هذا اول موضوع لي بمنتدى التجارب
جاتني افكار وان شاء الله تفيدكم
وتراه اجتهاد شخصي
واللي بتنقله تذكر اسمي والمنتدى
لا تنصوني من صالح دعائكم
وهالله هالله بالتشجيع 
نبتدي
ممكن الوحده تنسى مرات وتروح عن بالها شغلات بسيطه لو تسويهم تفرح القلب وتبعد الملل وتكسر الروتين
اولا .. الصحون
حاولي كل فتره انج تغيرين في الصحون خصوصا انكم بتاكلون فيهم يوميا 3 مرات ويمكن اكثر يعني التجديد مطلوب
وحاولي لما بتشترين طقم جديد انج تختارين الوان قوية مختلفة
مثلا لو كان طقمك القديم الوانه الابيض والبيج
لما بتشرين اختاري الوان غير بالمرة
مثلا الاحمر او البرتقالي
لان لو اخترتي مثلا لون مقارب .. ممكن الزوج مايلاحظ وتنحبطين
طبعا الوحده منا تبي زوجها يلاحظ من نفسه ويمدحها .. افضل
عشان جذي حبيت الفت نظركم لهالنقطه .. لان بجد بعض الرجال ما يلاحظون الاشيا البسيطة
انواع الاكل
غيري في السلطات ..
والشوربات اذا تحبونهم
والعصاير الطبيعيه كل مره نوع ..
وخلي ثيم للوجبة للتغيير .. مثلا:
مره كل الوجبه الستايل الهندي << اشياء سبايسي ومرق وارز …
ومره صيني << معروفين الاكلات الصينيه
ومره ايطالي << المكرونه او اللازانيا انواع البيتزا ….
ومره لبناني << مشويات الحمص التبوله كبة …
ومره وجبات سريعه << همبرجر .. دجاج فيلية .. بطاطا مقليه …
وهكذا
وحاولي مرات بدل ماتخلين الاكل بصحن كبير والكل يحط له منه
انج ترتبين الاكل بالصحن وتزينينه مثل المطاعم
بس بشرط السرعه عشان الاكل مايبرد
طبعا مو كل يوم هالسوالف .. انتي بتتعبين ..
وزوجج بيتملل وبيصير عنده شي عادي مافيه تغيير
للسهره .. والتلفزيون
افكار .. جاتني وانا اقرا موضوع لاخت لنا بهالمنتدى
* فشار .. عادي اوسويت
* مكسرات انواع واشكال
* فواكه مقطعين بطريقه حلوة
بس يفضل ان يكونون نوعين مو اكثر
عشان مره ثانيه اذا بغيتي تحطين انواع غيرهم تكون الخيارات موجوده
ومو كل يوم نفس الانواع .. تمل النفس
* ويصير لو كان موسم الفراوله مثلا ان تجهزينهم من قبل . تغمسينهم بجوكلت وتحطينهم بطبق حلو ولما تقعدون مع بعض اتييبينه .. شكله بروحه واااااو
* حتى انواع الجبس .. او البطاطس المقلية الجاهزه اشكالهم وطعمهم حلو
* البسكويتات .. انواع لا تحصى
ممكن تسوين حركه للبسكوت .. انج تجهزين غموس من الجوكلت .. او قشطة فيها الطعم اللي تحبينه
ممكن برتقال او فستق .. او فراوله .. يعني تشوفين بالنت انواع الغموسات وتحاولين تغيرين
* او تجيبين انواع الحلاو الجاهز مثل M&M
او الكاكاو .. مثل مالتيزرز
وتحطينه بوعاء دائري شكله حلو
* ممكن قطعة كيك تزينينها بنفسج .. او حتى جاهزة
اهم شي بالموضوع ان ماتفصلين الاكل وكل واحد له صحنه
عشان تقعدون مع بعض بجانب بعض وتتدلعين عليه
وممكن تدلعينه وتأكلينه
وعشان تتلامس اياديكم كل ما بتاخذون قطعه وتتقارب النفوس اكثر
الاكواب ..
اللي تحب الكوفي وزوجها بعد
او الشاي والاشياء الساخنه ..
وحاملينه معاهم
امام التلفزيون
عند الانترنت
في الصبح
في الليل
لااازم كل فتره تغير بالكوب
وتراهم مايكلفون شي بكل مكان
والاسعار تتفاوت
وفي اشكال حلووووة في هوم سنتر وهوم ستور واسعارهم معقوله جدا جدا
اتمنى تستفيدون من الافكار المتواضعه .. وتشجعوني
وان شاء الله اضفت لكم شي جديد
كل الحب
،،
،،
،،
،،
،،
،،
،،
اللهم ارزقني وكل بنوته الزوج الصالح .. عاجل غير اجل
عاااااااد قولــــــوا آميــــــن
اختكم الصغنونـــــــــه
أنا الغـــلا
.
.
مـشكـورهـ عـالموظـوع, ولـا هـنتي,,
.
والـله يـرزق الـيمـيع الـزوج الـصالح..!
.
.
اللهم امين
اشكر لج ردج الحلو
نورتي فديتج
اشكرج على مرورج
ويارب استفدتي
ما شاء الله عليش
الله يرزقش الزوج الصالح وكل العازابات ان شاء الله
موضوع يجن ل ذوق وترتيب وافكار بسيطه بس مثل ما قلتي تغيب عن البال
عواااافي حبيبتي
*
*
مشكورة
تــســلم أيــدج على هالــموضوع الــرائــع…….
والله يــعــطــيــج الــعــافــيــة ….
في أنــتــظــار أبـــداعـــاتـــــــــك الـــقــادمـــــة……….
والله يرزقك ويرزق من يريد الزوج الصالح
وعن الاكوب لاتوصين حريص امموت على الاكواب لازم اذا رحت مكان في قسم خاص للكوب اوقف واقعد اختار وماامشي الا وفي يدي وحدة
حتى زوجي يقول المطبخ بيصير كلة كوب
