل ون وانتقل ليفل تو ويبونه يعرف يقرا انجليزي وهوه توه اول ابتدائي
حسينا واجد صعب عليه توه بداية المشوار
يطوفون عنه لان اللي وياه كبار اكبر منه بسنتين وبثلاث
وبعضهم طالعين من مدارس خاصة وولدي ضاع في الطوشة على عمري
وعن دورة الصلاة ولدي اتعلم ولله الحمد من ابوه علمه
الله يهديه ويخليه