قبل العيد ما يجي عشان أسويها وتطلع شي خخخخخخخخ
وبالنسبه لطلبك ابشري بعزك ماطلبتي شي
والقهوه القصيميه والا القحطانيه والا السبيعيه والله ماعندي خلفيه عنهم
بس اذا تبغين قهوة اختك الخالديه ابشري بالخير
ويالله جهزي ورقتك وقلمك
اولا : انا قهوتي اسويها بنفسي بالبيت ( يعني مو جاهزه من السوق )
اخذ القهوه البريه وهذي افضل انواع القهوه واذا ماتوفرت معك مو مشكله اخذي القهوه الهرريه
زين وبعد ماتنظفينها من الشوائب والحبه السودا تحطينها بقدر او مفلاة تكون خاصه للقهوه يعني ماتستخدمينها في اغراض الطبخ الاخري
ثانيا : تحمسينها على نار متوسطه لحد ماتبدا تشقر وتظيفين عليها عشبه تسمى( أشنه) تلاقينها بعد في المجمعات اوعند محلات العطاره وانتبهي ماتكثرين منها لانه اذا صارت كثيره تعطي طعم مر بالقهوه يعني مقدار ملعقة اكل وتحمسين لين تصبح القهوة
مظبوطه وحسب رغبة اهل بيتك لان فيه ناس يبونها شقراء وفي ناس يفضلونها تميل للبني شوي
وانا بعد افضلها تميل للبني لانه يكون طعمها وريحتها احلى وافضل
طيب خلصنا من القهوه وبعد ماتبردا طحنيها وبتبهرك ريحتها ..
بعد كذا عبي دلة القهوه ( ابريق )بماي حلو وضعيه على النار وخليها لاحد ما تغلي
بعد كذا خففي النار الى اقل درجه واخذي مقدار ثلاث ارباع الفنجان من القهوه اذاكانت غامقه واذا شقراء فنجان كامل
وحطيه عليها وخليها تقلي على نار هادئه 5دقائق
بعد كذا اطفئي النار وخليها تركد 3 او 4دقايق
طبعا ماعطيتك خلطتي الخاصه في القناد وهذا هوسر لذة قهوتي
1: تحطين بالدله
(الدله الخاصه للقهوه حنا نسميها ترامس ) ثلاث ارباع الملعقه من الهيل
+ملعقة صغيره حليب كافي ميت
+ملعقة سكريه صغيره قرنفل مطحون
+نص ملعقة سكريه صغيره زنجبيل مطحون
+ثلث ملعقة سكريه صغيره زعفران مطحون
+نص فنجال ماء الورد الاصلي المحمدي
+ملعقة سكريه صغيره بهارات القهوه وهذي خلطه خاصه تلاقينها بعد في محلات العطاره الكبيره
وبالنسبه لنا حنا ناخذها من محلات الجباره في الاحساء بالقيصريه
وهذي كلها تحطينها بدلة القهوه الخاصه وبعدين صبي قهوتك عليها وبالهنا والعافيه
ولاتنسين تبشرينا بالنتائج
وبالنسبة لماء الورد الاهل مايبحونة عادي أكنسلة ماتضر على الخلطة
أنا قهوتي أحط فيها هيل وقهوة وبعدين على الدلة على طوووول يعيني ماسخة صج بس أبجرب خلطتك بكرة على الفطورررررررة ومشكورة فديت أهل الحساء كلهم
وبالنسبه لماء الورد مهوب مبين لذيك الدرجه وعلى راحتك
وبامكانك تجربي الثنتين وتلاحظي الفرق
ومقاس الماء عادي مايكفي لدله صغيره من الدلال الالمانيه اذا تعرفيها
تدرين لحظه شوي
:
:
::
:::
::::
اختك راحت للمطبخ وقاست لك الماء مضبوط
المقدار 6اكواب من الماء .
ويفداك اللااااااا ش وحيااااااك الرحمن يالغلاااا ..
وعليك بالعافيه وانشاء الله يجيك الخطاطيب على طول
هههههههههههههههه
الله يوفقك ولاشكر على واجب يالغلا
ويكفيني هالدعوه الغاليه على قلبي
تسلمين
بس انا قلت يمكن هاي طريقة القهوة السعودية ..
المهم انا أبا أسألج ماعليج أمر .. انا شربت عندهم زنجبيل وكان طعمه روعة فياريت اتخبرينيه طريقته..
طريقتك رهيبه
خزنتها عندي