غسول الملح والماي الدافي 2024.

مرحبا

لو سمحت عرايس انا استخدم ملح وماي دافي كغسول للمناطق الحساسه واستخدمه للخلفيه بعد عادي او يمكن يسبب ضرر وبالنسبه لاستخدامه عادي استخدمه للمنطقه الداخليه للمنطقه الحساسه او من برع بس وكذللك بالنسبه للغسول لي ينباع في الصيدليات قصدي نغسل فيه المهبل او برع بس

ابليز ردو علي لاني خايفه يسبب لي ضرر لا سمح الله

🙁

اختي العزيزه

ان شاء الله ما عليج شر ..

شوفي حبيبتي ،، العنايه بهذه المنطقه مهمه جداً جداً جداً

لكن بأعتدال ،، يعني لا افراط ولا تفريط ..

غسول الماء الدافي مع الملح ،، مفيد جداً لتعقيم المنطقه لكن يفضل استخدامه مره واحد في الاسبوع ولا تكثرين ،، لأن مع كثرة الاستخدام ،،الملح راح يجفف المنطقه ومن ثم حدوث التهاب و تسلخات ،، خصوصاً ان في هذه المنطقه بكتريا نافعه تساعد في تنظيف المهبل ،، يعني لا تكثرين من استخدام حمام الماء والملح ..

و انتبهي لازم تكون كمية الملح قليله ،، يعني نصف ملعقه صغيره من الملح تذوبينها في لتر ونصف ماء دافي ،، راعي ان تذوبين الملح جيداً في الماء قبل الاستخدام وبعدين تشطفين فيه المنطقه من برا ..

اما بخصوص الغسول اليومي المخصص لهذه المنطقه ،، انصحك تجربين كيرفري وتلقينه في الجمعيات ..

او Isoderm
وهذا غسول تلقينه في الصيدليات ..

جداً ممتازين ،، للأستخدام اليومي ،، وطبعاً فقط في الغسل والشطف الخارجي ..
تستخدمينهم مثل الصابون السائل وبعدين تشطفين ..وتجنبي استخدام الصابون العادي في هذه المنطقه لأن مادة الصابون او العطور مضره فيها

كل هالشغلات اللي ذكرتها للأستخدام الخارجي ،، وان شاء الله ما عليج اي ضرر .. تنفع المتزوجه والبنت وما منها خوف .. لكن حمام الماء والملح اعتقد ان البنت ما تحتاجه ،، و تستخدم الغسول يكفيها ..

اما لو عندج التهاب ،، او تبين مطهر للمهبل للأستخدام الداخلي ،، الافضل تراجعين طبيبة نسائية عشان تنصحج باللي يفيدج ويناسبج .. اما لو كنتي بنت ،، ما تحتاجين مطهر داخلي

مشكوره الغاليه عل الرد انا كل يوم استخدم ملح وماي والله اني صراحه :dd: بس يعني الغسول استخدمه برع يعني طيب كيف عيل يقولون انظف المنطقه بس من برع يعني اوكي مشكوره اختي

لااااااا حرام عليج ،، كل يوم ماي وملح ؟؟ ليش زين .. سمعي الكلام ولا ترى بزعل عليج

اممم غسل المنطقه من برا يعني من برا

<—– مب عارفه تشرح ..

يعني المنطقه من برا بدون ما يدخل المهبل

فهمتيني ؟؟

ايه فهمتج الغاليه لاني كنت قبل استخدم الغسول من كير فري صراحه بس بعدين لما شفت في المندى ماي وملح فجربته ما ادري لاني كنت استخدم الغسول كل يوم فعشان جي استخدمت غسول الماي والملح كل يوم وابصراحه بعد كنت استخدم الغسول في المنطقه الداخليه وبرا بعد :shy: