.+.+. كيف استخدم القاموس الانجليزي .+.+. 2024.

السلام عليكم ورحمة الله وبركاته..

حبيت اعلمكم طريقة استخدام القاموس الانجليزي.. وان شاءالله الكل يستفيد

أولا.. معرفة الABC شيء ضروري.. لأنه الكلمات مكتوبة حسب الترتيب الابجدي للحروف

هذا شكل الصفحات من داخل ..

بتلاحظون كلمة مكتوبه في اعلى كل صفحه على اليسار ( 1 ) و كلمة على اليمين ( 2 )

هذا يسهل علينا البحث..

1.. هذه اول كلمة في القائمة اللي على اليسار.. 2 .. هذه اخر كلمة في القائمة الثانية ..

وفي هذه الصفحه.. بنحصل كل الكلمات الموجوده بين كلمة 1 و 2..

مثال للتوضيح..

اذا كلمة 1 هي : signal

وكلمة 2 هي silage

واريد معنى كلمة sight ..

اول حرف منها s والثانيه i >> الثالثه g>>

بما ان الصفحه بدأت بالحروف sig .. فمعناته احتمال كلمة sight تكون موجوده على نفس الصفحه

اتأكد من الكلمة الثانيه ( كلمة 2 اللي هي اخر كلمة في القائمة الثانيه) ….. silage .. الحرف الثالث L ..

هذا معناه كلمتي موجوده في هالصفحه لأنه الحرف الثالث من كلمتي هو G.. و حرف الG طبعا يكون قبل حرف ال L ..

اما كلمة silver مثلا.. ما بحصلها.. لأنه حرف الv يكون بعد حرف الL

باختصار… لما ادور كلمه.. اشوف الكلمتين اللي فوق فقط.. وهي تعطيني فكرة عن كلمتي وين هي موجوده..

في البدايه تاخذ وقت.. بس بعدين تصير سهله وتقدرون اطلعون اي كلمه في ثواني…

أي اسئله .. انا حاضرة…

:flower: :flower:

تقديري واحترامي لكم

العنيــــــدة™