كملت السنة وشهرين وللحين ما مشت؟؟؟ 2024.

السلام عليكم امهات
بنتي بتكمل السنة و3 شهور تقريبا ولحد الحين ما مشت
بس تتمشى على الجدار وتتوقف على الاشياء بس بدون ما تترك روحها تخاف جدا
خايفه عليها واجد في احد منكم صار الى عياله جذي؟
اني الكل يقول الي عادي في اطفال يتاخرون بس تعرفون قلب الام

مرحباا حبيبتي

لا تخااااافين أبدا

بتمشي ان شاء الله

انا بنتي مشت لما كملت سنه وشهرين

تحياتي

عادي جداً .. أساساً الطفل اذا كبر وهو مايمشي يظل متخوف انه حتى يجرب المشي يخاف يطيح ..

اني ولدي مامشى الا ولد سنة و4 شهور والكل يقول خايب وخايب .. قلت لهم اهم شي اني احس انه سليم ورجايله سليمين مافيهم شي .. والمشي آخرته بيمشي وبيعفس ليكم الدنيا

أهلين أم النوح
بنتك مريومه أذا مو غلطانه
الوضع طبيعي جدا بما أنها تمشي على الجدار وتوقف جسمها سليم ولله الحمد عندها خوف زايد وهذا شي زين يدل على ذكاءها
كلها فتره وبتمشي

نوبربلم حبيبتي
بس احسن لو ادلكينها

الله يحفظها لج

عبيير البنفسج وبريق الامل
مشكورين خواتي طمنتوني الصراحة
يا هلا والله بام صلوح اي خيتو مو غلطانة هذي هي بنتي مريومه
ومثل ما قلتين احس فيها ذكاء اذا احاول اوقفها واترك يدها تضحك او اذا اشجعها بالكلام ( وقفت مريومه وقفت ) تقعد تضحك
وان شاء الله الله يسمع منكم وتمشي قريب ان شاء الله