الكل يسأل عن طريقة رز العزايم وسر النكهه اللي تميزه في المناسبات
هذي الكبسه شعبيه قديمه ومايسونها الابالبيوت يعني مستحيل أي مطعم يسويها
هذي النوع من الكبسات نسويها بحفلات الزواج وفي مجالس العزاء وفي مناسبات الأعياد وأكيد نسويها بطبخ الذبايح
كالعاده شرح مفصل وبالصور للطريقه
نغسل اللحم ونظفه زين ونحطه بقدر ونخليه على النار وكل ماطلعت الرغوه السوده نشيلها
بعدين نضيف عليه ليمون أسود وهيل ودارسين ومسمار ويكون حب ونتركه يطبخ
نقطع بصل واضيف عليه كمون ودارسين وهيل وكركم وكزبره ناشفه وبزار
الطريقة الصحيحه والقديمه الدارجه نفرك البصل والبهارات بيدنا
بس في ناس تستعمل المفرمه لانها اسهل
نضيف البصل على اللحم
ونتركه يكمل اللحم نضجه وبعدين نضيف الملح
نشيل اللحم ونحطه بصينيه الفرن
نشيل الليمون الأسود وأعصره واضيف عليه معجون طماطم وقليل من مرقه اللحم وبهارات مشكله
أتبل اللحم بالصلصه
وندخله الفرن وونشغل الشوايه من فوق عشان يحمر
هذي شكله بعد ماأحمر اللحم
نضيف الرز المغسول والمنقوع بالماي بعد ماصفيه
لازم يكون الماي مناسب للرز
يتبع……..
بعد مايشرب الرز المرق نوطي على النار ونصب عليه ماي ورد بمنقوع الزعفران وهذي سر النكهه العجيبه
صبينا الماي ورد
نرش قليل من بودرة الزعفران
ونحرك الرز بالملعقه يعني من فوق لفوق
ويطلع معانا هذي اللون العجيب
نفرم بصل ونحطه بقدر على النار عشان نسوي الحشوة ( الكشنه )
نتركه على النار لغايه مايميل لون قاع القدر الى البني
نرش عليه قليل من الماء ونحرك البصل عشان ياخذ اللون
بهذي الشكل ونكرر العمليه
بعد ماياخذ اللون المناسب ونصب عليه شويه زيت ونحركه على النار
نضيف الحمص المسلوق ( النخي ) نخلطهم مع بعض بهالشكل
نحضر البهارات كمون وكزبره وليمون أسود وهيل وكركم ودارسين وملح وبزار
نضيفهم على البصل والحمص
نضيف البيض والبطاطس المسلوقين ومقشرين في ناس تحب تقليها بالزيت بعد مايقشرونهم
أنا ماأفضل القلي يخلي البيض يصير مثل البلاستك
ونخلطهم وتعالي شمي الريحه تدووووووخ
وتحملي تسعبلين بالقدر هههههههه
هلحين نغرف الرز ونزينه بالكشنه واللحم المحمر
أيش رايكم ؟؟؟
شكله بصراحه وطعمه ايننننننننن
والريحه على قولتهم تهووووووووووس
وحياكم ترى مافي حيا على الأكل
يمي يمي
مشكورة ع النقل اختي….
يسلمووووووووو
بس هو ايه البزار ده ياقمر هو خليط توابل ولا نوع توابل اسمه كده وممكن لو خليط توابل تقولى لى مكوناته ايه بالضبطططططططط؟؟؟؟
تصدقين اتونس وأنا أسوي هذي الشغلات
أحسه إنجاز..
تستاهلين أحلى تقييم
مجهود جبار ورائع
تقبلي مرروري
جميل جدا
تسلمى يا قمر
يــــــارب أحـــمـــى مـــصـــر
( يارب أحمى زوجى وهون عليه سفره وأجمعنى بيه عن قريب يااااارب العالمين ووسع رزقه يا أرحم الراحمين )