أخواتي الحبيبات
بغيت مساعدة عاجلة منكن…. لأني بصرااحة تعقدت:sad:
شعري يتساقط بغزارة بشكل مو طبيعي من شهر تقريبا… و انا عييت اخذ حبوب فيتامينات، و احط فيتامين مقوي لشعري … بس هم ما في فايدة…
و الله صج انه شعري خفيف و مو غزير… بس ما كان يتساقط كذا ابد:confused:
يا ريت كل وحدة عانت من المشكلة هذي أو تعاني منها حاليا .. تخبري وش سوت ويا هالمصيبة
و اذا فادها اي علاج.. او اي وصفة
أنا استخدم زيت دابر املا.. بس بعد ما فادني للتساقط
بانتظار مساعدتكن لي :shy:
وانا عن نفسي ما استغنى عن زيت دابر أملا يوقف التساقط
الحين يتساقط بشكل مو طبيعي ياليت في شي يوقف التساقط ياليت
السلام عليكم ورحمة الله وبركاته
عزيزتي ان استخدمتي اي زيت استمري عليه ولا تغيرينه لان الفروه يبالها وقت لينما تتقبل الزيت وتتعود عليه..
والتساقط له اسباب.. شوفي الاسباب وحليها..
ولكل مشكله حل باذن الله..
اول شي شوفي انتي تعانين من شو:
1- فقر الدم
2- كئابه وضيق نفسي
3- كثرة التفكير
4- الدراسه
5- الوراثه
6- خلل في الاكل
حاولي تحلين اي مشكله من هالمشاكل طبعا لها حلول الا الوراثه..
وان كنتي لا تعانين من اي شي فانصحج ب:
1- حمام الزيت مره في الاسبوع..
2- تستخدمين زيت حبة البركه+ الخروع كخلطه.. كل 4 ايام مره مع عمل مساااااااااج لمدة ربع ساعه ومن ثم ترك الزيت على الشعر لمدة 6 ساعات ومع عجفه في هذه الفتره..
3- ابتعاد عن الاستشوار ان كنتي تستخدمينه..
4- الاكثار من السوائل والحليب ومشتقاته
5- التركيز على الاكلات والوجبات ال3 الصحيه
6- الابتعاد عن المشروبات الغازيه والبهارات والفاست فووووود
7- غسيل الشعر بشامبو مناسب لنوعية الشعر..
وشكـــــــــــــــرا..
مشكوورين على المرور…. الله يوفقكم دنيا و اخرة
و الله يشفينا من ها التساقط:sad:
أنا استخدم دابر املا من زمان، و ما كان عندي تساقط جذي بشعري:confused:
هذا صار من قريب بس
أم سعيدة يا قلبي
مشكوره الغالية على النصايح الأكثر من روعة:clap:
أنا اتوقع انه مشكلتي مع التغذية.. لاني كنت مسوية رجيم.. و من يومها بدا وياي التساقط
بس لو أعرف كيف يعني احل مشكلة التغذيه هذي، مع اني اكل فواكه و خضراوات
بس اقلل من النشويات عشان ما اريد أزيد وزني بعد؟؟
الزيت يسبب انسداد مسام الفروة
يعني ماله علاقة بعلاج التساقط بالعكس يزيد وهذا الكلام الدكتور والدكتورة اللي رحت لهم كدا قالو لي
شوفي حبيبتي كلي خضار خاصة الجرجير وانا ان شالله بنزل موضوع عن الخضرة ونتايجها معاي
في شامبو في الصيدلية اسمه دوكراي للقشرة استخدميه مرتين بالأسبوع مدة 6 اسابيع
بعدين استخدمي منتجاتهم الباقية لعلاج الساقط شامبو ومحلول نفس الشي الشامبو مرتين كل اسبوع مردة 6 اسابيع والبخاخ مرتين باليوم مدة 6 اسابيع وشوفي شعرك كيف بيصير
قبل لاتعالجين التساقط لازم القشرة تروووح لأنها لو ماراحت مراح يفيدك أي علاج
وفي محلول اسمه( كارويان اس ) برضو في الصيدلية هذا يطول ويقوي
وأل شي والأهم الأكل ثم الأكل ثم الأكل خااصة الخضار كل وجبتين باليوم صحن بالصباح وصحن بالليل وكثري الجرجير والله راح تشوفين الفرق
زهرة الموت
غاليتي ربيع فلسطين مشكوورة على النصيحة
أنا بعد سمعت وايد عن فوايد زيت الزيتون و بصراحة جربت حطيته مرة وحدة بس
ان شا الله بستمر عليه