كريولان
ماركه ألمانيه مصممه للمكياج المسرحي والسينمائي
ومسئوله عن التغطيات العاليه والمناسبه لاجواء السينمات والاضاءات العاليه بالمسارح وللاستعمال مده طويله تتجاوز ال12 ساعه وتتحمل الاضاءات والكشافات العاليه الي تتجاوز احيانا ال1000 واط
بشرط تجديدها كل 4 ساعات تقريبا لو عن طريق البودره السائبه
فهي ابداا مو للاستعمال اليومي
لانها ثقيلة وتغطيتها سميكه نوعاا ما
فيقمت البشره ويخنقها وبالتالي بشرتج بتقولج
هوا هوا بدي هواا<<<ياملح البنت الي تطلع وياهم بالدعاايه ام شعر يهفهف
>>>داااشه عرض
خلونا ناخذكم بجوله تفصيليه تحليليه في اهم منتجات الكفرنج والتغطيات من كريولاين
انواعها
السوبر كلر supracolor
1/165130076.jpg[/img]
الي بالنص مدور وعليه كتابه حمراءوهيئته كريميه مدور مضغوط
وهذا يستعمل بالاسفنجه النديه ويوزع عدل
مميزاته تغطيته عاليه جدااا يفرد بصوره اسرع نسبيا من الفيتا كلر يسمح للبشره بالتنفس اكثر من الفيتا كلر اقتصادي العبوة تكفيج مده طويله
سلبياته ممكن يتكتل اذا ماتوزع عدل ويطلع قشور للبشره الجافه اذا ماترطبت عدل
يحتاج للتجديد كل 4 الى 5 ساعات وتمتصه البشره
الفيتا كلر
عباره عن عصار على هيئه معجون<<<عنبر اخو بلال
الميكاب فيكس من كريولاين
Fixier Spray
بصراحه نسبه الكحول فيه عاليه جدااااا وممكن تتعب خلايا البشره بالاخص الحساسه وممكن تسبب التهابات للاغشيه المخاطيه خاصه لاصحاب الربو فضروري ينرش وانتي موقفه عمليه التنفس ومغمضه<- – اكييد بعد!!
وشي ثاني هذا بالذات يضمن لج ثبات عالي ولمعه بلاستيكيه فماينرش الا بعد ماااتخلصين المكيااب كله لانه ان نشف صعب جداا تقدرين تعدلين عليه
بعض البشرات ممكن يتكسر عليهم ويسبب تشققات بطبقه الفاونديشن لانه يتفاعل معاه وينشفه
وهو مصمم للتصوير والكاميرات
Ultra Setting Spray
نسبه الكحول فيه اخف من الكريولاين فكس ويعد مريح نوعا ما للبشره من الاول مصمم للسهرات ويعطي تأثير مات (مطفي )
وعلشان تحصلين نتيجه افضل استعملي معاه الانتي شاين باودر من كريولاين
Anti-Shine Powder
ومن ابرز عيوبه انه مو رذاذ لا عباره عن سبراي سائل ممكن انه يبقع على المكياج الاول افضل منه بهالنقطه لولا سالفه تركيز الكحول القويه
بالمناسبه الانتي شاين بودره راائعه جدااا جداا وايد حلوه ومضاده للتعرق ايضا فانصح ذوات البشره الدهنيه والمسرفه بالتعرق انها تقتينيها مميزه جدااا
الديرما DERMACOLOR FIXING SPRAY …
حلوو وخفيف وثباته يعجبني جداا وايد اخف والطف حتى على خلايا البشره من الكريولاين فكس
وعن نفسي احبه اكثر من كريولاين لخفته
وهاذي صور متفرقة من الماركة بعضها قديم جددوا في شكل العلب بس …………
(y)
وسلامتكم
بس ما أذكر بصراحة وين بالضبط شفتها
مشكورة حبيبتي ع الموضوع المفيد والنصائح
تسلمي
