أنا من عشاق البيتزا بشكل مافي حد ممكن يتخيله وأعيش استمتاع كل لحظة وأنا بفكر إني بكرة رح أعمل بيتزا وأثناء التحضير وأثناء الأكل وبعد الأكل يعني كل لحظة بيتزا عندي فيها متعه جميلة
طيب المهم وبلا طول سيرة يا صبايا في يوم من ذات الايام اختكم عطور الأمل اجا ع بالها تعمل بيتزا المهمة سهلة وبدت تحضر العجينة وطلعت العجينة بتجنن مابتصدقوا لو حكتلكم اول مرة تطلع معي بالشكل الرهيب هادا طيب وبعدين؟؟
زينت العجينة وحطيت الجبنة حبيبة ألبي وكترت كعااادتي وتتتووووت ع الفرن بيييييب استوت ياسلام على جمال رائحتها وروعتها وأناقتها اشي ولا بالخيااال
طيب المهم انتي جيبانا ع الموضوع ليش يعني؟؟
حكمل بس صبركم عليااا يا جماعة
ايش اللي صار
اللي صار انه انا اخدت سكينة مشان اقطع الي "القطعة الأولى من الصينية" لتليها باقي القطع موزعة على باقي اليوم هاهاها
طيب أخدت أول قطعة وجبت علبة البيبسي من التلاجة لزوم المزاج وقعدت وحكيت باسم الله يارحمن مسكت الشوكة وقطعت اول لقمة وحطيتها بتمي :eek::eek::eek::eek::eek:
الوضع مش طبيعي بالمرة يابناااات انا طلعت باكل بيتزا سووويت يعني حلوةة
أختكم في الله اللي هي أنا ناسية تحط ملح وحاطة سكر وعاملة حساب الجيرااان كمان بالسكر :confused:
وياعيني ياعيني ع البيتزا لما تكوني الك 2828 ساعة قاعدة بتجهزي حالك مشان تاكلي بيتزا بالاخير تطلع كيكة مش بيتزا 
بس أنا شووو عملت طبعا قلت الحمد لله على كل حال وقمت بأكل الجبنة والحواديت اللي فوقها 😎 بس والله ينات كان مقلب مرتب اللي يشوف منظرها من برة مايتوقع المصيبة اللي جواا بس ربنا ستر اني كنت عاملة حساب حالي بس فيها وإلا كانت فضيحتنا بجلاجل قدام باقي الامة :tongue:
مابدي اكون طولت عليكم أو تألت دمي عليكم بس والله حبيت اشارككم لحظة فيها ابتسامة حلوة وسلامي لكل الصبايا العسلات هان 😉
وبهاي المناسبة بدي أحطلكم عدة صور للبيتزا من مطبخي بس البيتزا اللي عملت فيا هادا المقلب حكتلها خسارة فيكي التصوير يامحترمة (p)
مستعدين تشوفوا صور البيتزا تاعتي …
طيب تفضلوا ..
وآخر صورة هاي بيتزا سريعة عملتها ع السحور برمضان من الخبز العادي بدون عجينة ..
ورح أكتبلكم طريقتي بالبيتزا
هلئيت كيلو الطحين بلزمني عليه
3 ملاعق حليب
3 ملاعق خميرة
3 ملاعق سكر
1 ملعقة ملح
وماء دافية وزيت ذرة وبعد ما تخمر العجينة
بدهن الصواني بصلصة البندورة وبعدين برش عليه زعتر بالسمسم وبعدين بنحط الجبنة وبزينها بالزيتون والفلفل الحار الاخضر والبصل وقطع البندورة وممكن اضافة المشروم والفليفلة لكني لا احبها كثيراً واقوم برش الوجه بالسمسم وصحتين وألف عافية بتمنى تكون أعجبتكم
ويعطيكي العافيه
امره الثانيه عدي للعشره لبغيتي تحطين الملح
مشكوره تسلم ايديك على البيتزا الشهي
احساس الغلا ولايهمك يا غالية المرة الجاية بركز منيح بين الملح والسكر وشكرا الك على مرورك حبيبتي
ماشاءالله …رووووعة
بانتظار جدييدك
شكلها لذيذة
تسلم أيدك وعليك بالعافية
هههههههه
يسلمو دياتج يا قمر