شخباركم بنات وحشتوني
بس حبيت تقولون لي عن تجاربكم شلون تحطون مكياجكم الصباحي ويثبت بدون مايدهن وجهكم
لانه انا احط اول شي كريم وعقب احطه فوقه البودره بس بعد كم ساعه الاحظ انه الوجه
يدهن معنه بشرتي جافه شوي ومب دهنيه
اكتفي بكريم الحمايه المرطب .. لان الظاهر بشرتج مختلطه نفس بشرتي ..
هذي طريقتي بالمكياج اليومي للدوام :
تونيك قابض للدهون (بيور زون من لوريال)
كريم مرطب للعين بفيتامين c (من بودي شوب)
كريم حمايه واهو مغذي ومرطب وفيه اضاءه (من كلارنس)
وعالـT zone احط لوشن الـ Tea Tree لانه يجفف الدهون من (بودي شوب)
واترك بشرتي شوي على ما تمتص هالكريمات
بعدين اوزع الليكود فونديشن بالاسفنجه .. واهو فيه نسبة ترطيب وحمايه (من نيفيـا)
واترك بشرتي شوي على ما تمتص الفونديشن
بعدين احط بودرة مات تطفي اللمعه اللي بالوجه (من ميك اب فور ايفر)
واكمل مكياجي عادي من كحل وماسكرا وحمره وبلاشر ..
واخذ معاي بالجنطه البلوت باودر (من ماك) عشان لما احس بلمعه بويهي
احط عليها شوي من هالبودره وتروح على طول ولا تخرب مكياجي (:
اتمنى اكون افدتج .. (:
يعطيج العافيه
وان شاء الله باروح اشتري هالكريمات واجرب
وان شاء الله استفيد ويعطيج العافيه