أنا عضوه في المنتدى بس أول مره أكتب موضوع … بس تكفون لا تخيبوني …
أنا أبغي مشورتكم في استشوار المشاغل …..
أنا سمعت إنه يثبت الاستشوار أكثر من الاستشوار اللي معاه فرشه …..
ومن فتره عزمت ورحت نزيه وشريت أفضل استشوار عنده :tongue:…
وحاولت استخدمه أكثر من مرة بس للأسف إلى الآن ماعرفت اضبطه :confused:..
واللي أبغاه منكم … اللي تستخدمه أو تعرف طريقة استخدامه تساعدني لأني محتاجته مره وشعري مايضبط بالاستشوار العادي
وماعليش طولت عليكم … بس كنت أبغى أسأل إذا في وحده جربت الأملج مع السمسم للشعر واستفادت منه ياريت تفيدنا
لكن بالنسبه للأملج بصراحه انا استخدمه مع خلطتي اللي كتبتها بموضوعي
وبصراحه النتيجه روعه ولله الحمد:wink:
اتمنى افدتك
بس الاملج روعه للشعر انا استخدمه وحلووو ينعم الشعر 
ابحثي في اليوتيوب يمكن تلاقين الطريقة
هو يبي له تمرين فترة لين تتعودين عليه
اول شي لازم عندك فرشة استشوار ايطالية وشعراتها تتحمل الحرارة العالية
الفرشاة البلاستيك بتذوب من الحرارة
وقسمي شعرك زي الكوفيرة
من قدام 3 اقسام << من عند الاذن الى الاذن
باقلي الشعر قسميه 4 او 5 اقسام
طبعا بتبللين شعرك ببخاخ المويه زي المشاغل وتحطين سيروم حماية من الحرارة
تبدين من الاقسام اللي ورى اول تاخذين خصلة
تحطين الفرشاه فوق الخصلة وتمررين الاستشوار وتسحبين الفرشاة عشان تفردين الجذور
وبعدين تحطين الفرشاة تحت الخصلة والاستشوار فوقها وتمشينه على الخصلة
اهم شي الاستشوار ماتوجهينه لفروة الراس ولا مستقيم على الخصلة
لا خلي الهواء اتجاهه بالخارج
مدري مسموح روابط من مدونة ثانية او ممنوع ؟
دعواتك لي بالزوج الصالح
الله يجزاك خير ويزوجك الزوج الصالح … بصراحه أفدتيني كثير
حبق …. أبشرك المحاوله نجحن 80% بس المشكله اني اذا بمجرد ما أخلص من الاستشوار وأفتح شعري ينفش بسرعه( وكنك يابوزيد ماغزيت ) .. مع اني أعطي كل خصله حقها ولا أنتقل للثانيه لماأتأكد ان الأولى نشفت ونعمت وكمان أحط كريم مثبت قبل الاستشوار وبعده وأزيته بين فتره وفتره وأستخدم بعد الستشوار كريستال … بس مافي فايده
اسفه