كب كيك بالجبنة والبودنغ<< اول الغيث قطرة 2024.

لكن كنت افكر في فجر بعد ماخلصت قلت لعيونها
جربو وادعولي

ماصورت الخطوات ماتوقعت انزله فكرة طايرة جات المرات الجاية

اول حاجة الكيك :
اللي اخذت منها الطريقة كانت عاملة في صينية وحدة انا مااحب اقطع واحوس الكب كيك اسهل انا بس غيرت الصينية

المقادير:
4 بيضات
ثلاثة ارباع ك زيت
1 علبة روب "زبادي"
1 وربع ك سكر
2 ك طحين منخول
2 م ك بكنج بودر
م ك فانيليا
م دارسين(قرفة)
رشة ملح
2 م ك شوكولاته بودرة مره

البيض والسكر بعدين الفانيليا بعدين الزيت واللبن واخر شئ ننخل النواشف سواء ونضيفها
نحطها في الصينية انا كفت معايا صينيتين 24 حبة
تاخد في الفرن تقريبا 20 دقيقة او اقل شوي

خرجيها تبرد

ونجي لصوص الجبنة :
5 حبات جبنة كيري و2فنجان قهوة حليب نستلة << للامانة هي قالت علبة نستلة بس انا شفتها كثيرة بس براحتكم

هي صبتها على الكيك انا عشان كب كيك كنت اغطس راسه فييها واخليه مقلوب لين يوقف تنقيط وارصه في صحن بعدين تدخل الثلاجة ساعة كاملة

اخر شئ البودنج:
2 ملعقة زبدة انا استخدم المربعات الصغيرة فحطيت مربعين و2 ملعقة دقيق على النار نقلبها لحد مايصفر نرفعا على جنب نضيف لها 1 كاسة حليب 4 ملاعق سكر 3ملاعق كاكاو بودرة وملعقة فانيليا
نخلطها باليد لحد ماتتجانس ونرجعها على النار لحد ماتكثف زي البشاميل بعدين نرفعها ونقلبها بالملعقة عشان تبرد دقيقتين بعدين نفردها على الكيك بالملعقة

رجعيها الثلاجة دقايق بس
وبالهناء والعافية