كل عام و انتوا بألف خير الله يعيده على الجميع بالصحة و السلامة…
جبت لكم طريقة معجنات غريبة شوي… لكنها لذيذة و هشة و خفيفة جداً…
ممكن تسوونها بدون حشوة، و تاكلونها مع الوجبة الرئيسية مدهونة بالزبدة…
و ممكن تحشونها بالشكولاته و الفواكه مثل ما أنا سويت…
الغرابة في هذي المعجنات إنه يدخل في مكوناتها بطاطس حلو…
سويتها حتى الآن 3 مرات و كل مرة أغير بالحشوات… و كلها حلوة…
أترككم مع المقادير و الطريقة…
بنحتاج:
حبة بطاطس حلو متوسطة… بنحتاج منها بعد السلق مقدار كوب كامل
كوب حليب سايل بحرارة الغرفة
نصف إصبع زبدة = 50 غ
2/1 4 كوب طحين
4/1 كوب سكر
1 ملعقة كبيرة خميرة
1 ملعقة صغيرة ملح
1 ملعقة صغيرة قرفة
4/1 ملعقة صغيرة زنجبيل بودرة
4/1 ملعقة صغيرة جوزة الطيب
أقل من ربع ملعقة صغيرة مسمار مطحون
بيضة
أول شي نسلق البطاطس…
بعد ما تستوي نقشرها و نضيف لها كوب الحليب و الزبدة…
و نهرسها لحد ما تذوب الزبدة و يختلطون مع بعض…
الحين نرفع مقدار كوب من الطحين و نخليه على جنب… و نخلط الباقي مع بقية المواد الجافة…
نضيف للمواد الجافة خليط البطاطس و الحليب مع البيضة…
نخلط لحد ما تندمج كل المقادير مع بعض، و نشوف إذا العجينة تلزق باليد، نزيد لها طحين من مقدار الكوب اللي رفعناه… لكن انتبهوا العجينة لازم تكون طرية كثير مو ناشفة… يعني إذا حسيتوا إنها اكتفت، خلاص لا تضيفون باقي مقدار الطحين…
نشيل العجينة من العجانة و نعجنها بيدنا على الكاونتر لحد ما تصير ناعمة…
نتركها تخمر في مكان دافي من نصف ساعة إلى ساعة…
نجهز الحشوة اللي نبيها… أنا حشيت شي بموز و كاكاو جالكسي، و شي كاكاو سادة، و شي خليته فاضي… و تقدرون تحشونها مربى تفاح أو أناناس، انتوا و ذوقكم…
بعد ما تخمر العجينة، نقسمها 4 أقسام متساوية… نرق كل قسم على شكل دائري كبير، و لازم ما تكون العجينة رقيقة كثير، يعني نرقها بنفس سمك عجينة الفطاير… و ندهنها بزبدة لينة بعدين نقسمها مثلثات متساوية و نوزع عليها الحشوة…
نلف المعجنات مثل الفطاير العادية أو الكروسان، و نصفهم بصينية مدهونة و ندهن الوجه بعد بالزبدة، و نغطيهم بفوطة مطبخ و نتركهم يرتاحون مرة ثانية لمدة 20 دقيقة، و في هالوقت نحمي الفرن على حرارة 375 فهرنهايت = 190 مئوية…
و هذي شكل المعجنات في الصينية بعد ما ارتاحوا…
ندخلهم الفرن على الرف اللي في الوسط لمدة 12 دقيقة بالضبط!
و هذا شكلهم الجميل بعد ما طلعتهم من الفرن…
و هذا شكلها من داخل…
صدقوني الكل بيعجبه طعمها و هشاشتها…
و عليكم بالعافية مقدماً F:
يشرفني اكون اول الواصلين
والله ماشاء الله كروسانات بتشهي
ومنظرها مره حلو
تسلم يديك
انا اليوم بجرب المولتن وان شاء الله يطلع تمام
تسلم الايادي ياام راشد
ربي يحفظك ويخليك
ماشاء الله مبدعة
شكله يمي يمي
يعطيج العافية
ماشاء الله شكله روووعة
بس كيف طعم الموز وهو مطبوخ ؟؟
يعطيك الف عافية تستاهلي التقييم
انتوا الأروع بطلتكم الحلوة F:
 |
اقتباس |  |
 |
المشاركة الأساسية كتبها مِيَاا الشٌقيَة  |
 |
 |
| ماشاء الله شكله روووعة بس كيف طعم الموز وهو مطبوخ ؟؟ يعطيك الف عافية تستاهلي التقييم |
||
 |
 |
يا هلا و الله… وحشتينا يا عسل 
طعم الموز لذييييذ
شكلج و لا مرة جربتي كريب الموز و الموز المقلي
جربيه و إن شاء الله بيعجبج F:
ماشاء الله
هني وعافية على قلوبكم
شكله لذيذ
بس مابحب الموز مطبوح ومابعرف كيف يكون مذاقه
بس دام قلتي حلو يعني حلو ههههههه
يسلمو
الله يعطيكي العافيه حبيبتي
وكل عيد وانتي بالف خير