هقولكم المشروع علكم تستفيدو من الفكرة او تفكرو فى شئ مشابه يدر عليكم ربح باذن الله
مشروعى هو
مركز تعليمى لطلبة الجامعة
يعنى ايه مركز تعليمى
يعنى شباب الجامعة اة طلبة الثانوى بيخادو دروس كتيرررررررر والدروس بتكون فى بيوتهم او بيت المدرس
وطبعا الاهالى المساكين تعبو من المدرسين وتقديم المشاريب وكأنهم فى القهوة
المشروع ده هيكون مكان للدروس الخصوصية وانتى اختارى اذا كنتى حابة تعمليه لطلبة الجامعة فقط او الثانوى او الاتنين مع بعض
انتى بتعلنى للمدرسين عن المكان وهما بيجيبو الطلبة ويجو عندك فى المركز
اما بقى لو لطلبة الجامعة الامر بيكون مختلف
انتى بتتفقى مع طلبة الجامعة لو حابين ياخدو كورسات فى المواد بتاعتهم ومش لاقين مكان يجو عندك فى المركز بتاعك
ولو حابين يجتمعو للمذاكرة ايضا مش ضرورى درس
احيانا الطلبة تحب تتجمع فى مكان ويذاكرو مع بعض
طيب شوفى خطوات المشروع
اولا بعد التراخيص وكده
بتاجرى شقة مساحة متوسطة او كبيرة حسب امكانياتك
الشقة بدون مجهزة بشكل لائق ( مش ضرورى فخمة اوى الطلبة بيخربو اى شئ )
يعنى تكيفات وترابيزات وكراسى ووايت بورد ( يعنى سبورة بيضاء)
ومكينة تصوير واشتراك انترنت وكام جهاز كمبيوتر
ولو حابة تزودى دخلك من المكان
ممكن تعملى بوفيه داخل المكان
قهوة وشاى ونسكافيه وكيك
الموظفين
بتحتاجى اولا حارس امن عشان ميحصلش اشتباكات بين الطلبة
ثانيا موظف استقبال
ثالثا عامل نظافة
رابعا عامل للبوفيه
طريقة التسويق بتكون عن طريق الاصدقاء الجامعين او المدرسين او عن طريق الفيس بوك ومواقع الانترنت
بس قولى انك فتحتى مكان مناسب للطلبة والمراجعات الدروس يمكن تلاقى الجامعة كلها عندك
بتحددى الاشتراك للطلبة فى المكان حسب مدة الزيارة
يعنى لو فى مصر مثلا بيكون حلو انك تعملى للفرد الواحد فى اليوم 5 جنيه
لو دخلك فى اليوم الواحد 30 فرد بيكون الدخل 150 فى اليوم يعنى فى الشهر 4500
بتدفعى منهم ايجار الشقة ولتكن 100 جنيه ورواتب فى حدود 1500
ولو عملتى دعاية اكتر بيكون العدد اكتر
بخلاف العائد اللى بيجيلك من البوفيه واستخدام الانتر نت للطلبة
اتمنى الفكرة تكون عجبتكم
دائما مبدعة
اتمنى تكونى فكرانى
طب ما قولتيش الاجراءات بتاعت التراخيص و اية هى التراخيص دى
كمان تكلفة المشروع الاجمالية شاملة كل شيء
عشان الواحد يقدر يقارن بين التكلفى و العائد
و بخصوص الايجار ما فيش اقل من 400 و انتى طالعة
و عشان تجيبى عامل بوفية اجرة فى الشهر 500
و كمان موظف الاستقبال 1000
و الامن بردوا هيبقا 650
عامل نظافة 400
2950 دا الاجمالى بتاع المرتبات
انارة و مياة قولى 300 جنية (تكيفات و انتى عارفة بتسحب اد اية)
يعنى اجمالى المصاريف الشهرية
3250
فعيززين نعرف تصورك للتكلفة عشان نقدر نعمل دارسة جدوى متكاملة يا قمراييا
و بالتوفيق يا رب
طبعا فكراكى
بامارة الفوركس والبورصة
عاملة ايه
على فكرة كنت اقصد فى الايجار 1000
بس نسيت صفر
ابعتيلى رقمك تانى فى رسالة لانه راح من عندى فى الشريحة القديمة