كيف الحال خواتي العرايس؟..
وشخبار استعداداتكم لرمضان؟
خواتي في وحده منكم جربت تسوي مرة الكوسا باللبن وطلعت مضبوطه؟!!
انا جربت اسويها على طريقة كتاب الطبخ الكويتي اللي تطبعه شركة المطاحن بس ما ضبطت معاي!!!
ياليت اللي مجربه تفيدني بطريقه مجربه ومضمونه..
وشكرا مقدما..
):
طريقة الكوسا بلبن سهلة جدا
المقادير
1- 8 حبات كوسا
2- نصف كيلو لبن
3- لحمة ناعمة
4-صنوبر (حسب الرغبة)
5-ملح وفلفل اسود وبهارات مشكلة
6-ماجي وماء
7-4 ملاعق طحين
8- حبة متوسطه الحجم بصل وفص ثوم صغير لتحميس اللحم
الطريقة:-
بسم الله الرحمن الرحيم
الكمية لشخصين او ثلاثة
تجيبي 8 حبات كوسا تحفريهم او يكونو محفورين جاهزين من السوق بعدين تحضرين الحشوة بتحميس اللحم الناعم بالبصل والثوم وتحطين عليه الملح والبهار بس يستوي اللحم تكونين قليتي الصنوبر وتخليه مع اللحم واذا متحبين الصنوبر مو ضروري
بعدين تحشين الكوسا بالحشوة الي ساويتيها
بعدين تقلين الكوسا بزيت وتخليه يتحمر من جميع الجهات
بعدين تخليه في صحن على جنب حتى يبرد ويفضل انك تحتفظين بشوية من الزيت الي قليتي فيه لان يعطي طعم رائع مع اللبن
* الان تحضرين اللبن*
بالخلاط تحطين نص علبة لبن من ام الكيلو ومعها 4 ملاعق طعام طحين عشان يصير اللبن ثخين واحسن من البيض وتخلين كوب ماء وتخلطينهم كويس
بعدين تخلينهم على النار وتضلي تحركي لحد ما يغلي اللبن
بعدين تخلي اللبن على اصغر عين بالطباخ وعلى نار هاديه وتسقطي الكوسا فيها مع الزيت
بعدين تخلين الماجي والفلفل الاسود والبهارات المشكلة وشوية ملح لان الماجي فيه ملح وتذوقيه انتي حسب مايعجبك تحبيه حار او مالح وتخليه يغلي ربع ساعة وسويه مع رز
وصحه وهنا
:21_91::21_93:
وتم حل المشكلة
والله يعطيكِ العافية