شخبـآآركـم ؟؟
إن شـآء الله بخيـر ..^^
أسمـحـولـي اليـوم بتعـبكـم معـآآي
أنـآ خريجة ثانوية هـآ السنة و الصرااحة صاار لي كم من أسبوع
أدور في المواقع على قسم التسوق و حبـيـت أصير
تاجرة :L:.. خصوصاً أني يالسة لا شغلة ولا مشغلة
دعواتكـم الله يوفقني و يرزقني بالوظيفة الزينة
ياا رب ( بس أول إن شاء الله أدخل دورات
في الإنجليزي و الكمبيوتر ) أدعولي 
لـين هـني ماشي مشكلة حتى أفكـآآر جااهـزة
أنـآ من الإمارات تحديداً عجمـآآن .. مـثلاا لو بغيت أشحن بضاعة لخاارج الإمارات او داخلهـآ
ويــن أرووووح و تكون أسعارهم مناسبة ( يعني هل في شركة شحـن في عجمـآآن خدمتها زينـة و أسعارها بعد )
اممم أنا ما أعرف شي في التجارة فيعني لو بغيت يوصلون لي طلبية مثلا الشارقة لازم أروح للشركة نفسها و أعطيهم الطلبية و يكون عليها العنوان وهم يوصلون ؟..
أنزين لو كانت مثلا الطلبية أكل يعني حلوياات و كيكات أو معجنات و فطاير بالنسبة لهذه الأكلاات كيف بيكون التوصيل ؟.. و علشان ما تخترب ها الأكلات بشو تنصحوني و مثلا يعني أخلي التوصيل لها الأكلات فقط للشارقة و عجمان علشان ما تخترب شرايكم ؟
بالنسبـة للحساب في البنك اللي عرفته أن لازم يكون عندي حساب في البنك و أطرش الاسم و رقم الحساب للمشتري و المشتري يطرش المبلغ على الحساب أنزين :
1. أنا كيف أعرف إذا المبلغ وصل ولا لا ؟
2. في واايد بنوك تتعامل بالربا و أنا ما أبغي أخلي فلوسي يدخل لها أي مال حرام … علشان جي أبغيكم تنصحوني بأي بنك يكون الأفضل بالنسبة للتجارة و بدون ما يزيدون أو ينقصون من الفلوس في البنك ؟
3. بالنسبة للي يطلبون من الخاارج لو بغيت أطلب طلبية من الخارج من الصين أو كوريا أو أمريكا .. ألخ .. هل لازم أكون فاتحة حساب في بنك معين علشان أدفع الفلوس .. و كيف أستلم البضاعة و من وين ؟!
:sick:
و الله يوفق كل اللي يرد على هذا الموضوع
و ج ـزاكـم الله خ ـيراً
أختكـم في الله : بقايا طفلة
فــي أمـآآآن الله
وعليكم السلام ورحمة الله وبركاته
اولا مبروك التخرج والله يرزقك من حيث لا تحتسبي
تانيآ ان شاء الله التاجرات ما يقصروا وياك لانهم اكثر معرفه
وتلاقي منهم رد على استفساراتك
بتوفيق ان شاء الله ~
❤ اللهم اجعلني ممن توكل عليك فكفيتهـ و استهداك فهديتهـ واستنصرك فنصرتهـ ❤
تسلميـن يالغلآ 😮
و ج ـزاكِ الله خ ــيراً
عندي مشروع ( الميني دراعه ) بس موعارفه طريقة الشحن للخارج !!!
ياليت يفيدونا خواتنا التاجرات
 |
اقتباس |  |
 |
|
أنـآ من الإمارات تحديداً عجمـآآن .. مـثلاا لو بغيت أشحن بضاعة لخاارج الإمارات او داخلهـآ
ويــن أرووووح و تكون أسعارهم مناسبة ( يعني هل في شركة شحـن في عجمـآآن خدمتها زينـة و أسعارها بعد )
|
||
 |
 |
رقم الموبايل
العنوان مع صندوق البريد
العنوان
رقم الموبايل
|
اقتباس | |
|
| اممم أنا ما أعرف شي في التجارة فيعني لو بغيت يوصلون لي طلبية مثلا الشارقة لازم أروح للشركة نفسها و أعطيهم الطلبية و يكون عليها العنوان وهم يوصلون ؟.. | ||
|
|
|
اقتباس | |
|
|
أنزين لو كانت مثلا الطلبية أكل يعني حلوياات و كيكات أو معجنات و فطاير بالنسبة لهذه الأكلاات كيف بيكون التوصيل ؟.. و علشان ما تخترب ها الأكلات بشو تنصحوني و مثلا يعني أخلي التوصيل لها الأكلات فقط للشارقة و عجمان علشان ما تخترب شرايكم ؟
|
||
|
|
|
اقتباس | |
|
| بالنسبـة للحساب في البنك اللي عرفته أن لازم يكون عندي حساب في البنك و أطرش الاسم و رقم الحساب للمشتري و المشتري يطرش المبلغ على الحساب أنزين : | ||
|
|
انا استلم المبالغ عن طريق الحوالات المصرفيه والي هي وسترن يونيون او سبيد كاش
كل الي يحتاجونه منج هالبيانات عشان يطرشون المبلغ
الاسم الثلاثي
رقم الموبايل
العنوان الدوله والمدينة
|
اقتباس | |
|
| 1. أنا كيف أعرف إذا المبلغ وصل ولا لا ؟ | ||
|
|
اذا عندج حساب في دبي الاسلامي بيوصلج مسج ان حد دخل لج المبلغ …. درهم الساعه الفلانيه .. بس ماعرف اذا من خارج الامارات يستوي بعد ولا لا
|
اقتباس | |
|
| 2. في واايد بنوك تتعامل بالربا و أنا ما أبغي أخلي فلوسي يدخل لها أي مال حرام … علشان جي أبغيكم تنصحوني بأي بنك يكون الأفضل بالنسبة للتجارة و بدون ما يزيدون أو ينقصون من الفلوس في البنك ؟ | ||
|
|
|
اقتباس | |
|
| 3. بالنسبة للي يطلبون من الخاارج لو بغيت أطلب طلبية من الخارج من الصين أو كوريا أو أمريكا .. ألخ .. هل لازم أكون فاتحة حساب في بنك معين علشان أدفع الفلوس .. و كيف أستلم البضاعة و من وين ؟! | ||
|
|
الله يـوفقــج يـــآآ رب ..^^
و إن شاء الله التاجرات يفيدونا
مشكووورة على المرور
الله يبارك فيج يا رب ..^^
و الله ياريت لو أكمل وأدرس جامعة بس للأسـف مـآ أقدر لأسباب واايد
و أولهم مصاريف و آخرهم هل في التخصص اللي أدرسه بحصل بعدين شغل ..^ـ*
كنت متحمسة أبي أروح الجامعة قالوا لي بتروحين الجامعة بـــس الحين يقولون لا
هههه الله يعين المهم أني تعلمت شي من هذا أن اللي الله يكتبه بيصير و لو شي
تحريته شر لي بس هو ممكن يكون خير لي مثلا أنا الحين ما بروح الجامعة الله
أعلم يمكن ها الشي خير لي سبحان الله …^^
………
صــدقينــي ما أعرف شــو أرد عليج
عجـرت أرد أمام لطفج و كرمج
صــراحـة مـآ قصـرتي خجلت حتـى أرد 😮
F: لأن عارفة الكلمات ما بتوفيـج حقج F:
:L:يــآآآ رب يرزقج و يوفقج دنيـآ و آخ ـرة يااااااا رب
الله يـوفقـج في تجـآآرتـج و يحقق كل أحلامج يــآآ رب
يــــــــــــــــآآآ رب يـــــــــآآآ رب يـــــــــــــــــآآ رب :L:
اللهم بلغنا ليلة القدر
اللهم انك عفو كريم تحب العفو فاعفو عنا
مشكـــــوورة ع ـلى آلمـرور …^^
|
اقتباس | |
 |
المشاركة الأساسية كتبها Omniyat Shop  |
 |
|
|
الف مبروك اختي وكملي دراستج حتى لو بتبدين بالتجاره .. لا يشغلج هالشي عن دراستج ترى هي سلاحج ان شاء الله
وانا بساعدج ان شاء الله قد ما اقدر وبقولج الي اعرفه .. الله يسامح البنات والله انها اشياء بسيطه بس مادري ليش هالانانيه .. !!
بخصوص الشحن لخارج الامارات .. افضل طريقه واقرب مكان لج هو بريد الامارات اسعارهم جداً مناسبه وتعاملهم مافي احسن منه .. وروحي الظهر او العصر ماشي زحمه ومايدققون وايد على الاغراض الي بطرشينها ومن يشوفون بنت داخله يمشونها قبل الرياييل بسرعه
ادخلي المبنى مال البريد على اليسار روحي هناك وقولي ان عندج طرد تبين اطرشينه
بيعطونج كوبون تعبينه
والمطلوب هالبيانات :-
البيانات الي تخصج انتي على اليسار
الاسم الثلاثي
رقم الموبايل العنوان مع صندوق البريد
وانتبهي على هالبيانات لان يمكن الطرف الثاني مايستلم او يكون العنوان الي طرشتي عليه غلط فيردون يطرشون لج الطرد مره ثانيه بدون رسوم يديده لانج دفعتيها اول شي
البيانات الي تخص المرسل اليه
الاسم الثلاثي
العنوان رقم الموبايل
وفي النص تكتبين شو مطرشه .. انا اختصرها واكتب هديه
اول شي انتي الحين عندج طلب تبين اطرشينه .. اوزنيه فالبيت .. انا اوزنه بالميزان العادي اذا كان كرتون كبير .. اما اذا شي بسيط مثلا علبه عليها وزنها انتي روحج بتفتكين من الصدعه وبدون وزن ولا شي بتعرفين وزنه كم
ليش لازم اعرف وزن الطرد الي بطرشه؟؟
لان رسوم الشحن تعتمد على الوزن والي المشتري بيتحملها فلازم تعرفين كم الرسوم عشان تضيفينها على قيمة البضاعة الي بطرشينها عشان تبلغين المشتري
وماطرشين شي قبل ما تستلمين المبلغ كامل وتحطينه عندج فالبوك .. مب يقولون لج طرشنا وهذا كود الحواله او شيكي على حسابج المبلغ دخل .. ( بخبرج عن موضوع الحوالات عقب )
لا .. تأكدي ان المبلغ الي طلبتيه هو الي استلمتيه بيدج .. لان في رسوم تحويل تنخصم من الدولتين وفرق العمله والمشتري لازم يتحملها كامله
وانتبهي للحوالات الي توصلج من السعوديه .. اكرر .. انتبهي ..
قولي لهم بالحرف لو البضاعه مع الشحن تكلف 100 درهم قولي لهم ابا استلم 100 درهم كامله
وهاي قائمه الاسعار
حاولت ارفع الصوره على كم موقع اكثر من مره بس الظاهر النت عندي مب صاحي:badly:
لا ماتروحين للشركه تتصلين على مندوب عجمان وهو اييج لين البيت انا اتعامل مع شركة هوت لاين وعندهم نظام الدفع عند الاستلام
ياخذون 30 درهم على التوصيل للطلب الواحد يستلمون الطلب من عندج ويوصلونه للمشتري خلال 3 ايام تقريبا وعقب يردون لج الفلوس قولي اسبوع تقريبا لين توصلج فلوسج
وعندهم نظام حلو انهم يوم يستلمون الفلوس من المشتري يدخلونه في حسابج لو كان عندج بس تعطينهم رقم حسابج بس ماعرف كيف تعرفين لو دخلوا المبلغ في الحساب لان ماعندي حساب فالبنك
نظامهم انج تشترين 10 كوبونات بـ 300 درهم وبتكون بياناتج انتي مطبوعه عليها
يعني ما عليج غير انج تكتبين بيانات المشتري والمبلغ الي تبين يستلمونه منه ولاتنسين تضيفين قيمة التوصيل مع قيمة البضاعه الي بطرشينها الا اذا كنتي انتي بتتحملين رسوم التوصيل هذا شي راجع لج يعني
بيطلبون منج صوره جواز اول شي ومب شرط تكون لج انتي .. ممكن جواز الوالد .. او حد من اخوانج او نسايبج .. هم مابيسوون فيها شي بس كنوع من الاثبات طبعا انتي بتستفيدين من هالشي في حال صارت مشكله بينج وبين الشركه لا قدر الله .. وهذا مستبعد جدا
البيانات الي تطلبينها من المشتري او المستلم
الاسم
رقم الموبايل
العنوان .. وخذي العنوان بالتفصيل احسن عشان توصل الطلبات بسرعه
وقبل ماطرشين اي طلب تأكدي من الي طالبين منج اذا كان الدفع عند التسليم لان الخيانات على بيزه :thumbs_down:
انا ماجربت بس الصراحه ما انصحج اطرشين بالشركات لان مايوصلون لج الطلب بنفس الوقت الا تشوفين لج حد ( ويكون شخص ثقه )
مب شرط يكون عندج رقم حساب عشان يطرشون لج عليه
انا للحين ماعندي رقم حساب تخيلي !!
انا استلم المبالغ عن طريق الحوالات المصرفيه والي هي وسترن يونيون او سبيد كاش كل الي يحتاجونه منج هالبيانات عشان يطرشون المبلغ الاسم الثلاثي رقم الموبايل العنوان الدوله والمدينة
واستلم عن طريق الانصاري للصرافه او الامارات للتحويل بتلاقينهم في ستي سنتر حذال بعض وشي صراف في حمدان سنتر نادرا ما توصل الحوالات عليه
حوالات وسترن يونيون تعرفينها من رقم الحواله الي الشخص المرسل بيعطيج اياه
يتكون من 10 ارقام هذا تقدرين تستلمينه من اي مكان من الي ذكرتهم لج وطبعا هم بيخبرونج وين تستلمين او وين مطرشين الحواله او انتي سألي مافيها شي ترى
اذا عندج حساب في دبي الاسلامي بيوصلج مسج ان حد دخل لج المبلغ …. درهم الساعه الفلانيه .. بس ماعرف اذا من خارج الامارات يستوي بعد ولا لا
واذا حواله مرات الانصاري يطرشون مسج ومرات لا .. بس اذا عطوج كود الحواله تروحين بنفسج تستلمينها مابيخبرونج لو اتصلتي وعطيتيهم الكود
ماعرف بس وايد عندهم حساب في دبي الاسلامي .. واعتقد انه احسن للي داخل الامارات لان لو بيحولون لج مبلغ مابيكون في رسوم تنحسب عليهم
انا استخدم بطاقة الوالد بما ان ماعندي حساب اصلا ..المهم لازم يكون عندج فيزا .. او ماستر كارد .. ومب اي موقع تشترين منه !!! والحساب الي بتطلبين منه من الانترنت حطي فيه المبلغ الي تبين تدفعينه مب تحطين فلوسج كلها ويضيع تعبج كله اخر شي
لاتثقين في حد وتعطينه رقم حسابج .. لاتطلبين الا من المواقع المعروفه وقبل ما تطلبين دوري على الغرض الي بتطلبينه وشوفي سعره في المواقع قد ما تقدرين
وهم بيطرشونه لج على عنوانج يا بيوصلج على بريد الامارات ولا على امبوست وكلهم في نفس المبنى .. بيتصلون بج وبيخبرونج ان لج طرد ولازم تستلمينه من عندهم تروحين وعندج اثبات هويه عشان اجراءاتهم
اتمنى من كل قلبي اني افدتج ورديت على كل اسئلتج ولو تبين اي شي رقمي فالتوقيع ومايردج الا لسانج F:
|
||
|
|
بارك الله فيك ورزقك من حيث لاتحتسبين ياأمنيات شوب و ياصغيرتنا..
لو كنتي من السعودية ماراح أزيد على اللي قالته اختنا الله يجزاها خير 
الطريقة وحدة ان شاء الله بجميع البلدان باختلاف العناوين والمسميات وسياسة شركات الشحن واسعارهم ..
المهم البريد المحلي افضلهم سعرا..لكن اجمعي أكبر قدر من هواتف شركات الشحن وكلميهم واستفسري عن اسعارهم وطريقتهم في التوصيل والمدة علشان يكون عندك خلفية فيما لو احتجتي لهم لظرف طارئ..
ثم ان التحويل لحسابك بالبنك من الزبائن ممكن تتحققين منه مو بس برسايل الجوال لا وبعد من الدخول على حسابك بالنت والطريقة سهلة وماتاخذ دقائق وموظفة البنك بتعلمك بس اهم شي يكون حساب باسمك علشان تدخلين براحتك بأي وقت ماتضطرين تطلبين من ابوك واخوك يتأكدون لك من وصول المبلغ وممكن يكونون مشغولين في الوقت اللي تكونين انتي مستعجلة فيه..
بالنسبة للي بيحولك عن طريق الويسترن يونيون لازم تؤكدين لهم ان المبلغ يقولونه للموظف واصل لك بالدرهم الاماراتي وهو بدوره بيخبرهم كم الاجمالي بالريال السعودي او القطري او الجنيه شامل نسبة العمولة…..بحيث مايوصلك ناقص مثل ماذكرت اختنا امنيات شوب
وفي النهاية ربي يوسع لك ويرزقك ويغفرلنا واياك..
همسة أخيره غاليتي..
الدراسة الدراسة مهمة حتى لو مااشتغلتي بعدها لانك بتكونين متنورة ومطلعة وتقدرين تنجحن بإذن الله بأي مشروع خاص تدخلينه لو ماتوظفتي اهم شي اختار ي قسم مطلوب بالسوق وجديد وممكن تحبينه.. يعني انتي تظنين ان شهادة الثانوي تشغل بالزمن هذا اذا كانوا الجامعيين قاعدين يدورون لهم وظايف..فكري بهالشئ كويس
استخيري لاكمال دراستك وكثري من الدعاء علشان اهلك يقبلون باكمالك دراستك..
وربي يحفظك غاليتي