الله يخليكم و يقضي جميع حوائجكم بجاه النبي محمد.
مشكلتي هي انو بنتي عمرها سنتين وما تحب تاكل , يعني اقعد الصبح اريد افطرها يادوب تاكل لقمة او لقمتين وما تقبل تكمل , حتى لدرجة افقد اعصابي بيها واتعارك معاها بس بدون فائدة.:down:
حتى وقت الغدا او العشا .
والمشكلة انها لو شكد ما عطيتها حليب بالعلب ما تقول لا , وخصوصا باليل
أتمنى احد يساعدني بحل طريقة اقنعا بالاكل .
واريد طريقة اخليها تترك شرب الحليب باليل لآني بديت تعليمها روحة الحمام وانتو الاعرف بالطفل من يشرب السوائل باليل والفيضانات الي تكتسح الحفاظة .
اتمنى انكم تجاوبوني وما تردوني , تراني متعشمة بيكم
🙂طلبتكم لا تردوني 😮
هذا شي عادي في الاطفال….حاولي تنوعيلها في الاكل…وشوفي ايش الشي اللي تاكله اكثر …كل الاطفال يحبو البطاطا بكل اشكالها
وبعدين لا تخافي لان كل الاطفال كده…وبالنسبه للحليب اعطيها 3 مرات باليوم ..اعرف انك بتتعبين بس لو استمريتي لمده اسبوع راح تتعود ان تاخد الحليب بكميه محدده في اليوم…وبالنسبه باليل اعطيها ماء اذا رفضت اعطيها كميه بسيطه من الحليب وكل يوم نقصيها..واذا ما مشي الحال اعطيها الحليب عادي بالنهار وباليل حطي فيه ملح:pain:
ادري اني شريره:o…بس هالحل راح يعطي نتيجه فعاله اسلي مجربه:cool2:
اتمنى اني افتدك حبيبتي….راح استنى ردك
واذا حبيت اي مساعده انا جاهزه:shy:
اختك روز
وان شاء الله اجرب طريقة الحليب , بس انتظر ردود البنات بالنسبة للآكل
المشكلة اني انوعلها , يجيها يوم تاكل ما شاء الله تمام و البعدها 30 يوم ما تاكل الا القليل القليل .
مشكورة مرة ثانية 🙂
وينكم بنات الله يخليكم 😮
حبيبتي لولو
هذا شئ عادي وطبيعي بين الأطفال
لكن أنبهك لاتظهرين أي أهتمام زائد بالأخص أمام الطفله لعدم رغبتها في الأكل خلي الأمر عادي لأنها راح تظن أن تصرفها سليم وتستمر على هذا الطبع … ولاتحاولين ترغمينها على تناول الطعام في حال عدم رغبتها لأنها في حال ماتشعر بالجوع راح تاكل.
وتأكدي أنها فترة وبتعدي أنشاء الله … وهذا لأنها في مرحلة فطام وياريت تنوعين لها بالطعام
ولو أستمر الأمر لفتره أطول أستشيري الطبيب لربما تعاني من أضطراب في الهضم لاسمح الله
مع تمنياتي لكِ ولطفلتكِ دوام الصحه
ولك مني كل التقدير والأحترام
مملكة القلوب
بس حتى لو ما تكون اكلة من الصبح حتى المسا تقول جوعانة بس من اريد اوكلها ما تقبل :down:
يا هلا و غلا فيك اختي العزيزه لولو 
اعذريني والله توني اشوف موضوعك :pain::o
لكن البنات ما قصروا ان شاء الله
و شوفي بنت خالي عندها نفس المشكله,, ما ترضى تاكل ابد.. لكن اول ما تشوف امها و لا ابوها او اي حد بياكل.. على طول تجلس جنبه و تاكل معاه !!
انتي جربي هالاسلوب معاها,, و الله كريم
بصراحه انا رضعت طفليا الاثنين لمده سنه وشهرين رضاعه طبيعيه وبعدها على طووول بديت اعيطهم الحليب بالجلسان البلاستيكيه
في بعض الجلسان تكون محكمه الاغلاق وفيها فتحه عريضه ابداي معاها بي هالنوعيه من الجلسان وبعدين شوي شوي تتعود تشرب بالجلاس العادي
ولما تتعود على شرب الحليب بالجلاس خلاص مستحيل تصحى بليل تبي حليب هي بتكتفي لحالها بشرب الحليب 3 مرات باليوم
اما بالاكل لاتجبرين الطفل على الاكل وحاولي تنوعين
على فكره انا جربت هالطريقه كنت احط شوكليت يم صحن الاكل واجول لهم الي يخلص ياكل الصحن كله اعطيه الشوكليته والله انهم يزلطونه زلط 
2 علشان يحصلون الشوكليت
واذا لاحظت انهم شدوا معاي احاول اعطيهم نتفه من الشوكليت اسكتهم ييها ( نتفه صغيره ) وبعدها كم لجمه اكل صحي
ترى كل طفل ليه مرحله وانا الي اعرفه انه الطفل لما يبدا جسمه يطول ينحف ويتوقف عن الاكل وبعدها يبداء الجسم يتوقف عن النمو طولا فتلاجين ترجع شهيته للاكل ويبداء يعرض
يعني طول = امتناع عن الاكل
عرض = ترجع الشهيه ليه
وبتلاحظين هالشي طول ماعيالج يكبرون من مرحله لمرحله
يمكن هي الحين في مرحله نمو طولي
كل الاطفال تقريبا بهذا السن ماياكلون ابد
لدرجه انه الواحد يعصب معاهم
في ها المواضيع وها الامور المفروض الواحد مايعصب لانه هذي طبيعة معظم الأطفال
انا ولد اخوي قريب يكمل 3سنوات ونفس مشكلة بنتك
تشوفينه طول اليوم مايرضى ياكل ابد و كان زين انه يقول مايبي ياكل الا يقعد يبكي عن جد كان واحد ضاربنه
تعالي شوفيه لما يشوف الشيبس ولا الشوكلا مايبطل منها الاكل العدل ولا يقرب جنبه
شوفي ها الحل اللي بقولك عليه يمكن يجيب نتيجه
احنا مجربينه مع ولد اخوي لما انا اكون في بيت اهلي واشوف زوجة اخوي
اعطيها بنتي اقول لها اكليها انتي اكيد ولدك بغار وبجي ياكل غصبا عنه
وصحيح ها الحل نفع معاه يعني السالفه صارت سالفه غيره وياكل
صرنا دايما نعمل معاه هالحركه وصار من يشوف بنتي عند امه يحط في باله انه بتاكلها ويجي ياكل
ترى مو بس غيره من بنتي يعني حتى لما يشوف امه تعطي ابوه اي شي هو يجي
انتي جربي ها الحل يمكن ينفع
انشاءالله ينفع
وبعدين راح تتعود من غير ماتشوف احد
اهم شي انها تاكل اللحين
وبشرينا بعدين :smile::smile:
مع اروع تحياتي
ام صبويه