انا جربت كم كريم لازالة التشققات بس ماشي فايد منهم….هالمره خذت كريم زبدة الكاكاو اسمه(بالمرز) (Palmer’s)بتحصلونه في الجمعيات وفي كارفور….والله لاحظت الفرق وكان الفرق واضح واايد يعني اختفت التشققات بنسبة 80% ….صارلي شهر استخدمه من بداية رمضان والحين جريب بيخلص وبعد بشتري لين تختفي التشققات 100% …احطه فليل قبل ما ارقد…او اي وقت تقدرين تحطينه بس لازم يتم وايد على الاقل..احطه على الركب والارداف حتى حسيت انه يفتح الجسم بعد….وعن ريحته لاتحاتون..ريحته شوكولاته واايد حلوه
جربوه وانشالله تستفيدون مثل ما استفدت
🙂
السلام عليكم ورحمة الله وبركاته
تسلمين عمري..
على المشاركة الرائعة
وان شاءالله الكل يستفيد منها ..
ربي يعطيكِ العافية وبانتظار المزيد ..
تقبلي تحياتي
ام عدول
هو نفسه اللي في ذبدي شوووب والا غيييير؟؟؟
نور الدوحه….. 🙂
أم حميد…الله يسلمج حبوبه 🙂
ssa ……….هلا حبوبه…هيه هو غير عن اللي في بودي شوب لانه ماعليه علامته..هي من شركة بالمرز وتحصلينه في الجمعيات والسوبرماركت..بتحصلينه صوب الكريمات..علبته دائريه بيضه وعليه مكتوب كريم زبدة الكاكاو واسم الشركة بالعربي والانجليزي
🙂
يرطب البشرة بشكل عميق وريحته تعيبني وااايد
واللي تشققاتهم حمراء يزيلها نهائيا :clap: :clap:
عزيزتي Girl.. مشكووووووره على هالافاده ويزاج الله خير..
بس حبيبتي هل هو ينفع لتشققات الحامل؟
وخبريني بالتفصيل كيف تستخدمينه وكم بالضبط خذى عنج عشان النتايج..
اللؤلؤ المنثور…… العفووووووو 🙂
أم سعيده ………. وعليكم السلام اختي .. اكيد بيشل تشققات الحمل لانها نفس التشققات اللي تظهر في زيادة الوزن….انا زاد وزني 5 كيلو في اسبوع عشان جيه ظهرت لي بس بعد كان فيني تشققات من زمان ..احس التشققات اليديده خفو بسرعه عن الجديمه… احطيه فليل وافركه بشكل دائري عشان تمتصه البشره زين وعادي عقب اذا حبيتي تغسلينه الصبح او اي وقت…احطه يوميا…بديت فيه قبل رمضان بكم يوم وللحين استمر عليه وهذي العلبه الثانيه الحين ….تقريبا من ثاني اسبوع حسيت الخطوط تغيرت شوي وبعد احس جسمي اتفتح بعد…بس مادري اذا يختلف من جسم لاخر لين تظهر النتيجه 🙂