اخباركم بنـاآت 😉
مثل ماوعدتكم اني بنزل موضوع الكريستالات والقلتر اليوم : )
وانشالله عاد يعجبكم الدرس .. واشووف تطبيقاتكم بعد
خبركم مافي شي ببلاش (a)
المهم فديتكم نبدا ..
أول شي نبدا بيد نظيفه ونجهز المناكير والاشيا اللي محتاجينها كلها جدامنا عالطاوله
وبعدين نبدا نحط اللون اللي نبيه بعنايه على كل الاظافر
اذا بتحطون لون غامج مب لازم نحط بيس شفاف قبل اللون .. لان الالوان الغامجه تجي قويه وماتحتاج بيس .. لكن لو كان اللون فاتح وفي نفس الوقت شفاف .. احسن نحط بيس في البدايه
ننطر لين ماينشف اللـون عدل عدل (i)
وبعدين نيجي للمهم ..
نجيب اللون الشفاف .. ونبدا نحطه على الظفر اللي بنحط عليه الكريستال
طبعاً قبلها لازم نكون محضرين الكريستالات والأداه اللي راح نستعملها في التثبيت ..
انا استعملت المبرد مال الاظافر .. تقدرون تستعملون اي شي ترتاحون له .. عود اسنان مثلاً او اي شي ثاني تشوفونه يأدي الغرض
الحين اشلون راح نلصق الكريستاله على الظفر ؟!
ناخذ المبرد اللي راح نستعمله في " إلتقاط " الكريستاله << ياعيني عاللغه
وناخذ شوي من المناكير الشفاف لانه راح يساعد ان الكريستاله تمسك في المبرد
نفس هالصوره
مثل مانتوا شايفين .. انا ما غرّقت المبرد في المناكير .. بس على الفرشاه من فووق يادوب بس حطيت المبرد عليها وشلته
واهني بنحطه عالكريستاله
وكاهي اهني لاصقه (6)
لازم اذكركم ان الظفر نكون تووونا حاطين عليه طبقه من الشفاف وللحين مااانشفت
ونجي نحط الكريستاله بالديزاين اللي نبيه … لازم يكون للحين مانشف عشان تلزق الكريستاله عالظفر
وعقب مانخلص وينشف كل شي … نحط طبقه مره ثانيه من الشفاف عشان الكريستالات ماتطيح
وفي الأخير هذا اللي طلع معاي
كل وحده تقدر تتفنن بالكريستالات على مزاجها وبالديزاين اللي تبيه وتدخل الوان بعد مب بس لون .. 
والحيــن دور الـــ Glitter
هاي القلتر
الحبه مالته مش صغيره كلش ..
هو غير عن القلتر الناعم اللي كنه بودره .. هاي احبه اكثر :15:
نحط اللون اللي نبيه على الأظافر كلها ..
وانا استعملت هاللون من ريفلون
<< حلت لي سالفة التصوير (a)
نفس الشي استعملت المبرد في تثبيت القلتر بس مافي داعي انه يلصق بالمناكير الشفاف ..
كل وحده تستعمل السانها وعلى طول بيلصق فيه القلتر لانه خفيف .. ترى المبرد جديد ماستعملته والله :$
المهم بعد ماينشف كاامل من اللون اللي حطيناه .. نبدا نحط طبقه من الشفاف على الظفر .. وبسررررعه قبل ماينشف نجيب المبرد ونحطه على حبة القلتر ونحطه بعدين على الظفر بالديزاين اللي نبيه
وعقب مانخلص نحط طبقه من الشفاف علشان يثبتون
وهاي الديزاين اللي سويته ^_*
وحلاته بعد لو عندكم اكسسوارات فيها كرستال وشي يبرق ويتلامع :tongue:
وخلص الدرس (f)
والله حابه اشوف تطبيقاتكم بنووتات واللي عندها افكار حلوه خل تضيفها وتورينا اياها شرايكم ؟ 
انشالله يكون شرحي واضح واي سؤال او خطوه مب واضحه اسألوا وابشرووا بعزكم
تشـــاووو
انآ احب احط الكرستآل وحده على كل ظفر ..
اآحس يصير توو مج
عآفآج
=)
.:.
وايد حلوة وسهلة
والف شكر،،،،،،
درس جميل جدا
فديتج
جميل جداً
شجعتيني أطبقه
عطاج ربي العافية
ما شاء الله رووووووووووووووووعة بس شغلانة يباله طولة بال
ربي يسعدك
بس عندي سؤاال
بس الركستالات اللي تقول عنها مخصصه للاظافر؟؟ ولا اي كرستالات حتى لو اللي يخص الملابس؟؟
ووين القااااه
موضوع رائع ماشاء الله عليك
شكرا