بصراحة أنا أول مرة أشارك في المنتدى ودايم أتصفح وأتابع مواضيعه ومشاركات الأعضاء ووايد عاجبني وأتمنى أنكم تساعدوني..
أنا صار لي شهر أو أكثر ماشفت زوجي..أبيكم تفيدووووني كيف أستقبله ووش أسوي ووش ألبس له.. وأفكر إني أهديه عطر ديوور الجديد الرجالي وياليت اللي تعرف كم سعره تقولي لأني مادري بكم..وياليت تعطوني أفكار حلوه من أفكاركم وأكون لكم شاكرة..تحيااتي:shy:
-ثاني شي ريحة الغرفه وريحتج أهم يكون شي غير اذا دوووم عطر غير أو العكس مثلا عووود أو عطر ريحته جديده
–ثالثا لبسج البسيله شي أول مره بس مب شرط قميص نوم يعني تنورة جنز أو اي شي حللو قصيره مع قميص دلع
وبعدين شطارت تغيير صفت شعرج و مكياج غيييييييييير — يعني كل شي سويه مب مثل المعتاد
اتمنى اني أفدتج
:handup:
شوفي مثل ماقالت لج الاخت دمدماني .. تغيرين الغرفة .. وتغيير الغرفة يشمل لون الكفر والاكسسوارت والاضاءة وهالسوالف .. ودرجات الالوان النارية بتطلع روووعه .. طبعا الاضاءة بس شموع وابجورات.. بسسس
وطبعا لا تنسين تنثرين ورق الورد الطبيعي عشان يعطي منظر رومانسي وريحة اتجنن .. وكأنه داخل حديقة .. واذا تقدرين .. اشتري قطع ساتان أو شيفون أو دانتيل .. شوفي اللي يناسبج وثبتيها من من زاوية لين زاوية وتقدرين تتفنين في هالحركة.. يعني تلبسين غرفتج بطريقة يديدة وحلوة..
وطبعا انتي لازم تغيرين اللوك .. مثلا تقصين قصة حلوة .. وتصبغين شعرج .. ولو تقدرين تسوين شعرج في صالون يكون احسن .. وخذي معاج وردة بلون الالوان اللي بتحطينها في الغرفة عشان تحطها في شعرج .. والبسي فستان قصير ناعم .. فيه حركات دلع واغراء .. بنفس الالوان .. واذا مالقيتي ويمديج تفصلين خذيلج قطعه شيفون وسوي منها فستان ناااعم .. وطبعا لا تنسين الكريمات والعطور والدخون .. صيري له عروس في هاليوم .. :shy:
امم بالنسبة للعشا .. حلو انكم تتعشون على الطاولة وتحطين له شموع ورود .. وطبعا انتي ادرى بالطبق المفضل عنده .. واكيد بيكون مشتاق له ..
وبس هاي اللي عندي .. سوري على افكاري المتواضعه .. والبنات انشالله بيفيدونج اكثر مني ..
يا سلام على البنات…
التغير اهو سيد المواقف …غيري كل شي …مثل ما قالولج البنات …وانتثري الورد في كل مكان …
والحمام …حضريله بانيو كله ماي ورغوه حلوه ..وانثري فيها ورد احمر …وحطي شمووع غلى اطراف البانيو…وهذا للحمام..والباجي مثل ما قالولج البنات …
البنات ماقصرن معك بالافكار وهو اول يوم بيكون تعبان ممكن تسوين شئ بسيط يعني تهتمين بالغرفه وترتيباتها وتسوين له عشوه خفيفه وتهتمين بريحتك ونظافتك والبسي له لبس ناعم وغير مكلف لانه بيكون تعبان وماراح يركز كثير
ثاني يوم ابدئي يوم حافل بالرومانسيه وابدعي بشكلك وترتيبات الاكل والدلع
إن التغيير أهم شي
وبالنسبة للهدية
أشتري له إي شي يحبة
يعني موب شرط عطر
وغير هذا
سوي له طبخة لذيذة
وخليها على الطاولة
وعلى ضوء الشموع
ويكون فيه أطباق مختلفة
وبالباقي عليج
:shy:
وبالتوفيق
تحياتي
ماشاءا لله البنات ما قصروا..
وشوفي بعد الركن مليان أفكار خذي لفه فيه وجمعي أفكارك..