يعني لما تخف الحبة يتم لها اثر او بقعه بنية اريد شي يزيل الاثر
رحت لعند ثلاثه دكاتره على مراحل البقع البنيه تروح لفترة وترجع
وصديقتي راحت لدكتور ولا اكو فايده اختي على حسب البشره تقدر تتجاوب مع الادويه
الله يعينا
 |
اقتباس |  |
 |
المشاركة الأساسية كتبها أم عبد الرحمن  |
 |
 |
| الله يعينا فديت اماراتي
رحت لعند ثلاثه دكاتره على مراحل البقع البنيه تروح لفترة وترجع وصديقتي راحت لدكتور ولا اكو فايده اختي على حسب البشره تقدر تتجاوب مع الادويه الله يعينا |
||
 |
 |
مشكورة اختي ام عبدالرحمن على ردج
بس ماتعرفين شي على الاقل يخفف من آثارها
انــا وحده تعبت وايد من هالشي … واحسن شي صار لي لما استخدمت مقشرات ابوجاي … وحبوب ريكوتين
بس خلاص مليت .. وقطعت ,,, ولما تجي الدورة تخرب لي كل شي
هلا اختي
انا بعد نفس مشكلتكم بقولج كل السالفة عشان تعرفين عدل
انا كان بويهي من سنين حبوب كثيرة كثيرة فعلا
ما خليت شي ما استخدمته بس طبعا كان طبيعي عشان ما يضر بشرتي وما كان يفيدني يمكن كان شوي يخفف الحبوب بس ما روح الحبوب عني ويمكن بعد لاني ما استمر عليه اكثر من شهر او شهرين
لين اخر شي بعد ما مليت الوالد جاب لي كريم وصابونة واسم الكريم كريم روز والصابونة صابونة روز وسعرهم مو اكثر عن 15 استخدمته سنة او اكثر لاني قلت هذا اخر شي استخدمه وما بستخدم بعده شي
المهم استخدمته سنة او اكثر كل يوم وتصبرت
والحمدلله خفت الحبوب كثير عن ويهي حتى اللي يشوفني من بعيد ما يقول كان بويهي حبوب
بس بقت لي اثارها شوي وشوي نفس حفر صوب خدي عند الخشم ومسامات مفتوحة
تذكرت الليمون واعرف انه يسد المسام وزين للبشرة وعلى فكرة انا ويهي يتحسس من الليمون
المهم كنت اعصر ليمونة بصحن واجيب قطنة واغمسها بعصير الليمونة وامسح بها وجهي واخليه ربع ساعة بعدين اغسله بماء دافي
وكنت اسويه تقريبا 3 مرات بالاسبوع
والحمدلله احس بشرتي تحسنت عن اول والمسامات انغلقت عندي صحيح مو كلها بس اكثرها
لكن الحفر والاثار يعني ما راحت
لكن الحين شو سويت اجيب نص ليمونة وادعك بها وجهي كله لما يصير احمر وبعدين اجيب ماي ورد اغسل به وجهي
وبعدين اجيب عسل+ قرفة مخلوطين مع بعض واحطه على ويهي مدة ساعة او اكثر وبعدين اغسله عادي
واحيان بعده احط زيت اللوز بشكل خفيف جداا عشان الليمون ما يسبب لي جفاف بس مو دايما بعد القناع استخدم زيت اللوز يعني احيانا
والحمدلله احس بشرتي اكثر تحسنت يعني كان بخدي الايسر نفس دائرة حمرة من الاثار والحفر للحبوب والله الحين احس انها اختفت او على الاقل خفت كثير
وانا اسوي هالقناع 3 مرات بالاسبوع
وبشرتي دهنية فيها شوية حبوب واثارها
ادري طولت بس حبيت اقولج كل شي بالتفصيل عشان لا يكون عندج استفسار وتنتظريني وانا اطول عليج
وبعد بقولج اني راح اجرب اسلق بطاطا وبعدين اهرسها واخلطها مع العسل واحطها على ويهي في وحدة من الاخوات تقول زين للحبوب واثارها
الله يعينج اختي ويشفيج
جربي اتقشرين بشرتك مرتين بالاسوع للتخلص من الجلد الميت ولتحريك الدوره الدمويه بالبشره
جربي منتوجات LIERAC وتلقين منتوجاتهم بالصيدليات الكبيره
فـ استمري على الخلطة اختي وان شاءالله يروحون 
جربيهم و ان شاء الله ما بتندمين