السلام عليكم ورحمة الله وبركاته ::
اشحالكن يالغاليات شخباركن ان شاء الله بخير وسهالة
بنات بقيت أسأل منو فيكن جربت مجموعة اسيما من جيرلان الكاملة ؟
والمجموعة شو انواع الكريمات والمنظفات اللي فيها ؟
وكم سعر المجموعة كلها تقريبا ؟
ان شاء الله ناوية اشتريها بس أول حبيت اخذ رايكن
اتريا ردودكن عنوناتي ..
يعطيكن العافية حبوبااات
الله يوفقج يالغالية
فيه للتبييض Perfect White C
وفيه للتجاعيد وغيره
shosho2007
ربي يوفقج يا قلبي
مشكوورة يالغالية لمرورج الحلو
يعطيج العافية
الجميلة78
تسلمين يا قلبي لردج ومرورج الحلو
تبين الصدق عنوني ما أحب التونيك
أحس انه يزيت البشرة بسرعه والله أعلم
RoOoOmy_M
مشكوورة يا قلبي رومي والله ان ردودج دايما يفرحني
يالغالية انا بشرتي دهنية أعتقد هي المجموعة الاولى اللي
ذكرتيها Perfect White C .. لأني أبا مجموعة متكاملة لنضارة البشرة وتوحيد اللون
من كريمات مغذية ومنظفات وماسكات .. يعطيج العافية يا رب
شوفي انا بشرتي جافة … بس احيانا تدهن بس في الانف
بشكل عام جافة استخدمت مجموعة ايسيما من جيرلان Perfect White C كاملة لاني موظفة واطلع من الصبح وارجع العصر والشمس تكون قوية عندنا في السعودية هالوقت
فاخذت شي بس كحماية لاني اعرف ان مافيه شي يبيض بس حماية وتوحيد لون البشرة اوكي
اللي اخذته من المجموعة هو :-
سائل منظف ومقشر ناعم للوجه
كريم النهار المركز درجة الحماية 40
تونر
كريم الليل
اقنعة توضع على الوجه لمدة ربع ساعة
كريم العين من هايبولوجي ( ما استغني عنه )
المجموعة كلها كلفتني 1000 ريال … بس ما عجبتني كثير مثل بقية مستحضرات جيرلان اللي استخدمتها من قبل للترطيب ماعدا الهايبولوجي ما استغني عنه ولا يمكن اغيره
لاني جربت قبلها شيسيدو وكان روعة حتى ان وجهي صار منور والكل يسألني شمسوية فيه ومن شيسيدو استخدمت المجموعة كاملة من سائل تنظيف وتونر وكريم ليل ونهار وسيروم مركز مع كريم لمحيط العين …
المجموعة كلها حلوة ما عدا كريم العين ما عجبني
واي استفسار انا بالخدمة
والله ما قصرتي يالغالية رومي يعطيج العافية يااا رب وعساج عالقوة عنوني
كريم العين شو فايدته ؟
تنصحيني اشتري من مجموعة كاملة من جيرلان والا شيسيدو؟
لأن جيرلان بس مجربة مكياجهم لكن كريمات العناية بالبشرة ولا مرة
و شيسيدو بس مجربة كريم الاساس من عندهم ..
كريم العين بالنسبة لي له مفعول مثل السحر لاني احطه بالليل واذا صحيت من النوم
لو كنت سهرانة وعيوني حالتها حالة على طول تختفي الهالات السوادء
صديقاتي جربوه حسوه عادي بس انا صار لي استخدمه فترة طويل وتوني شارية واحد غيره سعره 199 ريال
شوفي انتي ايش الانسب لك ولو يعطوك عينات يكون احسن
انا عن نفسي عجبني شيسيدو اكثر رغم اني احب جيرلان بس الحين برجع لشيسيدو
مشكووووووورة والله يالغالية ما قصرتي .. سامحيني تعبتج وياي
يعطيج العافية يااا رب وربي يوفقج ويحفظج ان شاء الله ..
وعليكم السلام ورحمة الله وبركاته ,,
يا هلا أختي حياج الله ,
شوفي أنا جربت المنظف + التونيك + القناع المنقي + قناع العين + كريمات للبشرة من نفس المجموعة وكانت سامبلز
لكن للأسف ما أحس إني أفادوني بالمرة ,, يمكن لأنها ماركة تجميلية وبشرتي تحسست منها يمكن ,
لكن أختي أنصحج نصيحة لله , جربي ماركة كانيبو ,
ولا تشترين منهم شي بس إخذي سامبلز من المنظفات والمرطب والتونيك ,
جربيها وادعيلي 
,
ينقل إلأى ركن العناية بالبشرة والجسم ,