والله انا مالي قدكم ماشالله عليكم طبخاتكم روووعة بس دخلت مجازفة بصراحة:o
ويارب تعجبكم اكلتي وهي عن جد لذيذة وسهلة بنفس الوقت
بسم الله نبدأ
_ اول شي منجهز الحشوة وهي عبارة عن لحم مفروم مغسول + كوبين رز مصري مغسول (( حسب كمية الحشوة )) + ملح وبهارات وكمون ناعم وايضا القليل من الكمون الخشن وملعقتين كبار زيت او ملعقة سمنة وهي النتيجة
وطبعا منكون حافرين الكوسا وغاسلينها منيح وكمان مخططينها اذا بتحبو انا بحب اخططها بالقشارة مثل الشكل بالصورة حتى تعطي شكل حلو وهي الكمية كاملة
وهي كمية اصغر للتوضيح
وبعدين منبدأ بحشي الكوسا بالحشوة اللي عملناها فوق ونصيحة دائما خليها ببالك عند حشي اي شي لا تحشي مثلا الكوساية الى فمها لااااء خللي مسافة نصف اصبعك الخنصر فاضي حتى ماتتفزر عند النضج … وهي النتيجة
ولبين ماتخلصي الحشي حطيت انا القدر (( الطنجرة :o)) على النار وفيها كمية من الماء بتناسب كمية الكوسايات وبس تغللي المي
منضيف للماء المغلية بكيتين من رب البندورة (( معجون طماطم )) حسب الرغبة المهم انها تكون المرقة الناتجة ثقيلة لانها تطلع الذ واطيب بالاضافة للملح والقليل من البهار تطلع الذ
وهي النتيجة
وبعدين منبدأ الاجرام الشامي هههه ومنرمي الكوسايات بالمسبح بقصد بالقدر ههههه
وبس منخليهم يغللو ويستوو (( ينضجوا )) على نار هادية ومنغطي القدر لنتائج افضل
بهالاثناء منكون داقين اربع الى خمس فصوص ثوم + نعنع ناشف وعصير ليمونتين في ناس بتحط للثوم والنعنع حمض الليمون لانه يحمض الاكل اكثر وانا بصراحة عادة استخدمه في حال ماتواجد ليمون وهي الصورة للتوضيح
ومنضفلهم شوي من مرقة الكوسا ونخلطهم واهم شي بهالخلطة الصغيرة الحمض اهم شي وانتو وحسب حبكم للاكل الحامض مو كتييير بس وسط لان الاكلة تطلع الذ
وبس تنضج الاكلة وتخلص ونتأكد من استواها تماااام قبل لا نطفي بدقيقتين منضيف عليها خلطة الثوم وبعد دقيقتين ثلاث نطفي عليها وانتهت الطبخة
وهيك خلصت طبختي وان شالله تعجبكم يااارب:confused::o
وهي النهاية وبالعافية على قلوبكم اتفضللوا
وطبعا نحنا الشوام منعملها عادة كل شي مع بعض بقصد كوسا وباذنجان ويقطين وكللوا مع بعض ينطبخوا بس انا زوجي مايحب الا الكوسا وانا مثله ههههه
وصحتين والف هنا يااارب
الله يعطيك العافية يا دمشقية يا قمر اي شو هالاكلة الطيبة هي
دخيل عينك ناوليني شي كوساية لانك عن جد جوعتيني
سلمت يداك
:9_28:
ابو العيال وبنتي يحبو المحاشي
وبقول الى بنتي طريقة خالتك الدمشقيه اكيد بتحبك
تسلم ايدك ويعطيك الف عافيه
نورتينا بقسم المطبخ 
و الكوسا راااائعة ما شاء الله…
تسلم الأيادي و عليكم بألف عافية (f)