حبيت انقل لكم قصتي مع تكيس المبيض
انا هالسنة تخرجت من الكلية… الحمدلله
واتذكر كان في شهر 3 ربيعاتي قالولي يالله نروح الجيم دام ماعندنا شغلة بس سبحان الله قلتلهم لا برجع البيت
لما رجعت البيت توا داخله جاسني عوااااااار فضيع في بطني ع طول رحت ع السرير و لساعات طويله تميت اصيح و ميوده بطني من كثر الالم بدأ العوار من الساعة 12 لين 2 الالم كان فضيع عقب قل و وقفت صياح بس بعده كان في عوار اخف عن قبل و طبعا انا عنيده حيل ما طعت اروح المستشفى لين ساعة 8 بالليل امي قنعتني اروح… المهم رحت مستشفى ولكير و ع بالي مافيا شي و تميت اقول حق امي و اخوي العود بتشوفون بيطلع ما فيا شي و نحن يايين ع الفاضي…(أقص ع نفسي)
وصلنا و اول شي سألوا إذا كنت متزوجه و قلتله لا فالدكتور قال بنسو تحليل دم و انا قلت اوكي ان شاء الله خير
يت الممرضة و ع بالها اخوي ريلي جان اتقول تبي حرمتك تكون حامل,, موجه الكلام لاخوي جان اقول بسم الله هذا اخوي و انا مو متزوجه…. شوي انزعجت من كلامها بس ماما فهمتني ان هذا شي طبيعي يسألون اذا متزوجة و لا لا لأن نفس الاعراض كان فيا مثلا زاد وزني و بطني كان منتفخ بس اتصدقون مايا في بالي لان من شهرين و الاحظ هالتغيرات بس تميت ساكتة ع بالي اكل وايد خخخخخخخ :tongue:
المهم كل شوي دكتور او دكتوره يدخلون علي و يسالوني اسإلة تمينا لين ساعة 11 بالليل جان اقول حق اخوي انا يوعانة راح يابلي اكل يحليله و تميت اكل إلا و شوي جان يدخل دكتور شافني اكل قالي خلاص برجع عقب
عقب لما خلصت اكل دخل دكتور ثاني جان يقول لقينا في التهاب بكتيري عندج جان اقولة شو معناته جان يقول احتمال تكون الزائدة الدودية إلا و شوي دخل الدكتور الي شافني آكل عشان يكلم الدكتور الثاني و سأل انتي ماكلة شي جان يرد عليه الدكتور هيه هيه انا شفتها تاكل… اويه يعني بقص عليك…. المهم قال كنا بنسويلج عملية الليلة بس المفروض تكونين صايمة أنا انصدمت قلتله خلاص انا بخير الحين بروح البيت هههههههههه تم يضحك و يقول لا بتمين عندنا و باجر بنسويلج سكان عشان نتاكد من الموضوع عقب بنتوكل ع الله و بنسويلج العملية…
أنا بعدني منصدمة ع بالي بروح المستشفى و بيطلع كل شي تمام و برد البيت بس صار العكس… :ss:
المهم صباح اليوم الثاني تقريبا ساعة 8 ودوني عشان السكان و لاحضوا ان بطني مملوء بدم مايعرفون شو سببه و عقب جهزوني حق غرفة العمليات و الحمدلله سوولي العملية و عقب بالليل ساعة 8 ياه الدكتور عشان يشرحلي شو كان فيا بالضبط
قال ان كان عندي كيس ع المبيض الايمن منفجر و ملأ بطني دم مما صعب العملية و الشي الثاني فوق كل هذا كان فيا الزائده الدوديه
جان اقوله يعني ضربت عصفورين بحجر خخخخخ متفيجة
المهم رواني صور العملية و قال كان مهم جدا اني اكون في المستشفى لان هالشي كان طبعا بيأثر ع حياتي …. الحمدلله ربي سلمني (a)
عشان يسحبون الدم كله كان في بيب طبي في بطني و خارج الى قمع طبي عشان يسحب الدم كله و عقب اليوم الثاني ياه الدكتور و قال لازم انطلع البيب و سحبه اففففففف كان يعور حييل (n)
اشيا كثير صابتني في هالايام كنت في المستشفى احيانا كنت اطيح يغمى علي و ما اقدر اتنفس يحطونلي اكسجين بس الحمد لله ع كل حال… عقب 3 ايام طلعت من المستشفى كنت اعاني ما اقدر انام عدل او امشي وايد 
المهم عقب شهر تخيلوا لقوا كيس ثاني ع المبيض نفسه افففففف تعبت نفسيا و حاليا من 4 اشهر اخذ حبوب ساعدتني ع تنظيم الدوره و تاريخ 14 هالشهر بروح حق سكان ثاني عشان اشوف اذاحجم الكيس صغر و اذا لا قالوا بسو عملية ثانية …. خل ألحق ع نفسي قبل لا ينفجر
لاحظت ان الم الدورة زادت من سويت العملية بس ان شاء الله خير
ادعولي يا بنات عروس
و نصيحتي لا تهملون عماركم و اذا حسيتوا بالم لا تكونون عنيدات مثلي روحوا المستشفى ترى الاحتياط واجب 😉
انزين بس ادعولي اكتبوا الله يشافيج او موفقة
اي شي لالالالالالالا جي انا بزعل
الحمد الله على سلامتك ياعسل
أجر وعافية ان شالله
خاتمة الشر عنك … وأن شالله تضبط كل امورك
لك(f)
أنا بعد فيني تكيس على المبيضين من سنتين ووزني زايد اضعاف اضعاف وزني الطبيعي وحالتي النفسيه زفت منه
بس الدكتوره عطتني اول شيء حبوب منع الحمل عشان تطيح التكيس او يصغر حجمه
ومااافاد معاااي
وعطتني حبوب ( المتفورمين) الكلوفاج حق مرضى السكر عشان يطيح التكيس وصار لي سنه كامله وانا اكله وماااافااد والحين صرت اقراء عند مطوعه وادهن بزيت مقري فيه وان شاء الله ينفع بالسبب ويشافيني ويشافيك ويشااافي جميع مرضى المسلمين….
يارب يارحمان يارحيم, ربنا الله الذي في السماء تقدس اسمك وامرك في السماء والارض ,كما رحمتك في السماء فجعل رحمتك في الارض ,واغفر لنا حوبنا وخطايانا , انت رب الطيبين,اللهم انزل رحمه من عندك وشفاء من شفائك على هذا الوجع *** ادعي هذا الدعاء وانتي حاطه يديك على منطقه الألم وان شاء الله يبراء…….
الله يوفقك ويسهل عليك أمورك يااااارب(f)(f)
شكرا ع الردود الحلوه حيل فرحتوني
و شكر خاص ل(عيوني لك) و الله يشافيج الغالية انا حاسه فيج و الله
الله يشافي الجميع يا رب
الله يشفي جميع مرضى المسلمين