السلام عليكم ورحمة الله وبركاته
كل عام وانتو بخير .. ولو متأخرة شويتين
حابة بهالموضوع نتشارك تجاربنا في شراء غريضات ماجلة الشهر / الاغراض اللي تشتروتها شهريا من البقالة والا السوبر ماركت والا البرادة والا اي اسم تخبون تسمونها سموها فديت عنونكم
وما انكر ابد اني واايد استفدت من تجارب العروسات الجميلات عضوات منتدانا الجميل
انا اشتري اغراضي من (لولو هايبر ماركت اللي في الرفاع)
ويالييييت كل وحدة تدخل تخبرنا عن اغراضها .. صورهم … ومن وين تشتريهم؟
وأول شي سويته هالشهر اني كتبت كلللللل الاغراض اللي ممكن اخذها من السوبر ماركت
سواء اللي ابيها والا لا ..
كتبتها على ورقة في دفتر نوتات بحيظ ما ارميها ..لا.. احتقظ فيها على طول عندي
كنت ابي اسويها بالوورد بس ماقدرت ..
بنتي في حضمي وقلت اكتبها مادامj الفكرة عندي مابي اطيرها
وبعدين اشوف شنو ابي من كلللللللللللللللللل الاغراض المكتوبين
طبعا مو كل شهر باشتري اللي بتشوفونه بالموضوع .. لا .. حسب الحاجة
وعشان يصير الموضوع حلو ..
شاركوني انتو بطريقتكم وتعليقتكم واي مواقف حلوة بعد اللي تصيدكم لين بتاخذون ماجلة الشهر
بس حبيت الفت الانتباه الى ان بعض السوبرماركتات يسوون عروض .. بس مو كل العروض حقيقة
بعضها مجرد لصق علب وسعر افتراضي وتاريخ صلاحية يقرب من نهياته
وحياكم شوفو لستتي كااااملة والكامل الله
أعواد تنظيف الأذن … لا تختارين نوع رخيص لخطورته على الاذن …
ممكن ينكسر بسرعة والا القطن ما يكون مثبت عدل بالعود فيدخل في الاذن وخاصة اذا كان عندج يهال بالبيت
حق اليهال
لي
صديقي العزيز الللي ما استغنى عنه ولا عن افراد عايلته الكريمة
ديتول
لليد وحتى الجسم
صديق الشنطة والمكتب والحالات الطارئة
مسحوق صابون تايد الوحيد اللي ما اتحسس منه ولله الحمد
اخذ اكياس كبيرة 7 او 8 كيلو واخليها في سطل كبير بلاستيك كبير ومغطى
واغرف منه للغسيل
كلوروكس .. واخذ جالون كبير يظل عندي فترة
صابون اليد .. اخذ جالون كبير واصب منه في العلبة كلما خلصت
المناديل الرطبة حق عواشة
استخدم بدون عطر احسن .. واخذ اللي عليه عرض 3 وواحد مجاني
قارنته وشفت سعره افضل وحتى لو طول عندي بالبيت ما ينشف ولله الحمد
حليب بيبي لاك حق العاش الجميلة
دانيت الفانيلا يحبوها عيالي
وبالمهلبية تحبها بس بنتي
معجون اغيره من وقت للثاني
بين كريست وسيجنال وكولجيت
افضل اروى واخذ الغراش الكبار
كلينكس فاين احسن نوع في الوقت الحالي
حجمه كبير ومافيه عطر و سميك
ماي ورد (كلاب ربيع)
لي ولبنتي وايد زين للبشرة الجافة
الشوكلاته
واخذ عادة كرتون كيت كات .. والا نوع ثاني .. زين حق العصاري والا في الدوام 😉
ملاعق بلاستيك
عمليين للطلعات والزيارات
حق سلماني
يتم عندي مدة طوييييييلة
فاخذ العلبة الصغيرة احسن لي
وسلامتكم
تعبت والله:worn_out: .. وبانتظار مشاركاتكم الحلوة F:
F:
اغلبيه الاغراض اخذهم شهريا
لي عووووووووده
ديتول شي ضروري او شبيه له امه على شكولاته خخخخخخخخخ الله يعينج وفيج المعده خخخخخخخ حاسبي
ربي يحفظ لك عيالك
تم التقييم
ويوفقك
 |
اقتباس |  |
 |
المشاركة الأساسية كتبها عالية المقام  |
 |
 |
|
ماشاءالله علييج
اغلبيه الاغراض اخذهم شهريا
|
||
 |
 |
ننتظر طلتج الحلوة
F:
بالتوفيق ولله ايخليلج اعيالج انشالله
ۈڷج احڷى ٺقييمْ
واغلب مشترياتي من رويان او برادات 24 ساعه