اخواتي العرايس سمعت عن الحناء البيضاء وعن فوايدها للبشره
فالي جربتها وشافت فيها فايده تفيدنا وجزاها الله الف خير.
انشالله البنات يفيدونج…ويفيدوني….. 
وسوالــــــــــــــــــــــــــــــــم
مره سالت يمني يبيع اعشاب في معرض فالدوحه قلت له عندك حنه بيضا قال وانت جد شفتي ماي اسود !!!
مو مصدق يعني ..
ياريت بنات قطر يفيدونا من وين ياخذونها او من البحرين ..
انا بعد كنت ابي اسأل عن الحنا البيضاء
انا عندي هالحناء من نص سنة تقريبا .. وللحين ما استخدمتها غير مرتين
المرة الاولى حطيت عليها ماي ورد .. والمره الثانية حطيت عليها ليمون
بس في المرتين حسيت لون ويهي صار برتقالي :21_207: .. وريحة الحناء تخنقني ..
مع انه هالحناء رحيتها مب قوية وايد
وبصراحة لما رحت الجامعة تفشلت قدام ربيعاتي يقولن صاير ويهج ع برتقالي .. :qaq:
وعاد من يومها ما مسيتها .. وكنت ابي اسأل البنات عنها .. وشلون الطريقة الصحيحة لاستخدامها ؟
 |
اقتباس |  |
 |
المشاركة الأساسية كتبها رنو333  |
 |
 |
| ليه اختي ابتسامه الحناء البيضا تصبغ؟؟؟؟؟ يعني هي مثل الحناء العادي |
||
 |
 |
هلا اختي
لا هي ابدا مو مثل الحناء العادية
صغبتها تكون خفيفة وما تبين الا اذا ركزتي عدل عدل ..
ويختلف من بشرة لبشرة .. يمكن لان انا بشرتي فاتحة وضح علي اللون
بس بعد ما تغسلين ويهج اكثر من مره يروح اللون .. وهو خفيف وايد
بس انا نصحوني بالحناء عشان بقع حبوب صارت لي لما نظفت ويهي في الصالون .. الله يسامحها
المهم فبقع الحب ما راحت لا من اول استخدام ولا من ثاني استخدام .. وعاد ودرتهااااااا
.. وانا اللحين اسأل عن استخدامها الصحيح .. لاني احس اني استخدمتها غلط وسلامتك يا الغالية