السلام عليكم أمهات
شخباركم
(f)
شو الأفضل برايج الحمل ورى بعض ولاا التأخير شوي ؟ قصدي كم سنة يكون الفرق بين العيال ؟
شو الأسهل والأفضل بالنسبه لج ولعيالج ؟
والله يسهل عالجميع إن شاء الله
انا الصراحه … أأيد فكرة الحمل اللي تكون ورى بعض .. وفي الاول والاخير طبعا هذا الشي بيد رب العالمين .. والنعم بالله عزوجل … امممم ما ادري في بالي مقوله يعني ها راي وحده من ربيعاتي قالت لي انه انييب عيال قبل سن الثلاثين احسن لنا هم نربيهم مع بعض ونتعب وياهم مرة وحده والصرف والمدارس والمذاكرة مرة وحده وما يكون بينهم فرق كبير … لانه احس الحمل اشويه يختلف بعد الثلاثين .. ما ادري بس يمكن الحرمه تتعب اكثر ومسئولياتها بتزيد .. وسبحان الله احس الطاقه عندها يمكن اشوي تقل .. فانا والعياذ بالله من هاي الكلمه أأيد فكرة الحمل عل الاقل بين الياهل والثاني سنه ونص او سنتين … وانا ودي احمل ان شاء الله ما ادري متى وغير هذا متحمسه مرة ومتكاسله مرة وريلي يقول بعدنا واللي يخليني اشوي اتراجع انه الريال شاااااااااااايل ايييده من كل شي … ما يساعد واااايد وخصوصا في الفترة الاولى يبا ينام على راحته يطلع يتمشى ما يبا حد يعكر مزاجه يعني …
الله يحفظ عيالنا ويكتب لهم الخير ان شاء الله وين ما كانوا …. ويرزقنا بالذرية الصالحه يا رب
انا أقول ان الوحده تحمل اذا ولدها كمل سنه ونص او سنتين حلوو الفرق جذي بالعكس التعب يكون مره وحده ويتربون مع بعض وعقب الام ترتاح لما يكبرون ويعتمدون على روحهم مو واحد يكبر واهي ترد تحمل من جديد يعني التعبب يتكرر
اختي ساره انا اشوف بالعكس ناس يحملون ورى بعض يبينون اصغر من عمرهم انتي يمكن تقصدين الي يحملون على عيالهم وهم توهم جم شهر هذا يسبب ضغط
بصراحه بعض الجزئيات صح يعني ورى بعض والتعب واحد صح وبعد إن التأثير يكون على الأم بشكل أكبر هم هذا صح يعني بصراحه الجهال ماخذين كل الوقت وخاصة إن ولادتي الثانية توأم يعني تخيلي عندي 3 رضع في البيت جدا جدا صعب والحين قريب يكملون سنه وخف التعب شوي لازالوا معتمدين على في كل شي 
من رايي الفرق يكون ثلاث سنوات حلو على الأقل الأكبر يشيل روحه شوي والوحده تهتم في روحها بصراحه حتى لو لبست وإهتميت الكل يقول لي وجهش شاحب وضعفانه :confused: يعني يبين في ملامح الوحده <<< عجزوني :confused:
لان هذا حق الطفل والام في نفس الوقت وهو التباعد في الولادات
حتى ياخد الطفل حقه والام بعد ترتاح اشوي
وفعلا الحمال ورى بعض يتعب الأم وايد وخاصة إذا كانت موظفة … الله ايعينا جميعاً …
ساره
روز
عروس ديرتي
حوا
آت تري
بسمة أطفالي
نور الدنيا
هلا وغلا فيييييييكم يالغاليات
الله يحفظ عياااالكم من كل شر ويرزقكم الذريه الصالحه يااااااااااارب
خير الأمور الوسط … لا ورى بعض ولا الفرق يكون كبيييير
عشان الأم ترتاح شوي والياهل يآخذ حقه من الإهتمام والرعاية والرضاعه وإلخ
بس طبعا كل وحده حسب ظروفها غير عن الثانيه اللي عندها حد يساعدها واللي ما عندها واللي تشتغل واللي ما تشتغل ووووووو أسباب كثيره
أنا إن شاء الله تعالى بحاول أحمل بعد سنة و8 شهور من ولادة طفلي هذا إذا ما غيرت راي بعد ما أيبه ههههههههههه
والله يوفق الجميع إن شاء الله ويسهل علينا تربيتهم تربيه صالحه ياااااااارب
