غسول الاسكينول بالبابايا 2024.

مرحبا

حبيت اعرف شو رايكم في الاسكيينول بشكل عام واسكينول البابايا بشكل خاص انا استخدمته كم مره بصراحه روعه بس كاني سمعت وحده في منتدى عروس اتقول انه يفتح المسامات فخفت استخدمه فبليز افيدوني واذا استغنيت عنه شو استخدم بداله كمنظف للويهه ابليز ردوا علي ضروري

🙁

هلا اختي العزيزه

لالالا الاسكينول مب منظف للبشره .. يعني لو بشرتج عليها مكياج او اوساخ الاسيكنول ما راح ينظف البشره .. اول شي تغسلين البشره بالغسول .. وبعدها بقطنه تمسحين بالاسكينول

الاسكينول قابض للمسام .. يعني استخدميه بعد غسل البشره و تنظيفها ،، وعلى العكس تماماً مايفتح المسام بل يقبضها وينظفها،، لأن مثل ما قلت لج هو قابض للمسام ..

والافضل تستخدمينه في الليل قبل النوم ،، بعد ما تغسلين البشره و تنظفينها بأستخدام قطنه مغموسه بشوية اسكينول وتمسحين البشره بحركات دائريه ،، وبعد نصف ساعه تحطين كريم مرطب او الكريم الليلي اللي متعوده عليه ..

انا قلت لج في الليل ليش ؟
لأن الاسكينول فيه كحول ،، ومع التعرض للشمس راح يسمر البشره ويحرقها ..
اما لو ما بتطلعين خلال النهار ممكن تحطينه ..

طيب ليش قلت لج اتركيه نصف ساعه وبعدها تحطين الكريم ؟؟
نصف ساعه عشان تمتصه البشره و تستفيد منه
والكريم المرطب او الكريم الليلي ،، لأن الاسكينول ينشف البشره ..

بخصوص الانواع منه ..

اذا بشرتج دهنيه و معرضه للحبوب،، استخدمي اسكينول الليمون..
اذا بشرتج جافه ،، استخدمي اسكينول الخيار..
اسكينول البابايا ،، يبيض البشره
اما اذا بشرتج حساسه ابتعدي عن الليمون ..

مشكوره اختي عل الرد ماشاءالله عليج كفيتي ووفيتي بس انا بشرتي مخلوطه وابي استخدم البابايا علشان التبيض وشو النوع ال2 لي لازم استخدمه الخيار بس اليمون لا مابه شو رايج الغاليه كيف انظم بينهم او انه البابايا كافي واحط بعده كريم شو رايج:shy:

اعتقد اختي البابايا بينفعج

طيب اقدر استخدمه مرتين يعني قبل النوم وبعد الفطور وبعد ما اسبح ما بيكون فيه شمس او شو رايج مره وحده تكفي لانه مكتوب عليه مرتين

ايه تقدرين تستخدمينه مرتين ..

المهم انج ما تتعرضين للشمس

انشاءالله اختي ومشكوره مره ثانيه تعبتج معايه اشويوووونه والا :shy:

صج الاسكينول ينظف ويفتح المسام وتحسين ان بشرتج تتنفس