فمره من المراريت…قلت ابي اسوي بيض بس بتفنن فيه
وفعلا طلع خياااالي وفعلا لذيذ
بصراحه فتحت الثلاجه وقلت بحط من الموجود بس حاولت اختار مكونات طعمها متناسب يعني تخيلت الطعم وانا اضيف المقادير
والحين نجي للطبق المبتكرررررر
بيض من ابتكار الحلم الهادىء
المقادير:- ( لشخصين)
شوية زيت للتشويح
شوية مشروم حوالي 3 حبات كبار مقطع متوسط او قطع كبيرة
خيوط فلفل رومي اخضر
نص طماطه صغيرة مقطعة مربعات
ملعتين كبار ذرة حلوه
2 بيض مخفوق بملح وفلفل
شريحة جبن شيدر (المربعات مالت التوست)
فلفل احمر
الطريقة
مثل ماهو بالصور..اول شىء تحطين الصاج وتحطين عليه زيت وتشوحين فيه المشروم..وتنثرين عليه فلفل احمر بودرة…وعقب تحطين الفلفل الرومي وتحركين وعقب الطماطم والذرة لين تذبل شوي المكونات واخر شىء بتحطين البيض المخفوق بالملح والفلفل الاسود ولما تشوفين البيض بدا يستوي…تحطين شريحة جبن وتبتدين تخلطين البيض على شان يستوي قطع كبيرة مخلوطة
ويتقدم مع الخبز العربي
اسفه نسيت اصور الطبق بشكله النهائي بس من جد فظييع جربوه
اترككم مع الصور
هذي البداية ..المشروم وهو يتشوح مع رشة الفلفل الاحمر والفلفل الرومي الاخضررر
والحين مع اضافة الذرة والطماط
واخيرا مع البيض
بس يبقى الجبن والخلط الاخير 
جربوها مراح تندموووون
مشكوره حبوبه بس انا ماحب فلفل الرومي والذره مع بيض بس مشروم اوكي الله يوفقج
يعطيج العافية
شكلها لذيذ
بجربها
مشكورة حبيبتي وتسلم الايادي
يعطيج العافية
بس جربوها تراها وايد لذيذه وسهله وماتاخذ وقت
/
::
مشكورة حبيبتي
/
::