شخباركم وشمسوين مع الحر
انا بغيت خدمة صغيره منكم واتمنى تساعدوني وما تردوني
بنات انا عيد زواجي الاول بعد 3 اسابيع مو عارفه شنو اسوي احنا متفقين نحجز بفندق بس المشكله ان الفندق وايد بعيد فما ما اقدر اروح اجهز الغرفه واكشخها انتوا شنو رايكم شنو اسوي وشنو اشتري هديه غريبه وحلوه غير التلفون والعطر تكفون ساعدوني والله محتاره
احجزي فستان عرس وروح مشغل وسوي تسريحة وميك اب كانك عروس مره ثانية والله راح ينجن فيك بس طبعا خليها مفاجاءة وزيني الشقة بشموع واذا عندك شريط زواجك شغليه وحطي موسيقة هادئة وحطي قماش احمر على السرير وطبعا لاتنسي ريحة العود والبخور
اهدية ساعة -قلم -طقم حلاقة-لابتوب- اي شئ
الله يسعدك ياااارب
ثاني شى
(((((احجزي فستان عرس وروح مشغل وسوي تسريحة وميك اب كانك عروس مره ثانية))))
ما انصحكم فيهااااا بالمررررره كذا تخلينه يقول لنفسه انا ليش مااغير وادور عروسه جديده
تخلونه ينتبه لشي غافل عنه هاذي نصيحه اتمنى تقبلونها 
بالنسبة للهديه اني للحين ادور وباقي على عيد خطوبتنه الاول اسبوعين وماسويت شي توني مكمله من الامتحانات عندي فكرة وهي تحصلين لج احد يسوي لج فخارة ويكتبون اسمج واسمه وتاريخ زواجكم امم اني ان شاءالله بسويها اذا برزت براويش اياها
والهديه اخذي له شي ماعنده او يحتاجه مثلا لابتوب اذا ماعنده او آلة حلاقة اخذي له دهن عود او عطر رجالي امم او اللي حق الثوب اذا كان يلبس ثوب
ان شاءالله البنات يفيدونج
روحي قسم الافكار وخبرات بتستفيدين اشياء واجد
أو قميص نوم حلو …
خذيله مثلا نعال وانتي بكرامه …
أو اذا يحب اللعب … خذيله بلاي ستيشن …
بس اذا ما يحبها لا تجازفين وتاخذينها …
أنا بعد يوم زواجي بعد عشرين يوم تقريبا … بكمل باذن الله 4 سنين …
خذت قميص نوم تنكري العروس …
والله يوفقج ويفرحكم ببعض …
ويفرحنا احنا بعد
….وتحفرين من تحت حرفج وحرفه
بدلي فرش السرير وزيني الغرفه كلها بالورود المجففه والشموع والاضاءات الليله واذا تبي اضاءات وشغلات حلوه انا اعرف وحده تبيع هالشغلات ورهيييبه وايد.. ولبسيله لبسة نوم جديده باللون اللي يحبه عليج..
وترتبيله فمطعم حلو عشى وحفله .. بس اتفقي مع اصحاب المطعم وهم راح يجهزولكم الطاوله بالشموع والورود وبيجيبولكم الكيكه بس انتي اتفقي وياهم واهم بيخلصولج الموضوع..
وبالنسبه للهديه…
عندي فكره حلوه.. فصليله دشداشات ملونه مع كميم نفس اللون او عمايم .. واذا تريدي بعد فصليله عصا انا اعرف شخص يفصلوا عنده اخواني من صور يسوي فالعصى حجر فيروز لكن رووووعه ب70 ريال قيمتها..
او في فكره ثانيه.. اشتري قطعه مال جلابيات البيت وفصلي كنادير نوم لج وله واذا عندج بيبي بعد فصليله بنفس القطعه كلكم..
او شوفي الشي اللي محتاجله اشتريه له…
اتمنى افدتج بشي عزيزتي..
وبالتوفيق عزيزتي وربي يسعدكم دوم ان شاء الله