بدش في الموضوع
انا جربت انواع كثيرة من كريمات الاساس بس مثل هالنوع الجديد والمتميز ما لقيت
كريم أساس ماركة
Maybelline
مميزاته كالتالي :
1- علبته صغيرة وشكلة من داخل مثل موووس الشوكولا بس طبعاً بألوان كريم الأساس ( وفي منه درجه بياض حلوة على ودري )
2- تغطيته للبشرة جداً رائعة وطبيعية من أول ما تحطينه يغطي جميع العيوب
3- مايحتاج تحطين باودر بعده لأنه موب دهني ولا جاف على البشره من أول ما تحطينه على طول يختفي ما تحسينه دهني ولا هو جاف
4- يناسب كل انواع البشرة
5- المكياج فوقه وايد حلو وجذاب
6- جربته في وقت الحر يعني حطيته ورحت أسوي رياضة قلت بشوفه إذا بيسيح ولا لا ،، صدقوني مع إني كنت عرقانه من الرطوبة وشدة الرياضة بس ظل الكريم على ويهي طبيعي وتمت تغطيته للبشرة مثل ماهي
وعلى فكرة ترى الشركة مسوية على عروضات وإذا شافوا عليه إقبال بيزيدون سعره
انا اشتريته من لايف ستايل بـ 53 درهم والي اشتريت من عندها قالتلي تراهم بيزيدون السعر دبل لأنهم لاحظوا عليه إقبال واايد
المشكلة ما أعرف أنزل صور ولا بحثت عنه ياليت الي تقدر اطلع صورته تراوينا
جربوه وبتعرفون إنه صدق روووووووووووعة
تحياتي
شفته ف مجلة من فترة و قلت بسير اشتريه و من شوي طرا على بالي
و الحين شفت موضوعج و شجعتيني زيادة
ان شاء الله عقب المغرب بسير لايف ستايل اشتريه …………. اذا لقيت الدريول فاضي يوديني
عموما اهو حلو بس ساعات احس ان بشرتي تدهن تحته مادري ليش
واحس اللون اللي اخترته مو حلو لكن اذا اخترت اللون الثاني باتاكد اذا زين والا لا
ودام بيغلونه باروح اشتري لي واحد باسرع وقت 
تحياتي لج
حياج الله الغالية ،، وجربيه واحكمي ورديلي خبر عشان البنات يستفيدون بعد من التجارب
وردة_العشرين
اسمج حلو الغالية عساج دوم وردة
وترى حبيبتي لازم تاخذين الي يناسب بشرتج لأنه المكياج مايظهر حلو إلا بحلات الكريم أساس ،، وإنشالله بتضبط وياج هالمرة
هو هذا بالضبط
مشكورة ريحتيني ،، وانا بعد فشلة ما أعرف أنزل صور
يعطيج العافية
ومبين على وصفج انة الكريم حلو
وانشاللة رااح اجربة 
إشحالج أختي العزيزة…… بنت_الشارقة؟؟؟؟؟
أتوقع إن هالكريم الأساس وايد حلو وأختي قالت أنه حلو هي جربته بس بعدني ماجربته……….
بحاول اني أسير اللايف ستايل و بشتري منه وبخبرج عنه……….
حاولت انزلج الصور يارب عاد الصور تنزل……..
ومشكوووورة يالغالية…………
شرفتي الموضوع الغالية
وإنشالله تجربينه ويعجبج وتخبرينا عن النتايج
مشكورة الغالية على مرورج
وفعلا الكريم يستحق التجربة وبيفكج من صدعة كريمات الاساس والباودر
وخبرينا تجربتج
وعلى فكرة ترى اتا اخذته من صوبكم ،، اللايف ستايل الي في النادي السياحي وشفت عليه إقبال كبير من البنات والحريم حتى في وحدة كانت موجودة وخذت ثلاث علب من هالكريم
تقولين اسكريم