اهلا بكل العرايس القمرات يارب تكونو بخير وعيد سعيد عالجميع F:
وايه اخبار الفته معاكم 😉
طبعا اكلتو لحمة الله ينور بألف هنا وصحة وعافية 
بما اني ماشاءالله مجنونة مانيكير حبيت اوريكم مانيكيراتي المتواضعة جدا
هبدأ بماركة اسمها موفينج Mooving حلوة جدا على رغم رخص تمنها الا انها ناعمة والوانها واضحة خصوصا لما احط طبقتين و بتنشف بسرعة وسعر المانيكير الموفينج 2 جنية ودي المانيكيرات اللي عندي منها و مكتوب فوق كل واحد لونه ورقمه للي عايز يجيب زيه
نبدأ بسم الله مع الموفينج 
الوان الفرنش
ودي عبوات تانية من موفينج وبردو ب 2 جنية
نتابع مع ماركة تانية وهي كلارا تمنها كنت اجيبها ب 3.5 ودلوقت رخصت اظن ب 2.5 او 2 جنية وعندي منها 4 الوان اخليكم مع الصور
تالت ماركة اسمها Ludanmi وسعرها 6 جنية بس تحفة كواليتي ممتازة ومش بتقشر بسهولة ولمعتها جنان و مش بتطبع عالضوافر ابدا
رابع ماركة هي ليدي وسعرها 2 جنية الاصدار القديم منها ممتاز لكن الجديد بيطبع عالضوافر والوانه وحشه جدا مش عجبني
هنا مانيكيرين اموت عليهم الاول من اماندا ابيض كريستالي يجنن وسعره 12 جنية والتاني دهبي من بينكي زون خامته حلوة اوي وسعره 3.5
دول مجموعة مانيكيرات من ماركة اسمها سيلفانا مش اد كده موفينج برقبتها
ودي مجموعة الفرنش مكونة من البيس كوت من اوريفليم – الفرنش الوردي من اماندا – التوب كوت من اماندا – الابيض الجيري من سيلفانا
دا مانيكير من افون اخدته هدية على مشترياتي حلو جداااا من جميع النواحي ممتاز لمعة وكواليتي ونعومة وثبات و فرشته جميلة وان شاءالله ناويه اجرب منهم كذا لون لما ينزل بعروض
اخر مانيكير عندي هو من جوردانا عبارة عن ملمع شفاف فيه لمعه كريستاليه وقلوب سيمون شكلها لذيذة اوي وسعره 16 جنية
ندخل بئه في الديزاينات الجديده وهما 2 عملتهم خلال اليومين اللي فاتو
أول ديزاين عملته يوم وقفه عرفات سميته sun shine
وهنا ديزاين تاني عملته تاني يوم العيد( امبارح ) كنت في عزومة وعملته ملائم للبسي وسميته Crazy French
وهنا حبيت اوريكم ازاي بعمل الايدين عشان البنات كانت بتسأل اذا بعمل الديزاينات على ايديني الاتنين ولا ايد واحده ههههههه اعذروني عالتصوير بس انا حطيت الموبايل ادامي وهو صور لوحده 
بس كده انا خلصت اتمنى يكون الموضوع المتواضع خالص دا عجبكم
و احبكم تقولولي ارائكم في الديزاينات الجديدة اذا حلوة ولالا >>> الاخت طمعانة في تشجيعكم وانتقادكم :oF:
وطبعا كالعادة الموضوع جهد شخصي ولا احلل النقل الا مع ذكر اسمي واسم المنتدى
مش تنسوني يا بنات من دعواتكم ربنا ييسرلي اموري ويرزقني بالزوج الصالح عاجل غير اجل
في امان الله :L:
تتهنى بحاجتك يارب F:
حلو الاثبات بتاع الايدين ده
crazy french حلو اووووووى ما شاء الله ورقيق موت
بس عايزة اسالك سؤال رخم بقى
بتقعدى تعملى ايديكى الاتنين فى وقت اد ايه تقريبا؟؟
انا برضه عندى ماركه Ludanmi وعجبتنى اوى وثابته جدا معايا :thumbs_up::thumbs_up:
للاسف الميزان علطول بيعملها معايا :-#
صباح التعقيد هوا انا مش بدخل كتير واول مادخل تعقدني كده ليه
هههههههههههههههههههههههه
بجد ياانوش انتي عارفه رائي بجد والالوان زوئق حلوه اوووي فيها تتهني فيهم ياقمر يارب
وربنا يحقق ليكي كل اللي بتتمني بيه
ما شاء الله الله اكبر بجد حاجه كده جامده
موضوع حلوو و متكامل و ارقام المانكير فكره حلوة منك هتفدنا فعلاااااااااا
و الديزان الازرق وااااااااو بجد رقيق و جديييييييد:adore:
لما تفضي بقى ابقى و رينا كل مناكير على ظفر من صور المجموعات دي و حطيه في الموضوع مش الردود عشان ممكن يبان حلو اللون بس على ايد مش يشجع او العكس:L::thumbs_up:
وشكرا لك
يعطيكى العافيه
يعطيك الف عاافيه
بس الصوره الاخيره حاولت اعرف الاصبع الصغيرمن الوسط و عجزت خخخخخخخ