جنج تدرين اني بدش اسأل عن النخاع
لانه انا سمعت انه يسيحونه عالبخار بس مادري شلون الطريقة
ويقولون انه النخاع الجملي احسن بس ياربي وين احصله
انا عندي نخاع الخروف متوفر بكثرة بس جمل صعبة
وبغيت اسأل شنو العسل الابيض اللي قلتي عنه؟؟ هل يفرق عن العسل العادي؟؟
وشنو فايدته للشعر؟؟
اول مره اسمع فيه..
سلام..
اختي السائلة انا مثلش مهتمة وايد بسالفة النخاع حق الشعر..
واتمنى تلاقين الاجابه الشافيه عندي.. ترى خالتي كانت تزورنا من كم يوم وهي شعرها اصلا مجعد وجاف وراحت صبغته بطريقه مبالغ فيها فصار شعرها مثل اللي محروق في فرن يعني شكله :down:
لكن ما مر عليها شهر ورجعت زارتنا وكان شعرها بصراحه وبلا مبالغه ولا كأنه محروق يلمع وناعم.. 
سالتها فقالت لي انه كله من النخاع وهي جابت الخلطة من كوافيرة تبيع الخلطة ب 350 درهم عندنا بالامارات لكن الكوافيرة لأنها صديقة خالتي الروح بالروح قالت بعطيش الخلطة ببلاش
وهي:
نخاع + رشة ملح+ عدد حبتين ثوم+ بصل + زيت زيتون وخروع او ممكن تحطين الزيت اللي ترتاحين له لكن هي شددت على الخروع وجوز الهند
تخلطينهم بالخلاط وعقب تحطينهم على شعرش .. طبعا خالتي كانت تنام فيه لكن اذا ما عندش وقت ممكن تكتفين بثلاث ساعات وطبعا كل ما كان الوقت اكثر كان افضل.. والخلطة توضع اسبوعيا واذا كان باقي شي من الخلطة بأمكانش تشيلينها بالثلاجه وتستخدمينها متى احتجتيها.. انا نقلت لكم الخلطة حسب ما قالت خالتي وبلا اي زيادات وانا شفت شعرها ما شاء الله, انا قررت اسويها وبقولكم النتيجه.. طبعا مافي شي يغير طبيعة شعرنا اللي انخلقنا فيه لكن شعر خالتي صار احسن بوااااااااااااايد
جربيها وان شاء الله تستفيدين
تقول خذوا النخاع من الجزارين تلقونه عندهم…
وسيحوه على النار وحطووه بشعوركم مررررررررره ينعم الشعر..
سءالي الحين؟؟
له ريحه؟؟
sadlove//
النخاع الي استخدمته خالتك..نخاع ايش ؟ جمل والاخروف ؟؟
بعدين مايصلح احطه من دون ثوم وبصل لاني صراحه دلوووعه ماتحملهم
ولو ايش ماحطهم؟؟
ياليت تفيدوووني..:o