السلام عليكم ورحمة الله وبركاته
من يومين تقريباً كان فيه واحدة بتسأل عن طريقة المسقعة
فلما عملتها النهاردة قلت أصورها وأنشرها على المنتدى وإن شاء الله تعجبكم
نبدأ بالمقادير
كيلو باذنجان
5 طماطم
نصف كيلو لحمة مفرومة معصجة
2 مكعب مرقة خضروات
2 مثلث جبنة (أي نوع) أنا استعملت لبنيتا
لبن بودرة
كريمة طهي
دقيق
ملح + فلفل + بهارات
الخطوات:
1- نقطع الباذنجان شرائح متوسطة السمك ثم نضعه على صينية ونرشه خفيف بالملح لينزل مائه ونتركه لمدة ربع ساعة تقريباً
2- نضع القليل من الدقيق في رشاشة (هذه مخصصة للدقيق عندي في البيت) ثم نرش منها خفيف على سطع الباذنجان قبل قليه
3- ميزة هذه الطريقة إن الباذنجان ياخد لون حلو من غير ما يشرب زيت كتير
يتبع … يرجى عدم الرد قبل اكتمال الموضوع
4- بعد الانتهاء من تحمير الباذنجان كله يرفع على ورق مطبخ لمص الزيت الزائد.
5- نضرب الخمس طماطمات في الخلاط مع بعض
6- ناخد مقدار واحدة منهم على اللحمة المفرومة
لو اللحمة متعصجة جاهزة حطي الطماطم وهي بتتعصج، بس أنا كانت عندي جاهزة من قبل كده
وبعيدن نحط اللحمة والطماطم على النار ونخلطهم مع بعض لحد ما يتجانسوا
7- ناخد باقي الطماطم ونضيف لهم ملح وفلفل ورشة بهارات ومكعب واحد من مرقة الخضروات والقليل جداً من الزيت وترفع على النار لحد ما تتسبك
8- نضع في حلة أخرى أربع ملاعق دقيق و 8 ملاعق لبن بودرة وأربع أكواب مية وكوب كريمة طهي ونخلطهم على بعض بالمضرب السلك وترفع على النار لصنع الباشميل، وإذا سخن الخليط يضاف له المكعب الآخر من مرقة الخضروات، ومثلثين الجبنة ويخلطوا جيداً لحد ما يثقل الباشميل
يتبع … يرجى عدم الرد قبل انتهاء الموضوع
9- لما الصلصة تتسبك آخد منها مقدار مغرفة وأوزعها في الصينية البايركس اللي هستعملها
10- بعدين طبقة باذنجان
11- بعدين اللحم المفروم
12- ثم طبقة أخرى من الباذنجان
13- ثم توضع باقي الصلصة على الوجه
14- وبعدين نسيبها على النار ربع ساعة تقريباً علشان النكهات تختلط والباذنجان يستوي
يتبع … يرجى عدم الرد قبل انتهاء الموضوع
15- نضع الباشميل في النهاية على الوجه، على فكرة الباشميل طلع كتير ممكن تقللوا كميته شوية
16- وتوضع في الفرن لمدة نصف ساعة تقريباً حتى يتحمر الوجه
17- ودي شكلها وهي لسة طالعة من الفرن (زوجي بيحبها متحمرة زيادة 
)
انتهى الموضوع وإن شاء الله تجربوها وتعجبكم
أي واحدة تحب تنقل الموضوع تتفضل بشرط تدعي لي إن ربنا يكرمني في الدنيا والآخرة ويجعلني وزوجي وأبنائي من عباده الصالحين
والسلام عليكم ورحمة الله وبركاته
زوجي وايد يحبها مع البشاميل لازم اجرب طريقتك
ربي يهنيك بحياتك
ما شااااااااااااااااااء الله تشهي عليكم بال عاافيه
وتسلم الايااادي يا الغلااا
ابدااااااااااااع
ندى الدوحه
إن شاء الله تعجب زوجك
اللؤلؤه السوداء
تسلمي يا غالية نورتي موضوعي
suzi
تسلمي حبيبتي ونورتي موضوعي
(¯`v´¯)
`·.¸.·´
¸.·´¸.·¨) ¸.·¨)
(¸.·´ (¸.·´ (¸.·¨¯` ♥♥♥
تسلمي
–
تسلمى ايديكى
وربي يجعلك انت ِ واهل بيتك من عبادة الصالحين