كنت بعرض بعض الموديلات
ولكن
خطرت لي فكرة بما اني من كم سنه ما اشتري شي جاهز من المحل الا نادر
فقلت اعرض فكرة فن التسوق على اساس التميز والسعر
طبعا مو كل شي موجود بالسوق يستحق سعره وخصوصا هذي الايام
البعض يحب السرعه والراحة ولكنه يخسر
والبعض يظن السعر الاغلى هو الافضل
والبعض يظن الاسم الفلاني لعبايته راح يضيف لشخصه شي!!
مضحك مبكي صراحة ان ادفع الكثيررررر وارى غيري اثنان او ثلاثه بنفس الطقم
نحب التميز اجل ولكن بعقلانية ولما يستحق لا لما نعجب بسعره فقط
ولان المراة تحب التميز
والكل يحب ان يقتني اكثر قدر يريده
هذي بعض الافكار
الفكرة انك تتفردي بالعباية يعني حتى لو كان ستايلها مشابه للناس بس الشغل ما يكون 100% موجود على الكل كوبي بست
يعني تسوين هالموديلات سادة والشغل تشترينه وتركبينه اما بالخياط او مكان تتعاملين معاه بحيث تطلعي بشغل مميز
وبنفس الوقت عباياتي دايم اسويها ارخص ^^ بس الياباني لاني مسويتها بالخدر
انا مسويتهم بالفوتوشوب كحجم متوسط فعذرا لو طلعوا كبار 
,.
.,
,.
.,
,.
اول تجربه (( قبل سنتين))
كانت بصورة من النت وكان الشغل باليد وتعبت لين لقيت عبايات تسويها والشغل كان مش ولابد ^^ بس ضبطتها
وكلفتني لانه موديل غير موجود 25 ديناراظن
وشراء القماش مو اكثر من 5 دينار ومع الدانتيل
الشيلة مالتها للحين عندي ان شاء الله اصورها
وكانت خيال مميزة وايد لدرجة وحدة بالمنتدى ما انسى يات تسلم علي بالمجمع تقولي عرفتج من العباية لمن عرضتيها
الاجمالي 30دينار
ولانها من تصميم فلانه او فلان بالنت اكيد بتكون غالية وما كلفتني الا 25 ؟؟؟؟؟ يا سلااام
هذا الموديل
الاول
فكرة الموديل بلكم وانه يكون فيه سحاب والحين الشغل اللي باليد دانتيل وحركاااااااات موجودة وايد وبكل مكان لمحلات بيع مستلزمات الخياطة واللي تبي السود تلقى واللي تبي الملون تلقى واللي يبي الصلاه ما تفوته محد يدزه لا لخير ولا شر
تكلفتها كانت 12 دينار
حساب التكلفه:
العباية سادة بين 10 الى 13
الدانتيل بين دينار الى دينارين
وتركيبه من دينار الى دينارين
الاجمالي: 13 دينار الى 17 دينار
الفكرة الثانية
انه تكون كسرات فوق او تحت الصدر (( والحركة هذي تخلي العباية واسعه )) واظن هذا شي زين 
للي ينتقدون وايد
هذي مثل العباية اللي فووق حسابها
ونقدر نضيف الدانتيل فووق الكسرات
الفكرة الثالثه
ان يكون الموديل ياباني بمعنى الكلمة يعني بضبط مثل الدريس الياباني بس بالعباية (( صحيح ان يخصر العباية بس اللي تبي واسع تقدر تسوي موديل الكومينو صحيح من زمان بس تقدر تبتكر فيه < وان شاء اله راح اسويها ^^
وهذي كانت لعيد الاضحى بس ما الله وفقني البسها فيها وصارت لبسي لها خفيف كلش ان شاء الله بتكون لثاني العيد للزيارات العائلية والاهل فيها شغل حلو ع اليد هالعيد ما سويت عباية بس بعتمد ذي
كلفتني وايد لان مسويتها بمحل وايد غالي كرستالهم وشغلهم
بحدود 100دينار
نخيطها في خياط كانها جلابية بس قماش العباية
قماش العباية نقول 4 متر/ دينارين < وانا شفت اقل = 8 دينار
متر واحد يكفي للكمام شيفون> نقول بدينارين
الخياط بالخياط طبعا اقل (( السعر يختلف))
والازرار مو غالية وايد ما اعرف بضبط بس نقول 6 دينار
الكرستالات 100 حبه بـ دينارين ونص ناخذ ميتين = 5 دينار
وبالكرستالات نقدر نسوي توقيع حلو على الشيله او حرف في الزاوية ويسويها الخياط مع العباية وبتكلفنا الشيلة مو اكثر من 5 دينار
الاجمالي= مع افتراض سعر خياطها 10 دينار راح تكلفنا والاكيد انه اقل
36 دينار (( ثلث التكلفه تقريبا وبشكل انعم))
الفكرة الرابعه
هي الكم يكون علاء الدين مثل ما يقولون انا هني مسويته سادة للمشاوير السريعه واستهلكتها فتره وللحين تبين كأنها يديدة وراح انزلها بعد فتره مخليه سدو فيه ومع الزم يتكسر يصير حلوو وبجذي اقتصدت بدل الشراء المتكرر ورمي الاول
^^
هذي للحين عندي مثل ماهي سادة وطلعة بقالة او سوبر ماركت بسرعه
خيطها سادة بـ 10 دينار
وافكر اخذ سدة خفيف واحطه بزم بيكلفني تقريبا 4 دينار متر ( لاقصى تقدير)
شيلة موجودة عندي من ديزاينات مابيها (( يعني ما بتكلفني شراءها شي))
تركيب السدو في الاكمام والشيلة بدينار الى دينارين
الاجمالي 15 دينار عباية جديدة كليا
ومتفردة فيها لمن تبتكرين لها موديل بالياقه او بالصدر
غير لمن باخذ مثل الموديل واللي موجود بالمحل مو اقل من 25 دينار والكل يركب مثل التطريز او الشغل لنفس الموديل واكثر من زبونه تشتري او يمكن يعجبها
والاخير لليوم
هي موديل الباق يمكن من زمان هذي عندي ، بس جداااااا عملية جدا جدا وحبذا لو كان موديلها عماني مفتوح للبسها سريع غلطتي كانت انها مسكرة بس طبعا الحين ببدل الشغل اللي باليد وبضيف شغل ناعم وبخليها للمشاوير السريعه او طلعات ما تتحمل عباية بذاك السعر واايد زينه
العباية خيطتها بمحل بـ 10دينار
شريت شيلة بـ 3 دينار
وديتها محل ثاني لشغل اليد بس وهو محل تقريبا يرفع اسعاره
سعر شغل اليد وبالشيلة زاوية بـ 10 دينار
الاجمالي 23 دينار ونعومة وعملية
وهي بالمحل كان سعرها 45 دينار ولمن نزل كلش صار 35دينار
توفيييييييييييير
ملاحظة كل العبايات حتى لو كانت موديلات منتشره اضيف لها لمسات وعادة اسويها سادة واشتري التطريز واركبه
لو تشابهتي مع الباقي بالستايل بشكل عام ما تتشابهي بالشغل نادراااا
كيف لو اضفتي لمساتك على الشغل نفسه
اتمنى الاستفادة للجميع
وتذكير للبعض اللي دفعني اطرح الموضوع
مو كلن يدعي للشر الله اعلم بما في قلوب الجميع
اللي بتنتقد تنتقد انتقاد بناء او تترفع عند الانتقادات الجارحه
وتفكر ان المحيط اللي تعيشة يختلف عن المحيط اللي يعيشه الاخرين
وان كان يستحق موضوعي التقييم لا يردك الا الميزان :$
واذا ما يستحق فدعوة في ظهر غيب بهدايتي وتوفيقي وبس
وان شاء الله اتحمس لطرح اجزاء ثانية
F:
حلوين
كل الود
والله يعطيكِ العافية
تسلمين زمان تقطعوا ^__^
بنت
يعافيج ربي
ghome
الله يسلمج
غاردينيا
عيونج الحلوة حبيبتي
تسلمي ع المرور الطيب
ماذا اقول
يعافيج ربي ويسلمج الغالية
شكرا لمرورج الحلو
كل الشكر والتوفيق للي قيم 
يسلموووووووو تتهني فيهم
الله يهنيج دنيا واخره
شكرا للمرور العطر