كل وحده تخبرنا شو حاطه في التسريحه مالتها 2024.

السلام عليكم ورحمة الله وبركاته..

ما ادري اذا الموضوع كان مكرر والا جديد والا قديم..
حبيت افيد واستفيد..

بنات كل وحده تخبرنا شو حاطه في التسريحه الي في غرفتها عشان نستفيد منه وانفيد غيرنا..

بخبركم عن غرفة شقتي.. أنا حاطه في التسريحه:

* صينية عطور: غرش العطور الي بالتوله.. مدخنه ذهبيه للزينه على الصينيه+ دهن العود+ غرشة دخوون..
* كرستالات..
* فخار مصبوغ باللون الأبيض وعليه قلوب حمرى "لان غرفتي لونها أحمر والديكور كله قلوب" فيه اقلام محددات الشفايف..

* فخار ثاني.. فيه أقلام كحل..
* على جنب حاطه عطور الي غرشهن كبيره..
* صندوق من الحجر.. فيها الاكسسوارات..
* قطعه للزينه بسيطه.. من الهند..
* قطعه قديمه جدا للزينه.. من باكستان..

وافكر اني احط مزهريه كبيره فيها ورود حمر.. بس اظاهر الصينيه غطت على مساحت التسريحه والعطور بعد فامتلت التسريحه بهالشغلات..

يالله اتريا افكاركم ومواهبكم وشو مسوين عشان.. في المستقبل افكر اني اغير التسريحه للاحسن وبنستفيد منكم..

السلام عليكم ورحمة الله وبركاته..

تسلمون الغاليات على المشاركه..
ننتظرج يا مشرفتنا العزيزه نور الهدى..

عزيزتي عروسة البحرين ضحكتيني ما عندج مكان.. ترى هذي مشكلتنا نحن الحريم ما خلينا شي الا وحطيناه في كل مكان والزحمه في الغرفه بسبب اغراضنا.. تدرين انا من زحمة التسريحه رحت اشترت لي طاولتين صغار وحده على يمين التسريحه ووحده على اليسار.. والله لا يراويج الاغراض الي كودتهم عليهم.. يعني شنطة المكياج وغرش الدخوون والاشياء الي تخص الشعر والسلال والكريمات والمعطرات والبودره و…..الخ هذيلا كلهم هناك والمشكله انهم غير عن الاغراض الي في "عزج الله" الحمام 2 ومشكوره على المشاركه الغاليه..

مشكوره اختي خيماويـــــــــــه على الرد.. وننتظر باقي المشاركه منج..

وين باقي البنااااااااااااااااااات :eek2:

السلام عليكم ورحمة الله وبركاته..

تسلمون الغاليات على الرد..

صحيح كلامج شوق القلب.. الزحمه تخرب على منظر التسريحه..

عزيزتي النونه عطيتيني افكار حلوه عن التسريحه.. افكارج حلوه وايد.. ذويقه ما شاء الله عليج..