عيد العمال 2024.

السلام علكم ورحمة الله وبركاته ….
أطل عليكم من جديد وأطلب مساعدتكم وآرائكم في موضوعي …..
هاهي الأيام تمضي ونحن نطل على نهاية شهر 4 ويبدأ شهر 5 على مناسبة سنوية الا وهي عيد العمال فالنرسم فرحة على شفاههم وسنعلن لهم بأنهم منارة للوطن وشمعة لاتنطفىء .

فأزواجنا هم الشموع التي لاتنطفىء …
فهنأ يأتي السؤال .. فما هي هديتك لشمعتك التي لاتنطفىء ..
أرجو منكن مساعدتي وإبداء آرائكم في موضوعي ولكم جزيل الشكر والإمتنان ….

اممممم ما عندي فكره بس ان شاء الله البنات يساعدونج.. ممكن شهاده تقدير.. تكون فكره حلوه

والله فكرة حلوة انه احنا نستفيد حتى من هذي المناسبة البسيطة ,.
ع العموم بتكون اجازة ويوم خفيف ,,

اقترح لبنات البحرين يقدرون يروحون حوار تغيير جو ..
بما انه الجو بدا يصيف ..

ونستفيد من الجماعه

أحنا مفكرين نروح المدينه المنوره ويه أبو شباب..بس مو أكيد منها زيارة النبي ومنها تغيير جو بالاجازه

هلا اختي
شخبارج؟ ان شاء الله بخير
تقدرين يا الغلا اتسوين وايد اشياء بهاذي اليوم

1- تقدرين تعطين زوجج شهادة تقدير واتحطين الشهادة في برواز حلو

2- تقدرين اتسوين ليلة رومنسية بالشموع والورود

3- تقدرين اتسوين له ليلة مساج بالاجواء اللي تعطي الراحة

4- تقدرين اتسوين له bubble bath للراحة والاستمتاع

5- تقدرين اتسوين ليلة رومنسية وتلعبين مع زوجج بالالعاب الزوجية

6- تقدرين اتسوين مفاجأه لزوجج واتفاجئينه بعشاء رومنسي

7- وتقدرين اتفاجئينه بهدايا رومنسية

وان شاء الله قدرت اساعدج وافيدج
والله يسهل عليج كل خطوة في حياتج
والله يخليكم لبعض دوم
والله يعطيج العافية

زاذا وحدة بتسافر وزوجها بروحة ف البحرين

تقدرين تحجزين ليكم حق المدينة

أحلى سفره ، كان خاطري اروح بس امتحاناتي