(¯`v´¯)
`·.¸.·´
¸.·´¸.·¨) ¸.·¨)
(¸.·´ (¸.·´ (¸.·¨¯` ♥♥♥
طبعا باين من العنوان كل واحده بتعرف او مش بتعرف تطبخ تخش تقول اكتر اكله بتعملها حلو حتى لو اكله واحده تحط المقدير طبعا والطريقه بالتفصيل الممل ولو فى سر مميز فيها تقوله طبعا مش تبخل علشان ندعيلها فى احلا من كدا وياسلام لو جيه فى بالها وهى بتعملها تصورلنا المكونات او شكلها النهائى تبقا جميله عشان تفتح نفسنا ننفذها بس اهم حاجه المقادير والطريقه خطوه خطوه
وطبعا الناس الخبره تراعى الناس المبتدأين فى الدقه يعنى نار هاديه نار عاليه كدا يعنى هههههههههههه
وكمان عشان نفيد بعض وطبعا كل اكيد هنستفيد خصوصا الجداد فى الجواز هيستفادو من الخبره والعكس وايه بقا الى عاوزة اى استفسار من التانيه بعد ما تقرا اكلتها واستفسارها فيه تخده اقتباس وتكتب سؤالها تحته فهمنى عشان ايه الكل يستفيد هنطبخ مش هنعمل سلطه
يلا عاوزة تفاعل عشان نبقا ستات بيوت وهبدأ اكتب بعدكم ان شاء الله
يلا
3
2
1
نبدأ
( بسم الله الرحمن الرحيم )
سلام
لا اله الا الله سيدنا محمد رسو الله
وياريت خبيرات الطبخ يشرفونا هنا
السلطه الخضرااا
طبعا خضار الموسم اى خضار وطماطم وبصل وجزر واى نوع خضار تحبوه وفى ناس تحط بقدونس وجرجير وناس لا
اول حاجه هقولها اما نعمل السلطه ونقطعها ما نحطش عليها ليمون او ملح الا عند التقديم عشان الخضار ما يدبلش
(¯`v´¯)
`·.¸.·´
¸.·´¸.·¨) ¸.·¨)
(¸.·´ (¸.·´ (¸.·¨¯` ♥♥♥
ان شاء الله يا كاونوفا
بسم الله الرحمن الرحيم
لازم كلنا نسمى قبل كل وصفه عشان ربنا يكرمنا
ان شاء الله
هقول طريقتى فى عمل الارز المصرى
بحط الكسروله على النار لحد ما تسخن شويه وبعدين احط الزيت
وتقريبا معلقتين زيت لكل 2 مج ارز مالينين
وفى وقت ما بتسخن بغسل الارز كويس وبعدين اصفيه واسيبه
واحط مقدار تلت معالق شعريه كبار احمرهم شويه
وبعدين انزل بالارز واقلبه شويه على الناشف كدا وبعدين احط المايه حوالى 2 كوب كبار يعنى اغطى الرز وفوقه حبه حلوين شويه يعنى تقريبا لو لمست المعلقه للارز تبقا مختفى ربعها من تحت فهمنى وما ننساش نحط الملح تقريبا نص معلقه كبيرة
ونقلبه بهدوء شويه عشان ندوب الملح وبعدين نغطيه على نار عاليه شويه
لحد ما الارز يشرب ميته مش بنكشفه لحد ما يشربها خالص
وهتحسى بانه شربها من صوته شويه او بعد حولاى خمس دقايق
بنكشف الغطا ونقلبه من تحت لفوق شويه وبعدين نغطيه ونهدى النار ونسيبه يعيش شويه حوالى خمس او 10 دقايق وبالهنا والشفا ان شاء الله وهحاول ان شاء الله اصورلكم طبق منه وانتظرونى ان شاء الله فى صنف اخر
(¯`v´¯)
`·.¸.·´
¸.·´¸.·¨) ¸.·¨)
(¸.·´ (¸.·´ (¸.·¨¯` ♥♥♥
 |
اقتباس |  |
 |
المشاركة الأساسية كتبها kasanova  |
 |
 |
| ايه رايكم نبدا بالاسهل ثم الاصعب خلينا فى السلطات الاول السلطه الخضرااا طبعا خضار الموسم اى خضار وطماطم وبصل وجزر واى نوع خضار تحبوه وفى ناس تحط بقدونس وجرجير وناس لا اول حاجه هقولها اما نعمل السلطه ونقطعها ما نحطش عليها ليمون او ملح الا عند التقديم عشان الخضار ما يدبلش |
||
 |
 |
جزاك الله خير
بصى احب اضيف لو هنحط خس لو قطعناه بايدينا الطعم هيختلف جدااااااااااااا
لانه لو بالسكينه بيفقد فوايده وطعمه بيختلف تمام
لكن لو بالايد بيبقا ما شاء الله جميل جدا وعمتا الخضروات الخضرا الى هى بقدونس جرجير خس وشبت
كدا بالايد افضل فى الفوايد والطعم
حبيت اقولكم على أسهل و أسرع طريقة للبشاميل,المهلبية,الرزباللبن و طبعا انا مجرباهم بنفسى و اللهى, طبعا احنا مشكلتنا مع الاكات دى انها بتاخد وقت طويل على النار و نقعد نقلب نقلب لغاية ما ايدينا تتهرى و ممكن كمان الدقيق و النشا يكلكعوا و يتجمدوا و حاجات من دى لكن بطريقتى ان شاء الله تكون اسهل و اسرع و للامانة انا اتعلمتها من ماما و خالتى ربنا يخليهم و يديهم الصحة يا رب
البشاميل
انا عن نفسى بحب البشاميل السايح اللى بيخلى المكرونة زى اللزانيا و اللى بتحبه تقيل يبقى تزود كمية الدقيق حوالى معلقتين او تلاتة
تغلى لتر لبن حليب يعنى تقريبا 4 اكواب و نحط عليه معلقتين زبدة و ملح و فلفل حسب الرغبة و اثناء ما هو على النار تضربى فى الخلاط 5 ملاعق كبيرة دقيق مع نص كوب ماء او لبن و اول ما اللبن اللى على النار يغلى نوطى النار و نصب عليه اللى فى الخلاط بالراحة مع التقليب و فى اقل من 3 دقايق هيكون جاهز معاكى اسهل و اسرع صلصة بشاميل ان شاء الله
الكمية دى طبعا ممكن تضاعفيها حسب افراد اسرتك
تنعى كوب صغير ارز فى كوب لبن لمدة ساعتين ده طبعا بعد ما تكونى غسلتى الرز كويس اوى
و بعدين تحطى الرز فى حله و معاه كوب لبن على نار هادية لغاية مايستوى الرز و بعدين تضيفى عليه لتر لبن حليب و كوب كبير سكر و نص معلقة صغيرة فانيليا و اثناء ما هما على النار تضربى فى الخلاط 4 ملاعق كبيرة نشا مع ربع كوب ماء او لبن و اول ما اللبن اللى على النار يغلى توطى النار و تصبى اللى فى الخلاط بالراحة و تقلبى و فى اقل من 3 دقايق هيكون جاهز معاكى اسهل و اسرع رز باللبن ان شاء الله و طبعا تحطيه فى اطباق او كبايات و تسيبيه يبرد شوية و بعدين تدخليه التلاجة
المهلبية هى نفس طريقة و مقادير الرز باللبن بس من غير رز
و ممكن تزودى معاها معلقتين كبار كاكاو سادة المر و تبقى مهلبية شوكولاته تحفة الاطفال هيحبوها اوى ان شاء الله
ملاحظات
ممكن بدل اللبن الحليب تستخدمى لبن بودرة فى الوصفات دى كلها انا بستخدم معلقة كبيرة لكل كوب ماء يعنى 4 ملاعق للتر
بضرب النيدو مع الماء كمان فى الخلاط عشان يدوب كويس
و فى مهلبية الشيكولاته بضرب معاهم كمان الكاكاو فى الخلاط
الاسرع بقى لو عندك غلاية الماء الكهربائية
يبقى هتسخنى الماء و تحطيه على النار و تاخديه شوية صغيرين تضربيهم فى الخلاط مع الدقيق … النيدو … النشا … الكاكاو حسب كل وصفة
اكمل
حد يكتب اى اكله بقه يشجعنى
ميلك شيك بالفراوله
كبايه لبن
كبايه زبادى
فراوله مقطعه
كيس باودر ايس كريم دريم بالفراوله
مكعبات تلج
تحطى كل المكونات فى الخلاط
وبسسسسسسسسسسس