السلام عليكم 
شخباركم بنات ان شاء الله تمام؟؟
بدش في الموضوع ع طووول
طبعا انا تعلمت طبخه مغربيه من ام زوجي ما شاء الله وايد احبها ولذيذه..:thumbs_up:
المقادير:
لحم مفرووم
بصل
طماط
حشيش
فلفل اخضر بارد
بهارات مخلووطه
واضافه كمون اذا ماكان موجود مع البهارات
ثوم وزنجبيل مدقوق
طماط سوس
وطبعا ملح
1- ناخذ اللحم المفرووم ونضيف عليه البصل والحشيش والبهارات والكمون والملح ونخلطهم مع بعض نسويهم كأنهم عجينه وناخذ كميه قليله ونكورهم ولين نخلص كل الكميه نبتدي الطبخ..
2- ناخذ الطاجين في البدايه مانحطه ع الفرن لازم نخلي الفرن شغال وتصيده الحراره تدريجيا عشان ماينكسر
3-لما حسينا الطاجين سخن شويه نحطه ع الفرن ونحط زيت قليل ونضيف له الطماط طبعا كل شي مقطع..
4- نضيف ع الطماط الفلفل الاخضر البارد مع الزنجبيل والثوم المدقوق طبعا هذي قليل كلش مقدار ملعقه شاي صغيره..
5- نضيف عليهم اللحم ونسكر الطاجين ونخليه يطبخ وكل شوي نمر نشوفه استوى اللحو والا لا ؟؟ وبعدها نحط مع اللحم وهو يطبخ طماط سوس وطبعا نقلب في اللحم واذا شفنا استوى السوس وايد ناشف انزيد شويه مااااي..
هذي صوره الطاجين واللحم يطبخ داخله
وهذا هو شكل الطبخه النهائي
وهذا هو شكل الطبخه النهائي
F:وبالصحه والعافيهF:
الطبخه سهله وايد ولذيذه وماتاخذ وقت وايد ولا فيها شغل وايد:!!:
:$:اتمنى انها عجبتكم واذا استاهل التقيم قيموني جزاكم الله خير..:$:
اختكم
:adore:الحبُ الكبير:adore:
و عليكم السلام و رحمة الله و بركاته…
تسلم إيدج عالأكلة اللذيذة…
تشبه داوود باشا بس الفرق في الطاجن
عساج عالقوة و عوافي إن شاء الله F:
يعطيج العافية الحب الكبير أن شاء الله أجربها
شكلها شهي
أنا قيمتك تستأهلي التقييييم
Daisy Ash
ام الادهم
تسلمون حبيباتي ع المرور وربي يعطيكم الف عافيه
تسلم ايدك
شكلها شهي رووووعه يعطيك العافيه
الله يسلمكم مروركم الاروع فديتكم
عجبتني كثير
وعجبتني بعد جملة نحط البصل والحشيش هههههههههه
تسلم ايديك ويعطيك الف عافية
تسلم الايادي يا قمر اكله لذيذه
انا بعملها وبنسميها كفته يالصلصه
والله يعطيكي العافيه
انا بعملها وبنسميها كفته يالصلصه
والله يعطيكي العافيه